Paru-Paro

Isang lalaki ang nakakita ng kukun ng paru-paro. Isang araw nagkaroon ito ng maliit na butas. Ilang oras umupo at pinanuod ng lalaki ang paru-paro, na sumisiksik at nahihirapan sa sikip ng kukun. Minsan tumigil na sa pagalaw at paglaki. Mukhang hindi na tatagal pa at mabubulok na lang hindi man lang masisilayan ang mundo.



Sinubukan tulungan ng mama ang paru-paro. Kumuha ng gunting, ginupit ang kukun upang makawala ang paruparo.



Lumabas nga ang paru-paro, ngunit hindi ito naging kumpleto: maliit, payat at putol ang kanyang pakpak.



Ipinagpatuloy ng lalaki ang panunood sa paru-paro, akala nito na hahaba pa ang pakpak at makakalipad, ngunit dahil pinabilis ang paglabas nito sa kukun hindi nakumpleto ang pakpak ng paru-paro, sa halip na lumipad namatay ito.



Ang ginawa ng lalaki dahil sa kanyang pagmamalasakit at pagmamadali, hindi niya naintindihan ang kailangan ng isang paru-paro ang mahirapan sa maliit na butas ng kukun upang makumpleto at mabuo ang pakpak ng paru-paro.



Minsan kailangan ng isang pagsubok sa buhay natin. Pag hinayaan ng Diyos na hindi tayo bigyan ng mga pagsubok sa yugto ng ating buhay. Tayo ay inutil at hindi magiging ganap na tao.

Bintana

Dalawang ama ang magkasabay pinasok sa ospital dahil sa malubhang karamdaman. Ang isa ay pinaupo ng doktor ng isang oras upang mawala ang tubig sa kanyang baga. Bukod sa bintana ang tanging kasama sa kwarto ay isa ring amang kinailangan ipahiga dahil sa mahinang likod.



Naisipan ng dalawang magkuwentuhan. Pinag-usapan nila ang kanilang mga asawa, pamilya, tirahan, hanapbuhay at ang mga lugar na kanilang napuntahan tuwing bakasyon. Pagsapit ng hapon, kinukuwentuhan ng lalaking naka-upo ang lalaking nakahiga kung ano ang nakikita niya sa bintana.

Ang lalaking nakahiga naman ay kuntento na hagapin ang mga kuwento ng lalaking naka-upo kung ano ang nasa labas ng bintana. Magandang parke, mga bibe at ibon naglalaro sa batis, sabi ng lalaking naka-upo sa lalaking nakahiga.



Ang mga magkasintahan na magkasamang magkahawak kamay sa ilalim ng bahaghari. Mahahabang matatandang luntian mga puno at mapang-akit na asul na kalangitan. Ang lahat ng ito’y pilit ipinapasok sa imahinasyon ng lalaking nakahiga sa bawat pikit ng mata.



Minsan isang araw, sinabi ng lalaking malapit sa bintana na may paradang dumaan sa ospital. Kahit na walang narinig ng lalaking nakahiga ng musika ng banda, halos, makita niya na at marinig ang banda dahil sa kakakuwento ng lalaking naka-upo. Ngunit, di nagtagal naingit ang nakahigang lalaki dahil sa kagustuhan niyang makita rin ang labas ng bintana. May mga gabing hindi siya makatulog sa kaiisip kung ano nasa kabila ng bintana.



Isang gabi habang nakatitig sa kisame narinig niya ang malakas na pag-ubo ng lalaking malapit sa bintana. Halos marinig niya na sumusuka ito ng tubig, nahihirapan huminga na tila naghihingalo. Walang ginawa ang lalaking nakahiga hindi ito sumigaw, mag-ingay o pindutin ang emergency button upang ipaalam sa mga nurse ang nangyayari sa kasama. Matapos ng limang minuto, nakakabinging katahimikan ang narinig nito.



Kinabukasan, nalaman ng mga nurse na namatay na ang lalaking pasyenteng malapit sa bintana. Walang salita at walang ingay, tumawag ang nurse ng iba upang iligpit ang bangkay ng nakaupong lalaki. Ang naiwang pasyente sa kuwarto, ang lalaking nakahiga ay nagmunkahi sa nurse na ilipat siya sa puwesto kung saan malapit sa bintana ang dating puwesto ng namatay na pasyente. Pinahintulutan naman ng nurse ang hiling at inayos ang higaan nito, siniguro na komportable ang sa kanyang sumunod na puwesto at saka iniwan.



Nang umalis na ang nurse, pilit tumayo ang lalaki upang makita ang labas ng bintana, kahit masakit ay tiniis upang makasilip sa bintana, ngunit laking gulat niya na ang bintana na inaasam makita ay isang pader pala.



Gintong aral: Ang pasghahanap ng kaligayahan ay kung ano ang gugustuhin… Isa itong positibong kaugalian na kailangan bukal sa kalooban. Hindi ito regalo na basta nalang nakukuha sa harap ng pintuan ng bahay o sa bintana. Ang katotohanan ay lahat ng kasiyahaan mo ngayon ay maliit lang na bahagi ng ganap na kaligayahan. Pag hinintay na maging tama ang lahat ay hindi natin mahahanap ang ganap na kaligayahan. #30#

Pinakamatibay na salamin nalikha

Nakagawa ang mga researcher sa Saudi Arabia ng isang salamin na kasing-tibay ng bakal.



Dahil sa isang mapait na karanasan matapos pasabugin ng mga terorista ang Khobar Towers noong 1996, kung saan nag-wan ng 19 taong patay dulot ng mga basag na salamin. Dahil dito nagkaroon ng ideya upang lumikha ng isang matibay na uri ng salamin.



Gawa sa plastik na polymer na meron glass fiber na kapal ay halos “quarter-inch” na kayang salaging anumang uri ng pagsabog tulad ng isang bulletproof glass, ngunit, ang tawag dito ay bombproff glass, ani Sanjeev Khanna, isang associate professor ng Mechanical Engineering sa University of Missouri .



Masusing tinutukan ng mga dalubhasa kabilang ang Department of Homeland Security’s Science and Technology S&T, ang pagawa sa matibay na uri ng salamin. Pinagsama-sama ang lahat na teknolohiya, formula at glass fibers na 15-25 micrometers na nipis at dahil sa sobrang nipis hindi sukat akalain na kakayanin salagin ang isang malakas na pagsabog.



Ilang beses ng sinubukan ang salamin kahit isang RPG missile ay nakayanan nito, sa sobrang tibay, pwede na gawing bulletproof vest ng mga sundalo, dagdag ni Khanna.



Balak ngayon nila Khanna na gumawa ng 48 by 66 inches tulad ng Khobar towers at magtayo ng isang gusali may matibay na salamin.#30#

Pinakamaliit na baterya sa buong mundo

Nagawang makalikha ng isang baterya ng kasing-liit lamang ng isang hibla ng buhok ang mga siyentipiko sa Center for Integrated Nanotechnologies (CINT) sa Albuquerque , New Mexico .



Ayon kay Jianyu Huang, researcher ng CINT, ang naimbentong baterya ay gawa sa anode nanowire, lithium based at rechargeable battery, na kayang magpatakbo ng isang transmission electron microscope.



Nagtataglay ang maliit na baterya ng tin oxide nanowire anone, 100 nanometers ang diameter at 10 micrometers ang haba, at kinakailangan pa ng tulong ng microscope upang makita.



Nahirapan din ang grupo ni Huang na gumawa ng gantiong klase ng bateryang, dahil sa sobrang liit na kayang magpailaw ng isang bumbilya sa loob ng limang sunud-sunod na araw na walang tigil. Kasama pa sa aparatong ito ang charger upang magamit uli.



Gamit naman ng mga siyentipiko ang picoampere upang makargahan ng 3.5 volts bawat isang charge ang nanobattery, dagdag ni Huang.



Balak ngayon ng CINT na subukan ang nanobattery sa laptop, cellphone at television upang malaman kung gaano ka-epektibo sa mgfa naturang electrical gadgets.



Taong 1800 nang maimbento ni Alessandro Volta ang kauna-unahang baterya sa buong mundo at tinawag itong isang voltaic pile. #30#

Sa sobrang paggamit ng Facebook hika aatake

Sa mga sobrang pagkahilig ng Facebook, maging hinay-hinay at huwag sobrahan ang pagjamit. Sa isang ulat, muntik ng bawian ng buhay ang isang 18-anyos na lalaki matapos biglang atakehin ng hika dahil sa Facebook.

Mahilig sa Facebook si Jason, hindi nya tunay na pangalan, isang estudyante ng Goldsmiths University sa London , ngunit, lalong nalulong sa pagkahilig sa Facebook matapos maghiwalay sila ng kanyang kasintahan, ayon kay Genaari D’Amato, ang kaibigan ng minor de edad.

Minsan, binuksan niya ang kanyang facebook account upang tignan ang kanyang mga kaibigan, ngunit, nang makita nya ang kanyang dating kasintahan, nalaman niya na dumami ang mga kaibigan nito na puro lalaki at napuno ng mga mensahe sa kanyang wall na gusto siyang ligawan.

Sa sobrang selos at galit ni Jason, bigalng inatake ng kanyang asthma, muntik ng masawi ang binata, suwerte lang dahil narinig siya ng kanyang mga kaklase.

Nakaligtas naman si Jason sa ganap na kapahamakan matapos gumaling ay binigyan si Jason ng psychological therapy matapos ang siyang gumaling.

Pinayuhan ni Max Blumberg, isang psychologist ng Goldsmiths University, isang espesiyalista na humawak kay Jason, na iwasan muna na ang paggamit ng Facebook. #30#

USB gagamiting medical diagnosis

Pinag-iisipan gawin ngayon ng mga Biomedical engineers sa University of California Davis medical center, ang isang USB o Universal Serial Bus na kayang kumuha ng mga medical diagnosis sa pamamagitan ng pakabit sa katawan ng tao.

Ngunit, kailangan ng isang kagamitan na may USB port sa katawan upang kayang basahin ang mga ito, kaya, balak ni Tingrui Pan, assistant professor sa UC Davis, na gumawa ng isang microfluidic chip na ilalagay sa katawan ng tao at doon ilalagay ang USB upang makakuha ng medical diagnosis.

Ang microfluidic chip ay micrometers ang liit na gawa sa isang plastic membrane, at ilalagay ito sa isang USB storage upang basahin naman ng computer kapag ikinabit doon.

Kumpleto ang datos na makakalap ng microchip, malalaman dito ang klase dugo, temperatura at kukuha rin ng mga litrato upang masuring mabuti ang katawan ng tao.

Sa tulong ng USB, lalong mapapadali ang trabaho ng mga doktor sa pagkakalap ng mga impormasyon tungkol sa katawan ng tao upang mabigyan ng lunas sa kanilang mga sakit.

Ang USB ay isang standard peripheral device, na ginawa noong 1994, na ang umportanteng gagawin ay makabit ang dalawang devices tulad sa isang computer o printer, upang magkaroon ng komunikasyon ang dalawang gamit na ikinabit. #30#

Pinakamabilis na camera sa mundo gagawin

Planong likhain ang isang kamera na napakabilis at kayang kumuha ng deoxyribonucleic acid o DNA, ayon sa mga siyentipiko ng University of Edinburgh .

Sapamamagitan ng Megaframe imager, isang ultrafast camera, kayang kumuha ng isang milyong frames at may biochemical sensor, upang kahit DNA ay kayang kuhanin ng litrato.

Sa pamamagitan ng paggamit ng megaframe imager ng isang sensitibong Single Photon Avalanche Diode o SPAD, kagamitang nagtataglay ng on-chip intelligence na nagbibigay ng biosensing ability ng isang digital camera upang makita ang DNA, ayon sa ulat ng Biomedical Optics Express.

Taglay ng ultrafast camera ang mataas ng megapixel, neutral imaging, protein microarray scanning, automative collision at high sensitivity biosensing lens.

Balak ipasa ng University of Edinburgh ang kanilang research sa Optical Society of America upang mabigyan sila ng suporta sa naturang proyekto. #30#

Robot surgeon nang-opera na

Matagumpay ang dalawang robot sa pag-oopera sa isang tao upang sagipin sa isang ganap na kapahamakan sa McGill University Health Centre (MUHC) ng Canada .

Nagsama sina Da Vinci ng surgical robot at McSleepy ng anesthesia robot, upang operahan ang isang taong may tumor sa kanyang prostrate, ayon kay Dr. TM Hemmerling ng McGill University .

Napag-alaman ang pasyente ay meron bukol na tumubo sa kanyang prostrate at maaring maging kanser ito kapag magtagal na sasailalim sa operasyon, kaya, sa halip sa kamay ng mga doktor magpaopera sa robot na lang nagpaubaya.

Lahat ng sumagawa sa operasyon at paglalagay ng anesthesia ay ang mga partne sina DaVinci at McSleepy, binago lang ang kanilang programa upang magkaroon ng komunikasyon ang dalawang robot.

Automated o walang taong nakialam sa operasyon, ani Dr. Hemmerling, binantayan lang ng isang doctor ang buong proseso at tsaka ito kinuhanan sa video camera.

Lahat naman ay tama at malinis trabaho ang dalawang robot, banayad at iksakto ang bawat galaw ay tila parang tunay na mga doktor, ayon kay Dr. A Aprikian, isang urologist at nagbantay kina DaVinci at McSleepy.

Inembento sina Da Vinci at McSleepy noong 2008, sila ang kaunaunahang surgical robot na nagsagawa ng Protatectomy o ang pagtatanggal ng tumor sa prostrate gland ng tao.

Dahil sa tinamong tagumpay, kulang na lang ay bigyan sila ng lisensya bilang tunay na surgeon, biro ni Dr. Hemmerling. #30#

#34 Quebec , Puso ng Pranses-Canadians

Ni P. E. Bryden
Translated by Ian Estrada



Ang Quebec ang pinakamatandang probinsiya sa Canada . Simula pa noong 1608 matapos madiskubre ni French explorer Samuel de Champlain ang pangpang ng St. Lawrence River, at magtayo ng isang lugar na pwedeng pagtayunan ng kuta ng mga Pransiya sa America na tinawag na Quebec City. Kahit na idineklara ni Champlain ang pagtuklas at unang tao sa Quebec , bago pa ang mga Pransiya, ang lugar ay naging tahanan na ng mga katutubong Iroquois at Algonquin First nations at sa hilagang bahagi ay mga Inuit.



Ngunit, ang pagtatag ng Quebec ay hindi naging madali para sa mga Pranses, dahil sa gusto nilang gawin ang lugar bilang sentro ng kalakal ng probinsiya. Sinuyod nila ang buong Quebec upang makahanap ng ginto at naghanap ng daan papuntang sa Tsina upang makipagpalit ng kalakal. Nagkipagpalitan din ng mga fur sa North America at Europa. Naging interesado rin ang mga Pranses sa mga katutubo ng Canada at ipinakilala ang relihiyon Kristiyano. Nahirapan din ang mga Pranses dahil kaagaw nila noon ang mga Ingles na interesado rin sa Quebec . Dugo’t pawis ang naging puhunan ng mga Pranses dahil sa umiiral na digmaan Britanya at Pranses.



Pitong taong nagtagal ang digmaang Pransiya at Britanya, simula noong 1756 at 1763. Ang Quebec ay naging matatag na base ng Pransiya at walang anumang magawa ang Britanya sa matibay ng depensa nito. Nahinto lang ang digmaan noong 1759 matapos matalo ng Ingles ang mga Pranses sa Battle of the Plains of Ambraham. Sa labanang ito, lumambot ang kampanya ng Pransiya at hinayaan sakupin ng Britanya ang probinsiyang Quebec .



Gayunpaman, kahit nasa ilalim na ng Britanya ang pamumuno ng Quebec , hindi naalis ang kulurang Pranses. Mula pa noong masakop ang mga Ingles naging kolonya pa rin ng Pransiya ang lugar. Lumago ang ekonomiya, ngunit kahit ang Montreal at Quebec City ay sentro ng kalakal, ang edukasyon at pinansyal ay nasa kamay parin ng mga Ingles.



Dahil sa nagkaroon ng matinding diskriminasyon, ang mga mayayaman, makapangyarihan at namumuno ay nasa hanay lamang ng Ingles at wala sa Pranses. Noong 1830, nag-aklas ang mga Canadian na nagsasalita ng Pranses upang iparating sa Britanya na magkaroon ng pantay-pantay na estado ng buhya sa Canada sa pinagsamang dalawang kultura.



Ngunit hindi naging maganda ang pagsama ng dalawang kolonya ang France at English. Ang solusyon ay ang paghiwalayin ang dalawa. Ang Quebec ay sa mga French at Ontario sa mga English, kasama ang iba pang British North American Colonies at dito nabuo ang Canada.



Ang Quebec ay nanatiling probinsiyang nagsasalita ng Pranses ng Canada . Napulitika ang kultura matapos maimpluwensiyahan ng French-Canadian. Napanatiling tradisyonal ang pamumuhay hanggang ika-20th siglo. Noong 1960s, sa ilaim ng pamumuno ni Premier Jean Lesage, ipinakilala ang pagamit ng hydro electric power, nagkaroon ng pagbabago sa sistema ng edukasyon at napalago ang pananalapi. Kabilang ito sa “French Canadian nationalism” o ang tinawag na The Quiet Revolution, na kilala ang Quebec bilang isang estado ng mga nagsasalita ng Pranses sa Canada . #30#

#33 Ontario : Higante ng Conferation

Ni P. E. Bryden
Translated by Eric Estrada



Idineklara ng isang sikat na awit noong 1960 ang Ontario bilang “a place to stand and a place to grow.” Dahil pinakaraming populasyon sa lahat na probinsiya ng Canada, at sentro ng kalakal ng Canadians, napatunayan isang lugar upang gawin tirahan at makapag-umpisa para sa karamihang Canadians, na mahigit 13 milyong sa huling bilang, Ngunit, para sa mga unang nanirahan sa Ontario, higit itong mas mababa.



Isang lupain sa mabatong Canadian Shield , bahagi ng makipot at masaganang lupain sa buong kahabaan ng dakong timog ay ang tahanan ng mga mangangaso sa hilaga at mga magsasaka sa timog. Ang mga taga-Europa ang unang nagpunta sa lugar. Habang kahali-halina para sa mga misyonero na nagsisikap ikalat ng kristiyanismo sa First Nations at itago sa mga mangangalakal at mananakop at maging puhunan upang maangkin ng mga taga-Europa ang kontrol sa kalakal, na hindi ginawa ng una ng Ontario .



Pagkatapos ng rebolusyon sa Amerika nong 1780, maraming mga Amerikano ang nanatiling tapat sa Britanya at nagpuntang pahilaga sa mas komportableng kapaligiran na British North America . Ang mga tinatawag na loyalista bilang mga takas (refugees) ay nagkampo sa Quebec at karamihan nagsasalita ng wikang Pranses. Upang mapanatili ang parehong Pranses at mga bagong saltang Ingles na massaya, hinati ang Quebec sa Lower Canada sa silangan at Upper Canada sa kanluran. Sa kalaunan, dahil sa pulitika naging Ontario .



Ontario na tinatawag pa rin Upper Canada ay una nang tinirahan, kasama ang mga loyalista upang magtayo ng ilang komunidad sa paligid ng Lake Ontario . Ngunit, ang lupain ay masagana at sa katayuan ng Britanya, sa parehong gobiyerno at kultura ay naakit ang malaking bilang ng mga dayo mula sa isla ng Britanya. Pagsapit ng 1851, 60 taon matapos maitatag, umaabot na ang kanyang populasyon malapit sa isang milyon, karamihang mga dayo na maaaring mula US o Britanya.



Sa ngayon, posibleng higitan ng Ontario ang kolonyang kapatid sa dami ng populasyon. Ang relasyon sa pagitang ng Ontario at Quebec, na nabuo sa parehong kasaysayan at ekonomiya, ngunit hati ng salita ay isa sa mga dahilan sa likod ng mas malaking Confederation ng mga kolonya ng British North American noong 1867. Sinikap ng bagong uri ng pulitika, kasama na ang mga pinagsamang ekonomiya at mga pulitiko mula Ontario , ang naging instrumento upang imungkahi ang Confederation at hikayatin ang mga nag-aatubiling pultiko sa Quebec at mga Maritimer na sang-ayunan ang panukala. Tagumpay naman at noong 1867, ang Ontario, Quebec, New Brunswick, at Nova Scotia ay nagsasamang buoin ang bagong Dominion of Canada.



Lagi ang Ontario ang may pinakamaraming bilang ng populasyon kumpara sa lahat na lalawigan ng Canada , at patuloy na nanghihikayat ng dayo mula sa labas ng bansa. Walang–alinlangan na ang Toronto ang pinakamalaking sentro, ngunit, karamihan sa mga tao ay piniling tirahan ang bahaging “Southern Fertile belt” ng Ontario mula pa kalagitnaan ng ika-19th siglo. Nangangahulugan ang naging dahilan ng pag-alis ng mga mamamayan sa First Nations. Bumalangkas ng mga tratado ng Ontario upang maglagay ng teritorya para sa First Nations sa loob ng Ontario, ngunit, kamakailan, nagkaroon ng mga sigalot tungkol sa lawak sa kanilang mga lupain at ang mga Gawain.



Dahil sa magagandang polisiya na nakabuti sa pangangalakal na siyang upang umunlad ang Ontario dahil sa malakas at matatag na ekonomiya na higit na mas malakas na agrikultura kumpara sa mga ibang rehiyon. Hindi lang ang pagtanim ng pangunahin pagkain tulad ng arina o mais sa Ontario , tumpay rin na nagtanim ng mga puno ng prutas, gulay, ubasan at tabako.



Nabiyayaan rin ang Ontario ng mga likas na yaman. Ang malaking gubat sa hilagang bahagi ng probinisya ay nadiskubre sa Canadian Shield bilang pinakamalikg deposito sa Canada nang pinakukunan “pulp and paper industry” at minahan ng nickel, iron, at silver at paggamit ng “hydro-electrical power.”



Ngunit, bukod sa swerte ang lokasyon ng Ontario, mas nakikita ang uri ng klima at mga likas sa yaman, na nagbibgigay ng mga benepisyo sa lalawigan mula sa mataas na tariff barriers, ilang dekada naging hadlang ng ibang mga rehiyon upang tangkilikin ng mga produktong gawa ng US. Mga polisya rin na hinubog upang tumatag ang mga local trade. Pinasigla rin ang industriya sa Ontario , ang kapalit ay maakit ang mga tao at mga negosyante na maglagak ng puhunan sa probinsiya. Sa una ng ika-20th siglo, ang Ontario ay makina ng ekonomiya ng bansa. Patuloy ang pagiging makina dahil sa tulong ng ibang lugar ng bansa ay nakapagbibigay ng magandang ekonomiya sa Ontario .



Ang magandang ekonomiya ng Ontario ay dahil sa malakas na pulitika sa probinsiya. Mas maraming miembro sa Parlamento sa House of Commons kumpara sa ibang lalawigan na nagbibigay ng mas maraming bentahe para sa lalawigan. Mas mayaman ang Ontario dahil malaki ang tax base, at patuloy na maging magandang destinasyon para sa mga dayo, negosyo, teknolihiya at “sporting and cultural events.” Mula perspektibo ng ibang rehiyon sa buong bansa, madalas hindi nabibigyan ang Ontario ng mas maraming benepisyo ng federal. Ngunit, para sa mahigit 13 milyong mamamayan na tinawag tahanan ang Ontario, ito pa rin ang lugar upang tirahan at makapag-umpisa ng panibagong buhay na puno ng pag-asa. #30#

‘Online class’ mabisa rin sa pag-aaral

Lumalabas sa isang pagsasaliksik na mabisa rin sa estudyante ang pag-aaral sa internet o ang tinatawag na “online class.”



Dahil sa nauuso na ang “online class” sa mga estudyante ng University of Nebraska, nagpalagay ng ilang mga mag-aaral ng “internet class” sa kanilang bahay upang kahit hindi na pumasok mismo sa kanilang paaralan.



Nagsagawa ng malawakang pag-aaral ni Robert Vavala, isang graduate student ng Agronomy, upang alamin kung may natutunan ang mga estudyante sa “online class.”



Lumabas sa pagsasaliksik na walang pinag-iba at halos magkapantay lamang ang grado ng mga “online student” kumpara sa mga “classroom student,” kasama na ang antas ng kanilang natutunan.



Sa naturang pag-aaral, sumailalim ang 250 estudyante at hinati sa dalawa, isang online students at ang kalahati naman ay class students. Binigyan ng parehas na kurso at asignatura at pinagkumpara ang kanilang nakuhang grado.



Ngunit, sa mga online students hindi nila nararanasan makisalamuha sa ibng kapwa estudyante at umaasa lamang sa guro. Ayon pa kay Vavala, mas maganda parin magkaroon ng interaksyon sa ibang tao upang madagdagan ang kaalaman.

Nauso ang “online class” sa mga gustong mag-aral na di kayang pumunta mismo sa mga paaralan, tulad sa mga may trabaho, may sakit, may kapansanan o minsan mga sikat na tao. Mas pinipili nila ang “online class” dahil kahit sa laptop lamang ay nakakapag-aral na sila. #30#

Hopper, unang Martian car

Talagang pinaghahandaan na ng mga siyentipiko ang pagpunta ng tao sa planetang Mars dahil plano na nilang bumuo ng isang kakaibang sasakyan.



Masusing pinag-aaralan nang gawin ng Space Research Center ng University of Leicester ang kaunaunahang Martian car na lumulundag sa papawirin.



Ang bagong sasakyan na tinawag na Hopper ay meron carbon dioxide propellant na nagpapaangat sa ere at baba ng dahan-dahan, tulad ng isang palaka, ayon kay Dr. Richard Ambrosi, researcher ng Space Research Center .



Pinapaktakbo ng electric power ng isang rocket nozzle upang umangat ito at meron alalay na spring sa paanan upang umalalay sa pagbagsak nito.

Kung papalarin, ang Hopper ay kikilalanin na kaunaunahang Martian car, ngunit kailangan pa ng masusing pananaliksik kung ano ang meron sa papawirin ng Red planet, upang maperpekto ang sasakyan.



Tiwala ang Space Research Center ng University of Leicester sa tulong ng Hopper, kayang libutin ng tao ang buong planetang Mars. #30#

Katas ng granada gamot sa kidney

HAIFA, Israel – Bagamat alam ng kararamihan na masustansya ang prutas na granada o tinatawag na pomegranate sa panlaban ng small dick antioxidants at kolesterol, mainam daw ito sa bato ng mga tao, ayon sa bagong tuklas ng mga doctor.



Dahil sa taglay na potassium ng granada , pinapanatiling malusog ang bato upang lumakas ang mga taong may sakit sa bato, ayon kay Lilach Shema, isa sa mananaliksik ng Technion-Israel Institute of Technology.



Sinubukan din ito sa mga taong sumasailalim sa dialysis at malaki ang itinulong sa pagdaloy ng dugo sa kanilang bato.



Pinapalusog rin kasi nito ang dugo ng tao upang dumaloy ng mabuti sa katawan.



Bukod pa sa bato, pinatitibay rin ang puso upang malabanan ang mga sakit sa puso at ilan pang mga inpeskyon sa puso.



Ang isang taon pag-inom ng katas ng granada ay isang taon rin maging malusog ang puso at bato, ayon pa kay Shema. #30#

Robot tuturuan tumula

Alam natin na walang pagbabago sa pagsasalita (monotonous) ng mga robot, minsan walang tono, ngunit, sa tulong ng mga tula maaring mabigyan ng buhay ng kanilang pananalita.



Sa pamamagitan ng paggamit ng tula , posibleng maaayos ang pananalita ng mga robot, ayon kay Dr. Michael Wagner, isang researcher sa McGill Department of Linguistic.



Ang mga tula kasi ay may prosody, ang ritmo at paibabang tono ng pananalita, kung kaya’t mainam itong pangsanay sa mga robot upang magkaroon ng buhay sa kanilang pagsasalita.



Dahilan ni Dr. Wagner sa pagkakaroon ng “tono at ritmo” o “prosody” sa programa ng isang robot ay upang mas maintindihan ng mabuti ng tao ang nais nitong sabihin.



Mainam din ito sa mga taong may kapansanan sa pananalita, dahil pwede silang gumamit ng mga robot upang maitindihan sila.



Ngunit, kahit na matuto ang robot na tumula hindi parin mapapantayan nito ang natural na pananalita ng tao, dagdag ni Dr. Wagner. #30#

Bakit epektibo ang fish oil sa puso at panlaban sa diabetes

Napag-alaman ng mga researcher kamakailan bakit mabisa ang fish oil upang magkaroon ng malusog na puso at pangontra ng sakit na diabetes.

Ayon sa mga researcher ng University of California , San Diego School of Medicine, nagtataglay kasi ang fish oil ng “marchophages,” isang klase ng white cells na tumutulong sa immune system upang labanan ang sakit sa puso at sugar level.

Dagdag pa nila, ang G-protein receptor 120 o GPR120 ay isang molecule na natatagpuan sa macrophages, na nagbibigay ng malakas ng anti-inflammatory effect sa mga taong kumakain ng mga isda upang maging malakas ang pangangatawan.

Hatid din ng fish-oil ang omega-3 fatty acids, na nagpapatatag sa puso upang makaiwas sa kahit na anumang sakit sa puso, ani Jerrold Olefsky, isang Medical Doctor at isa sa mga mananaliksik.

Meron din docosahexaenoic acid (DHA) at eicosapentaenoic acid (EPA) na pumapalit sa GPR120 upang laging mababa ang sugar level at kolesterol sa puso.

Mungkahi ni Olefsky, mabisa ang fish oil na isang therapeutic agent, pangtulong sa mga gustong madiyeta upang maiwasan ang mga sakit na diabetes o puso.

Patuloy parin ang pananaliksik ang siyentipiko kung maaring gawing gamot ang fish oil dahil sa taglay na malusog na protina nito. #30#

Text messaging sanhi ng insomnia sa kabataan

Kung sobrang pagkahumaling ng mga kabataan sa text messaging, nakakabawas daw ito ng tulog na magiging sanhi ng insomia, ayon sa pag-aagaral ng isang doktor sa JFK Medical Center sa New Jersey .

Lumalabas sa pagsusuri ni Dr. Peter Polos, sa sobrang pagtetext sa cellphone, nakakalimutan ng mga kabataan na maagang matulog na magbibigay ng esulta upang magkaroon ng masamang kalusugan.

Sa 40 kabataan na inimbita upang sumailalim sa isang pag-aaral tungkol sa epekto sa sobrang pagtetext, napag-alaman na marami sa kanila ang hindi napapansin ang maagang pagtulog kung kayat nagiging insomniac sila at nagreresulta nahihirapan matulog.

Bukod pa sa kahirapan sa pagtulog kung nasobrahan ang pagtetext, maari rin daw magkaroon ng madalas na pagkabahala, depresyon at mababang intelligence quotients o low IQ, dagdag pa ni Dr. Polos.

Payo ng mga doctor, maari payuhan ng mga magulang ang kanilang mga anak huwag sobrahan ang paggamit ng text messaging sa kanilang cellphone upang di mapasama ang kanilang kalusugan. #30#

Pagkalong sa ‘laptop’ habang ginagamit mapanganib

Lumalabas sa isang masusing pagsusuri ng mga doktor na mapanganib ang laptop computer pag kinakalong habang ginagamit dahil sa radiation taglay nito.

Kumakailan, na-iulat sa pahayagan na isang 12-anyos na lalaki ay nasunog ang balat habang kalong ng matagal ang ginagamit na laptop sa kanyang hita.

Sa tagal kasi ng pagkababad ng laptop computer sa balat ng tao, posibleng maging sanhi ng pagkasunog ng balat o sakit na kanser sa balat lalo kapag madalas kinakalong habang ginagamit.

Wala kasing proteksyon ang heating pads ang mga laptop computer at meron inilalabas na radiation kaya’t delikado sa balat ng tao, ayon kina Dr. Andreas Arnold at Dr. Peter Itin, mga researcher sa pag-aaral.

Nagiging malapit din ang pagkakaroon ng “squamous cell skin cancer” kapag madalas kalungin ang ginagamit na laptop compute at mas mapanganib kumpara sa ibang mga skin cancer.

Maliban sa pagkasira ng balat, maari din mabaog ang mga kalalakihan dahil sa iniinit nito ang scrotum, kayat nagkukulang ang sperm cells na inilalabas ng mga lalaki.

Payo ng mga siyentipiko, huwag kanlungin ng matagal ang laptop kapag ginagamit upang di mababad ang balat sa radiation ng portable computer.

Noong 1970, ang portable computer ay mula sa malikhain-isip ni Alan Kay, noong 1973 naman inilabas ng IBM ang kauna-unahang laptop computer, noong 1982, naimbento naman ang karaniwang itsura ng laptop na “flip form” na unang ginamit ng NASA. #30#

Galaw ng tao kayang alamin ng computer

Isang computer ang naimbento na kayang tukuyin at basahin ang galaw ng isang tao at ito ngayon ang pinagsisipagan buoin ng mga dalubhasa ng European-funded Multimodal Interactions of and Observation of Users in a Controlled Environment (MIAUCE).

Kapag nabuo na ang computer, ito na ang magbabantay sa bawat sulok ng mga paliparan; isang computer na magmamatyag sa bawat kilos ng mga mamimili sa isang shopping mall at kikilala ng mga ugali ng mga tao,

Ito ang nais mangyari sa robot kaya gustong gawin ng MIAUCE ang proyekto, ayon kay Chaabane Djeraba, coordinator ng naturang proyekto.

Kahit nasa ilalim pa ng mga proseso upang subukan ang naturang teknolohiya, maingat naman ang grupo na ipaliwanag na ugali lamang ng tao ang nais nitong alamin upang mapangalagaan ang seguridad at hindi upang maapakan ang pribadong buhay ng isang indibidwal.

Napaka-sensitibo kasi ang computer na ito lubhang makikilala ang ugali ng tao sa pamamagitan lamang ng kinikilos, dagdag ni Djeraba.

Panatag naman ang MIAUCE na matatangap ng publiko ang naturang teknolohiya at dapat lamang na ipalawanag at ipaalam ng mabuti kung para saan ang computer. #30#

Isdang salmon mabisa vs katarata

Mabuting balita sa mga taong nais magkaroon ng malusog na mga mata. Kamakailan, natuklasan kasi ng mga siyentipiko na sa pamamagitan ng pagkain ng isdang salmon, makakaiwas sa sakit na katarata.

Taglay kasi ng isdang Salmon ang histindine, isang nutrient na nagpapatatag sa mga mata ng tao upang maiwasan ang mapinsalang katarata o ang pagputi ng eyeballs, ani Dr. Jeremy Rhodes, ng Norwich Eye Research group, isa sa pangunahing may-akda ng pag-aaral.

Ang nutrisyon na histindine ang nagpapalakas sa mga isdang salmon upang makayanan ang stress o pagkahapo, tulad ng isang bitaminang nagpapalakas ng katawan ng tao.

Sinang-ayunan naman ng mga lupon ng mga dalubhasa, kabilang dito ang University of East Anglia ’s Norwich Eye research group, National Institute of Nutrition and Seafood Research at Biomar Ltd sa Scotland .

Noong 1990’s, lumalabas sa datos ng mga doktor kapag nawawala ang pagkain ng mga isdang salmon, lalong dumarami ang bilang ng nagkakasakit ng katarata. #30#

Pinakamatandang galaxy sa universe natagpuan

Natagpuan ng mga astronomer ang pinaniniwalaan pinakamatandang galaxy sa buong daigdig na umaabot sa 13.1 bilyon ang maaaring edad.

Ang naturang galaxy na nadiskubre ay napakantanda at bata pa ang buong sansinukub ng nabuo, ayon kay Matthew Lehnert, pangunahing may-akda ng pagkatuklas.

Sa pamamagitan ng tulong ng Hubble Space Telescope, nasilip ang nagtatagong galaxy sa malawak na kalawakan at matapos nakuhanan ng larawan, masusing pag-aralan ito.

Batay sa datos na nakalap, binata pa ang santinkapan ng mabuo ang matandang galaxy na hanggang sa ngayon ay hindi pa napapangalanan.

Napag-alaman ng mga astronomer na kakapirangot lang ang carbon at metal ang nasuri kung kayat ibinatay sa matandang galaxy tulad ng mga bituin.

Masusing pinag-aaralan pa rin ang galaxy at naging panatag naman ang lon ng mga nakadiskubre na ito na ang pinakamatandang galaxy sa mundo na natagpuan. #30#

"Think of all the beauty still left around you and be happy." - Anne Frank

#27 Ang Pananakop Noong 1760 at ang Resulta w/ Eric Estrada Jr.

Ang pananakop noong 1760 ay naging dahilan upang magkaroon ng 70-taong kalat-kalat na digmaan sa pagitan ng Britanya at Pransiya. Ang pangunahing kolonya ng Pransiya sa Hilagang Amerika ay ang New France, na umaabot ang lawak mula Gulf of St. Lawrence hanggang lambak ng Mississippi upang mapigilan lumalawig ng mga kolonya ng Britanya sa kahabaan ng dagat Atlantiko. Ang mga kolonya ng Britanya ay mas sikat at mas mayaman kaysa New France . Ang pinakamahalagang depensa ng kolonya ng Pransiya ay mga daang-daang kilometrong gubat sa kahabaan ng kanyang hangganan at mga kakamping Indyan na akot at higit na galit sa Pransiya.

Ang kahinaan ng hukbo ng New France ay dagat. Malakas ang nabal ng Britanya kaysa Pransiya at madaling putulin ang mga komunikasyon, mga supply o reinforcements, na manggagaling sa Pransiya. Nang pumutok ang digmaan noong 1750, ito ang ginawa ng Britanya, bagama’t ilang taon ang ginugol upang itatag ang sariling hukbo sa Hilagang Amerika at nakahanap pa ng mga magagaling na heneral upang pamunuan ang kanyang mga hukbo. Dahil naputol na pagkakaibigan ng mga Indyan sa Pransiya, isa ring naging dahilan upang sapitin ang naging kapalaran ng New France .

Noong 1759, isang batang heneral ng Britanya, na si James Wolf, ang nagdala ng hukbo sa Quebec , ang kabisera ng New France . Pagkatapos ng dalawang buwang paglusob, natalo ang Pransiya sa “ Plains of Abraham ,” na labas lamang ng lungsod. Sumuko ang Quebec at sa sumunod na taon, nilusob ang mga hukbo ng Britanya ang mga natitirang sundalo ng Pransiya. Napilitan sumuko ang Pransiya noong Sep. 8, 1760. Dahil madaling pagkapanalo ng Britanya, nagawang hikayatin ang Pransiya na isuko ang Canada sa Britanya at pagsapit ng 1763 pormal nang nagkaroon ng kapayapaan.

Ang Pranses sa Canada na tinawag ang sarili bilang “Canadiens” ay opisyal na hiwalay sa Pransiya at dati nang magkaiba ang rehiyon at pagkalipas ng mga panahon habang ang kasaysayan ng Pransiya ay naiba sa Canada . Ang rebolusyon sa Pransiya noong 1789, na nagpalayas sa monarkiya ng Pransiya, ay inalis ang mga karapatan ng Simbahan Katolika. Ang mga Canadien ay may hari pa rin, kahit galing sa isang Ingles at Protestante, at naging mabisa ang Simbahang Katolika bilang relihiyon ng estado at kahit nagtataglay ng “feudal system” na tinawag na “seigneurs.” At sa sumunod na 200 taon, nakitaan ang mas lumang bersyon ng Pransiya at pagkakaiba sa pagitan ng dalawa ay lalo pang tumindi.

Nagkaroon sa mga Ingles ng nagsasalita ng wikang Pranses na mga Katoliko at pinangalanan ang kanilang probinsiya ng Quebec . Nangako ang Britanya na magkaroon ng pahitulot sa mga ibang relihiyon sa mga mamamayan at pinayagan panatilihin ang kanilang civil law, at hindi naki-alam sa paggamit sa wikang Pranses. Sa parehong panahon, dumating ang mga nagsasalita ng Ingles at nanirahan sa lungsod ng Quebec at Montreal ang nagkaroon na ng dalawang grupo at nagkasundong na magkaroon ng “workable and compromise” sa kanilang maakaibang salita.

Ang naging pangunahin salita sa pangangalakal ay Ingles. Napatakbo ang pamahalaan ng dalawang wika, lalo na pagkatapos magkaroon ang halalan sa lehislatura noong 1791, habang nanatiling matatag ang Simbahang Katolika sa Pransiya.

Maraming French-Canadians ang nakapag-asawa ng mga Ingles, at minsan, ang kanilang ninuno na apelyido ay Burns, Blackburn o Johnson, dahil noong ika-20th siglo, ang mga itong apelyido ay mga pulitikong tumitiwalag sa Quebec .

Tama lang ang pananakop noong 1760 dahil napigilan ang posibleng pagkakaroon ng mga mamamayang nagsasalita ng Pranses sa buong St. Lawrence at sapilitan ang mga French-Canadian na manirahan sa English Quebec at Canada na maging “bilingual.” Ngunit, ang pagkapanalo ng Britanya noong 1760 ay prinotektahan ang Pransiya, kahit pinababa ang kahalagahan ng kanyang wika, nariyan pa rin ang halos 7 milyong katao na nagsasalita ng Pranses sa Canada . #30#

#26 Canada Nabuo ng mga Dayo

Sa isang pampublikong paaralan sa Toronto umaabot sa 1,913 estudyante na may iba’t-ibang lahi, tulad ng Thorncliffe Park Public School sa Toronto, umabot sa 54 na wika na binibigkas dito. Kaya, kilala ang Canada na isang bansang puno ng mga sari-saring lahi o nasyon ng mga dayo.

Ang unang mga dayuhan dito ay mga Pranses. Ngunit, sinundan ng mga Amerikanong kumampi sa Britanya sa kasagsagan ng rebolusyon sa Amerika noong 1780’s. Ang mga Ingles ay nagpuntahan sa Nova Scotia , New Brunswick , Ontario at Quebec . Karamihan ay ang mga sundalong sumuporta kay King George III at Britanya. May napasama din mga Germans, Dutch at mga malayang Aprikano. Ito ang bumuo ng Canada sa loob ng 200 taon.

Sa 1941 census, 11.5 milyon tao ang populasyon ng Canada, 50% dito ay mga Briton at 30% naman ay mga Pranses. Ang natitirang 20% ay pinaghati-hatian na ng mga German, Ukrainian, Scandinavian at Ducth. Nakitaan na rin ng mga Tsino, Hapon at Asyano mula sa timog ang mga lupain ng Canada . Mas marami ang mga puti at kakaunti lamang ang mga Aprikanong mga dayo.

Halos lahat na mga Canadian noon ay Kristiyano, meron mga Hudyo ngunit nasa libo lamang ang bilang. Ang kultura at politikal na pag-iisip ay namana sa mga Briton. Samantala, ang mga Pranses sa Quebec ay walang naidagdag sa ekonomiya at sistemang politikal.

Hindi naalis ang malaking impluwensya ng mga Ingles sa paghubog ng bansang Canada . Sa batas halos parehas ang polisiyang ipinapatupad ng mga Briton. Ang Citizenship Act ng 1947, ay nakasaad ang paggaya ng Canada sa bansang Britanya mula sa monarkiya, watawat hanggang sa pagpapangalan ng mga sundalo. Naging mayorya ang mga Canadian na nagsasalita ng Ingles at kumunti ang mga nagsasalita ng wikang Pranses at iba pang mga lahi.

Ngunit, sa pagdaloy ng mga panahon nag-iba ang Canada . Sa 2006 census, nagkaroon ng 200 iba’t-ibang lahi ang naturang bansa sa 31 milyong taong naninirahan at 50% ang mga dayo. Ayon sa datos, 1.35 milyon ay Tsino, 960,000 ay mula East Indians at 436,000 ay mga Filipino. Marami parin ay mga Kristiyano at may 70%, 40% dito ay mga Katoliko at 30% ay mga Protestante. Ang natitirang 30% ay mga Muslim, Hudyo at mga walang kinikilalang relihiyon.

Sa Toronto, ang pinamalaking lungsod sa Canada, 5.1 milyon ang mga dayo, 27% ang itinaas sa loob lamang ng limang taon at 4 sa 10 o 43% ng populasypn ay mga minorya o mga Tsino, South Asian at mga Aprikano. Mga India at Tsino ang karamihan sa mga minorya. Lumalabas na 250,000 kada tao ang gustong maging isang Canadian dahil sa malaking oportunidad ang naghihintay sa kanila sa bansang ito.

Ang dating bansa na malakas ang racial discrimination ay naging bansang multi-nationalities. Ang kanyang Chief of Defence Staff ay isang Ukrainian. Ang Governor General ay isang Haitian. Isang Hudyo naman sa Supreme Court. Isang Jamaican-Chinese-Canadian na naging milyonaryo at marami pang ibang lahi na nagbigay ng karangalan sa bansang Canada .

Hindi maiaalis ang naging tulong ng mga dayuhang lahi sa kasaysayan ng Canada . Ngunit ang malaking tanong na maiiwan dadami pa ba ang mga dayo sa Canada . #30#

#25 Mga Nanirahan sa Canada – News France , Upper Canada at ang Prairies

Makalipas ang 50 taon matapos madiskubre ni Samuel de Champlain ang New France noong 1608, umaabot lamang sa 3,000 populasyon at ang ginagamit pangkalakal lang ang naturang lugar. Ang sinusunod na sistema ng gobyerno ay feudal seigneurial system, upang mabigyan kalayaan ang mga alila at ang mga katutubong Iroquois. Malaki ang naging parte ng New France sa madugong digmaan ng Europa. Di inakala na ang isa lamang teritoryo ng Pransiya noon ay magiging isa ng bansa, na tinatawag Canada ngayon.

Nagsimulang tirahan ito ng mga manggagawa at mangangalakal na galing Pransiya. Halos 10,000 mga dayuhan o manggagawang mula Pransiya ang nanirahan sa Canada . At noong 1760, matapos masakop ng Britanya, lumago ang populasyon sa 70,000 at nagkaroon na ng sariling pagkakakilanla sa kultura.

Nang Britanya na ang may hawak sa Canada bumuo ng sariling kampo sa Upper Canada o kalaunang tinawag na Ontario , upang tirahan ng mga tumatakas noong digmaan sa Amerika. Walong pung libong sundalong loyalista sa Britanya, kasama ang kanilang mga alilang itim at ang Iroquois ang pumuga sa Canada at namuhay doon ng mapayapa. Sa Lakes of Ontario at Erie nakakuha ng lupa upang magingtirahan.

Dumagsa pa ang mga Amerikanong natakot sa digmaan Amerika at Britanya, tumakas sila papuntang Canada , upang umiwas sa madugong away ng dalawang panig. Ang isang milyong mga dayo mula Britanya , Scotland at Ireland ay nagpuntahan din sa Canada upang magkaroon ng magandang buhay.

Ang unang ikinabubuhay ng mga nanirahan sa Canada ay ang pagkuha ng Potash o potassium carbonate, isang sangkap ng paggawa ng salamin at pangkinis ng mga tela. Noong 1850 lumago ang pag-ani ng arina at umabot sa kalahating milyon ang naging populasyon sa Upper Canada .

Tumaas ang pangagailangan ng arina at dumami ang pagtatanim, lalong dumagsa ang gustong mamuhay sa Canada . Ang Eastern Canada ay inukopahan ng mga North Americans na gustong magkaroon ng magandang buhay. Ang Ottawa naman ay nakilala sa pagiging “Last, Best West” dahil sa gandang mga tanawin.

Hindi lang mga Briton, Amerikano at Pranses ang mga taong namuhay sa naturang lugar. Meron pang ibang mga bansa ang nagpuntahan sa Canada . At noong 1914 dumagdag ang 150,000 Saskatchewan, 140,000 ng mga Germans, 144,000 Slavs at 78,000 Scandinavians. Dito nabuo ang mga taong naninirahan sa Canada . #30#

Interactive Video Games nakapipinsala sa tao

Nakapipinsala daw sa katawan ng tao ang paglaro ng mga interactive gaming devices tulad ng Nintendo Wii, base sa pananaliksik na isinagawa ng American Academy of Pediatrics (AAP) sa National Conference and Exhibition ng San Francisco.

Sakit sa balikat, tuhod, paa at kamay ang idinudulot ng sobrang paglalaro ng Nintendo Wii games, ayon kay Patrick O’Toole MD, isa sa mga researcher.

Sa nakalap na datos mula sa National Electronic Injury Surveillance System, meron 696 video games ang mga nakapipinsala tulad ng interactive video games ang nailathala mula sa taong Enero 2004 hanggang Enero 2009.

Ang mga batang madalas nasasaktan ng mga interactive game ay karaniwan ay karaniwang nasa 16.5 ang edad ang mga nagkakaroon ng mga pinsala dulot ng mga interactive game tulad ng mga Nintendo Wii at dancing arcade game.

Pinayuhan naman na bantayan mabuti ng mga magulang ang kanilang mga anak tuwing sila ay naglalaro ng ganitong klaseng larong video lalo na ang mga edad ay 10-taon pababa, dahil mahina pa ang kanilang pangangatawan, dagdag ni O’Toole. #30#

Planetang katulad ng Mundo nadiskubre

Nanatiling hanggang ngayon ang malaking palaisipan sa mga astronomer ang isang planetang natuklasan dahil halos kahalintulad ito ng Daigdig at malaking posibilidad na may mga organismong namumuhay dito.

Halos parehas ang klima ng Mundo ang planetang nasa Goldilocks zone, 120 trillion years ang layo mula sa Solar System, at katamtaman lang ang lapit sa isang bituin na katulad ng Araw, ayon kay R. Paul Butler, mula sa Carniegie Institution of Washington.

Ngunit marami parin kailangan mapatunayan sa planetang Goldilocks, kung meron ngang nabubuhay na organismo na makikita ditto at hindi pa tukoy kung positibong meron tubig at hangin ang naturang planeta.

Mabagal din ang pag-ikot ng planeta, 37 days ang itinatagal upang makumpleto ang paggalaw mula sa bituin nito at kailangan parin mapag-aralan ng mabuti, puna ni Steven Vogt, ng University of Calfornia .

Tulad ng Mundo, malapit din ito sa kanyang Araw at 14 milyon milya ang layo lang nito. Sa Daigdig naman umaabot sa 93 milyon milya ang layo sa kanyang iniikutan Araw.

Nakita nina Vogt at Butler ang naturang planeta sa tulong ng isang ground based telescope nang pinag-aaralan nila bituin na Gliese 581 mula sa Goldilocks zone, kung saan, meron pumapalibot na planeta. #30#

Tubig sa swimming pool nagdudulot ng kanser

BARCELONA, Spain – Ang tubig sa swimming pool maaring makapagdudulot ng sakit na kanser, batay sa isinagawang pagsasaliksik ng mga ekspertong doktor kamakailan.

Ayon kay Dr. Manolis Kogevinas, professor sa Centre for Research in Environmental Epidemiology, mapanganib sa kalusugan ng tao ang kemikal na chlorine na inihahalo sa tubig ng swimming pool, dahil nagdudulot ng kanser sa pantog.

Sinasabing ang sanhi ng kanser ay ang disinfection byproducts (DBP), na matatagpuan sa tubig ng swimming pool at ito ang mistulang lason kung babad sa kemikal na chlorine.

Lumalabas kasi sa pag-aaral na malaki ang tsansa ng isang tao na mahilig lumangoy sa swimming pool na makakuha ng kanser sa pantog kung makainom ng tubig na may halong chlorine.

Bukod pa sa kanser sa pantog, di rin ligtas ang balat ng tao, dahil sa taas ng antas ng kemikal taglay ng swimming pool.

Sa loob lamang ng 40 minuto, apektado na ang balat sa chlorine na inihalo sa isang swimming pool, dagdag pa ni Kogevinas.

Payo naman ni Kogevinas, upang maiwasan ang mga sakit na dulot ng swimming pool, ugaliin tignan kung gaano kadalas linisin ang palanguyan, alamin kung may permiso at huwag dumihan ang swimming pool. #30#

'God particle' matatagpuan na rin?: scientist

Maaaring malalaman na ang "God's particle" kung saan nagmula ang lahat ng bagay, pahayag ni Peter Higgs, 79, isang British physicist sa Geneva.

Mula pa noong 1960, sinubukang saliksikin ni Higgs ang sinasabing mga sangkap ng Diyos na diumano'y pinanggalingan ng lahat na bagay sa buong mundo at naniniwala ito ang naging kasangkapan ng Maykapal sa paglikha ng sangkatauhan.

Balak niyang pangalanan ang elementong ito na "Higgs boson," sakaling matuklasan ang binansagan niyang "God's particle," ang bukod-tanging kasagutan kung saan nagmula ang lahat ng bagay.

Malakas ang kumpiyansa sa sarili si Higgs na matutuklasan niya ang "God's particle," kasama ang mga nangungunang scientists sa European Organization for Nuclear Research o CERN, katulong at ang bagong diskubreng makinang LHC o Large Hadron Collider, isang particle accelerator.

Ang LHC ay ginawa upang isagawa ang mga eksperimento at magsuri sa mga elemento sa mundo. Kaya nitong pagbanggain, pagsamahin at paghiwalayin ang mga particle upang malaman ang pinagmulan ng mga elemento, base sa Quantum mechanics.

Sa ngayon, wala pa ring nadiskubreng "God's particle," ito ang naging balakid sa pinagtatalunang "Big Bang Theory," at kung ang lahat ng bagay sa mundo ay nanggaling sa kamay ng Diyos o sa isang biglaan pangyayari lamang.

Naniniwala ang mga scientist ng CERN, nakaimbento sa LHC, na masasagot na rin ang katanungan ng sangkatauhan kung saan nanggaling ang lahat at kung mapatutanuyang may "God's particle." Sa ngayon, malaki ang paniniwala ni Higgs na iisa lang ang lumikha ng lahat.

Ang Big Bang Theory ay isa sa sinasabing pinagmulan ng Sandaigdigan. Base sa teorya, ang Sandaigdigan ay dating isang "extremely compact dense" at napakainit. Sa hindi malamang dahilan, nagkaroon ng biglaang cosmic explosion na tinawag na "Big Bang" na makalipas ang 13.7 bilyong taon ang Sandaigdigan ay lumawak at lumamig. Ang teorya ay base sa mathematical equations na tinatawag na field equations of general relativity ni Albert Einstein noong 1915. - 30-

Dumi ng aso pwedeng gawing enerhiya

CAMPBRIDGE, Mass. – Naiinis ba kayo nakakaapak ng dumi ni Bantay? Nahihirapan ba kayong linisin ang ipot ng inyong alagang aso? Puwes, dapat magpasalamat pa rin dahil nandito na ang kasagutan sa kalat ni Bantay matapos makagawa na gawing enerhiya ang kanilang dumi.

Sasalain ang dumi ng aso, ilalagay sa isang methane digester at tutunawin hanggang maging gas upang umilaw ang isang street lamp, ayon kay Matthew Mazzotta, imbentor ng Park Spark Project.

Naisip ni Mazzotta sa dami ng may alagang mga aso na dumudumi sa mga parke, napag-aralan niya na maaring gamitin ang kanilang dumi upang magpagkukunan ng enerhiya sa tulong ng methane digester.

Kung gagamitin ang dumi ng aso bilang kuryente ay kayang pandarin ang mga street lamps, tiyak na makakatipid ng gastos ang lokal na distrito sa kanilang mga bayarin sa kuryente.

Unang sinubukan ang Park Spark Project sa Pacific Street Park ng Cambridge , pinayuhan ang mga residente doon na magdala ng plastic bag tuwing kasama ang kanilang alagang aso, kailangan kunin nila ang kalat ng alaga at itapon ito sa methane digester.

Natuwa naman si Mazzotta dahil tinulungan siya ng mga lokal na opisyal ang kanyang naimbento at umaasang mapapalawak niya ang kanyang Park Spark Project sa buong US . #30#

Balat gawa sa nanowires

Nakalikha ang mga inhinyero ng University of California ng isang artificial na balat na gawa sa mga nano wires.

Gawa sa inorganice single crystalline semiconductors, ang balat na ito ay katulad rin ng balat ng tao sensitibo at maayos na gumalaw, ani Ali Javey, professor ng electrical engineering and computer sciences at hepe ng UC Berkeley research team.

Nakaisip ng paraan ang mga inhinyero ng isang innovative fabrication technique pamalit sa mga balahibo ng isang totoong balat.

Hindi madali ang paggawa ng fibers na ito, gumugol ng mahabang oras ang mga ehinyero upang mapantayan ang isang totoong balat ng tao, sabi ni Javey.

Nagpursige silang magpatubo ng isang germanium silicon nanowires upang makagawa ng isang aritificial na balat.

Balak naman nina Javey at ng UC Berkeley engineers na subukan ang nano wires skin sa tao upang makatulong lalo sa mga nangangailangan. #30#

Cell phone mula sa Coke

Inilabas ng isang imbentor na isang Tsino ang nalikhang Coke phone, pantapat sa Samsung Watered battery cell phone.

Cellular phone na pinapagana ng isang softdrinks o Coca-cola, ito ang kamanha-manghang imbensyon ni Daizi Zheng.

Gawa ang Coke phone sa biodegradable bio-battery na sumisipsip ng enzymes at asukal na galing sa carbohydrates ng isang Coca-Cola softdrink, upang gawing enerhiya ng cell phone.

Ang ikinaganda pa nito ayon kay Zheng, apat na beses na mas matagal ang baterya ng Coke cell phone kaysa pangkaraniwang mobile phone.

Malinis rin ang Coke cell phone dahil walang mapanganib na mga halong kemikal at kaibigan pa ito ng kalikasan, dagdag pa ni Zheng.

Subalit hindi pa inilalabas sa merkado dahil balak bilhin ang teknolohiyang gawa ni Zheng ng Nokia upang makalikha rin ng isang environmental friendly na cell phone. #30#

Pinoy-Tsino komunidad sa Baguio nanalangin

BAGUIO CITY, Philippine – Nagkaisa ang mga Filipino-Chinese, Tsino at Filipino sa pagdarasal upang magkaroon ng rekonsilasyon ang nagkakaroong lamat sa pagiging magkaibigan ng bansang Pilipinas at Tsina.

Nagkaroon ng lamat ang relasyon ng dalawang bansa dahil sa pagkamatay ng walong turistang mula Hong Kong sa hindi inaasahan hostage-taking na naganap sa Luneta ng nakaraan Agosto 23, 2010.

Idinaos ang pagsisindi ng mga kandila sa isang “vigil prayer” na ginanap sa Burharm Lake na pinangunahan ni Baguio Mayor Mauricio G. Domagan at Filipino-Chinese lider Charles Cheng.

Dasal ng grupo na payapain ang galit at hilumin ang sakit na naranasan ng Tsina, matapos maganap ang natrurang trahedya at marami ang nangangamba sa anumang maaaring iganti ng Hong Kong sa mga libu-libong OFWs na nagtatrabaho sa lugar.

Nagkasundo ang grupo na manalalangin sa ikagaganda ng relasyon ng dalawang bansa at ipaalam na rin sa buong mundo na ang naganap ay isang “isolated incident” lamang. #30#

Anti-Littering muling ipinatupad, 100 huli

MANILA, Philippines – Mahigit isang-daang katao ang nahuli matapos ipatupad ng Metropolitan Manila Development Authority (MMDA) ang batas na nagbabawal sa pagtatapon ng kalat sa kalye at sa lansangan.

Dahil seryoso ang MMDA na magpatupad ng Anti-Littering Law libu-libong “environmental cops” na ipinakalat sa mga lansangan ng Metro Manila upang manghuli ng mga taong pasaway na nagtatapon ng kalat.

May nakalakip parusa sa mga taong nahuling lumabag sa batas na ito ay bibigyan ng “environmental violation receipts o EVR.”

Ang EVR ay kailangan tubusin sa hindi babang halaga ng multa na P500-P1000 at kung hindi magbayad, maglilinis sa kalye o kahit anong klase ng “community service” sa loob ng 8-16 oras.

Kung sakali naman tumakas ang nahuling nagkalat sa kanyang ginampanan na tungkulin, magkakaroon ito ng record sa National Bureau of Investigation (NBI), bilang isang litterer.

Sa ganitong paraan, magkakaroon ng displina ang mga tao upang sumunod sa batas at mabawasan na rin ang mga kalat na nagpapalala sa baha Metro Manila, ani Francis Tolentino, MMDA tserman.

Hindi na bago ang MMDA Regulation Number 99-006 o Anti-Littering Law, na isinabatas pa noong 1996 at ngayon na lamang ipiantupad sa ilalim ng pamahalaan ni Presidente Noynoy Aquino.

Sa bagong Anti-Littering Law bawal ang magkalat, magtapon, dumura, umihi o dumumi sa pampublikong lugar upang mapanatiling malinis ang kapaligiran.
Sa unang araw tagumpay naman na naparating ang MMDA ang seryosong kampanya upang maging malinis ang Metro Manila, dagdag pa ni Tolentino. #30#

GOES 15 Sateliite

Pinakawalan ng National Aeronautics and Space Administration (NASA) at National Oceanic and Atmospheric Administration (NOAA), ang GOES-15 satellite na kayang kumuha ng high resolution na litrato sa mundo at kaunaunahang satellite na kayang mabigay ng infrared images.

Ang mga pangunahing layunin ng GOES-15 ay babantayang mabuti ang mundo sa mga mapanirang bagyo, pabagu-bagong panahon at matutukang mabuti ang klima, ani Andre Dress, manager ng GOES Deputy Project sa NASA Goddard Space Right Center.

Ilalagay ang GOES 15 satellite sa labas ng mundo sa may sapat na layo upang makita ang 50 porsiyento kabuan o kalahati ng mundo.

Ihahanay ito a GOES 14 satellite sa west longitude na 105 degrees, at 24 oras itong nakatutok sa mundo at inaasahan din makalipat sa ibang puwesto kung kinakailangan.

Mahalaga sa mundo ang pag puwesto ng GOES 15 sa labas ng daigdig dahil sa kanyang iksaktong pagbibigay ng impormasyon sa klima ng mundo. #30#

May tubig sa hangin

Napakahalaga ng tubig sa lahat, ito ang nagbibigay ng buhay sa mga tao o kahit anumang nilalang sa mundo.

Ngunit, kakaiba ang natuklasan ng mga siyentipiko sa bansang Germany . Nadiskubre ng mga researchers ng Fraunhofer Alliance SysWasser na maaring makakuha ng malinis na tubig sa hangin sa pamamagitan ng Hygroscopic brine.

Makakuha ng tubig sa hangin sa pamamagitan ng pagsala ng Hygospic brine sa hangin at kukuha ng hamog na inilalagay sa vacuum upang gawing tubig, ayon sa mga siyentipiko ng Fraunhofer.

Sa bawat hampas ng hangin nakakaipon ang Hygospic brine ng 11.55 millileters tubig kada minuto at di hamak na mas maraming ang maiipon kumpara sa isang windmill.

Wala rin problema sa pagpapa-andar ng Hygospic brine dahil maliban sa elektrisidad, maari din gumamit ng enerhiya sa araw.

Mabisa daw ang Hygospic brine sa mga mahahanging disyerto upang mabigyan ng sapat at malinis na tubig ang mga tao nakatira doon, dagdag ng isang siyentipiko ng Fraunhofer. #30#

Artificial Kidney

Inihayag ng isang grupo ng researchers mula sa University of California , San Francisco (UCSF) ang paglikha sa prototype ng kauna-unahang “implantable artificial kidney.”

Ang makabagong kidney ay yari sa silicon na kayang magsala ng dugo, gumalaw bilang metabolismo ng katawan at magtrabaho tulad ng isang tunay na kidney, ayon kay Dr. Shuvo Roy, isang miyembro ng research team.


Sa artificial kidney sasailalim ang pasyente sa dalawang sistema, ang hemofilter upang malinis ang dugo at paglalagay ng renal tubule cells upang lumusog ang kidney ng tao.

Mainam ang artificial kidney sa kahit na anong edad ng tao, di tulad ng isang kidney transplant na kailangan pang kadugo ang magbigay ng kidney.

Subalit, kailangan parin dumaan sa masusing pagsusuri upang malaman ng mga doktor ang babaguhin sa artificial kidney upang bumagay ito sa katawan ng pasyente.

Tagumpay ang proyektong artificial kidney sa mga dummy na kanilang sinubukan, inaasahan naman na magkakaroon na ng totoong pagsubok ito sa mga tao sa darating na panahon, dag dag ni Roy. #30#

Robotic Surgeon

Sukdulan na ang naabot ng tao sa larangan ng teknolohiya at walang pasubali pati ang trabaho ng mga doktor ay mauukupuhan na ng robot.

Sa dami na ngayon naglabasan at mga makabagong teknolohiya upang mapabilis ang trabaho, doktor parin ang siyang nangangalaga ng kalusugan at buhay ng tao, ngunit may plano ang mga siyentipiko na gumawa ng Artificial Intelligence (AI) at gawin itong robot ang doktor.

Isang robotic surgeon na kayang mag-opera ng isang tao na kahit walang tulong ng doktor o anumang remote control na galing sa isang teknisiyan. Batay ito sa pag-aaral sa pangunguna ni Stepheen Smith, director ng Duke University Ultrasound Transducer Group sa Pratt School of Engineering at isang senior member ng research team.


Gamit ang isang AI program bilang utak nito, ang ultrasound 34 scanner naman ang mata ng Robot at meron mekanikal na mga kamay upang maopera ito na ang kaunaunahang Robotic Doctor, ani ni Kaicheng Liang, isa sa kasapi ng Duke research team.

Ang pagpapagana sa robot doktor ay mula sa ultrasound 3D scanner at ang mga larawang nakuha nito ay ipinapasa sa AI program na nag-uutos naman sa mechanical arms nito ang mga dapat gawin.

Sadyang kumpleto ang kagamitan ng robotic arms, meron itong matutulis na panghiwa na kayang putulin maski mga buto ng tao, mga gamot na kayang pahilomin ang mga sugat at biopsy plunger device upang makakuha ng mga samples.

Hanggang ngayon sa isang turkey pa lamang ito nasusubukan, matagumpay naman ang simulation na naganap sa pagopera ng breast ng isang turkey.

Banayad, mabilis, iksakto at maayos magtrabaho ang isang robotic doctor, kayat di magtatagal maaaring mapapalitan na ng robot ang mga dalubhasang doktor, dagdag ni Smith. #30#

Untitled 1

Her black silhouette hair. The aroma of her body and perfume. The shade of her dark eyes. Her angelic smile. Her smooth lips. The sweet taste of her kiss. Her brown porcelain skin. Her soft hands. The warmness of her embrace. A thunder roar. Move my head on the right side where the sound comes. I heard her melodic voice calling my name. Turn to my left where she is and there she was gone. I look up at the starry night. Tears fell on my cheek and felt my heart pumps with joy. I close my eyes for a moment. And I saw the morning blue sky. I smile and whisper. “Thank you for letting me fall in love again.” Stand up quickly and sense the coldness of the stone floor. I laugh and say. “Back to reality.”

Gasolinang gawa sa Whiskey

Dahil sa sobrang paggamit ng mga tao sa krudo at nagbabadya ang pagkaubos nito, gagamitin na ang nakakalasing na alak na Whiskey bilang biofuel, ayon sa mga Scottish researcher.

Sa pamamagitan ng prosesong butanol fermentation magiging isang krudo ang Whiskey, na kayang magpatakbo ng isang kotse sa isang buong araw, ani Martin Tangney, Director ng Biofuel Research Centre ng Edinburgh Napier University.

Nagtataglay kasi ang Whiskey ng mga sangkap na ‘Pot ale’ at ‘Draff’ na mabisang pang-gawa ng butanol, isang uri ng kemikal na maaring gamitin na fuel.

Ang pinag-iba ng Whiskey sa ibang biofuel ay 30 porsiyento itong mas mataas ang output power kaysa ethanol, mas malinis, mura at simple lang ang babaguhin sa makina ng kotse upang magamit.

Pag naging matagumpay ang Whiskey bilang biofuel, magkakaroon ng magandang epekto sa merkado at sa buong mundo dahil kakaibang katangian hatid nito, dagdag ni Tangney.#30#

Eroplanong walang fuel

Isang eroplanong nakakalipad kahit na walang kargang gas, ito ang kamangha-manghang naimbento ng isang siyentipitkong Amerikano.

Sa pamamagitan lamang ng gravity pwede ng lumipad sa himpapawid ang makabagong disenyo na eroplano ni Robert D. Hunt, dating nuclear designer, imbentor at may ari sa Hunt Aviation Corp.

Hango sa malikhain isip ng pamosong Leonardo Da Vinci, ang kaunaunahang Gravity Plane ay nakakalipad sa tulong ng 2 principle ng gravity, ang buoyancy upang makalutang sa himapapawid at ang gravity acceleration, sa paglipad naman nito sa ere.

Batay ito sa Archimedes Principal na kung saan mas hinihila pababa ng gravity ang mabibigat na bagay kaysa magagaan tulad ng bubbles at lobo, na may kakayahan lumutang, ayon kay Hunt.

Binubo ng lightweight material ang pakpak ng Gravity Plane na naglalaman ng helium, kung kaya’t nakakaangat ito sa himpapawid.

Umaabot sa 100,000 feet ang kayang abutin ng eroplanong may karga na helium, at diumano, walang idudulot itong polusyon at hindi mapanganib sa pagsabog tulad ng mga hydrogen o avgas (ang karaniwang gasolina ng mga eroplano).

Balak naman nina Hunt at ng kanyang aviation company na ilipat ang teknolohiyang Gravity Plane sa mga domestic at commercial airplane, upang makatulong sa mga tao dahil sa napakamura nito kaysa sa nagagastos ng isang pangkaraniwang eroplano sa kanyang gasolina. #30#

Stress nakakabaog sa Babae

Nakakabaog sa babae ang pagkakaroon ng highlevel stress o sobrang tensyon sa katawan, batay sa mga pananaliksik ng mga doktor sa Oxford University ng US National Institute of Health.

Mahirap magbuntis ang mga babaeng palaging pagod sa trabaho, sabi ni Dr. Cecilia Pyper, isang mananaliksik sa National Perinatal Epidemiology Unit ng University of Oxford .

Sa tuwing ang tao ay may stress sa kanyang katawan, nagpapakawala ito ng sangkatutak na alpha-amylase na nagpababa sa fertility rate ng mga babae.

Nakakitaan kasi ng mga matataas na antas ng alpha amylase ang mga babaeng may stress kaya’t mahirap magkaanak.

Lumalabas kasi sa pag-aaral ng grupo ni Dr. Pyper, na 12 porsiyento lang ang tsansang magkaanak ang mga babaeng sobra ang stress.

Ngunit maiiwasan naman kung magkakaroon ang babae ng malusog na pamumuhay, umiwas sa mga bisyo tulad ng alak at sigarilyo, kumain ng masustansyang pagkain, magehersisyo at magpahinga. #30#

Pagtitig sa mga boobs ng babae nakababata

Pampabata daw ang pagtitig ng mga kalalakihan sa naggagandahang dibdib ng mga kababaihan, base sa pag-aaral ng isang doktor na lumabas sa ulat ng New England Journal of Medicine.

Ayon sa doktor, nagbibigay raw ng kasiyahan na humahantong sa magandang pagdaloy ng dugo, kapag nakakakita ang mga lalaki ng malulusog na dibdib ng mga kababaihan, ani Dr. Karen Weatherby, German gerontologist at pangunahing researcher.

Mainam sa mga lalaki ang pampagana sa katawan upang makaiwas sa mga sakit ng matatanda habang nakatingin sa magandang dibdib ng mga babae dahil gumagagana ang imahinasyon na magdudulot nang maayos na pagdaloy ng dugo at puso.

Sampung minuto lang ang kinakailangan na pagtutok ng mga lalaki sa dibdib at halos katumbas na nito ang 30 minutong pag-ehersisyo sa isang gym.

Dagdag pa ni Dr. Weatherby, ang mga lalaking palaging tumitingin sa mga dibdib na babae ay may mababang blood pressure, mahinahong pulso at malusog na puso.

Umabot sa limang taon ang pag-aaral ng doctor sa 200 lalaking nahikayat upang sumali sa isang pagsusuri upang matukoy kung pampabata ang pagtitig sa mga malulusog na dibdib ng mga babae.

Paalala naman ni Dr. Weatherby, hindi raw ito isang biro at huwag lamang sobrahan ang pagtingin sa dibdib ng mga babae dahil masama kahihinatnan kapag nasobrohan. #30#

Toronto News

‘Online gambling’ bubuksan sa Ontario , referendum hirit

TORONTO – Magbubukas ng online gambling ang Ontario pagsapit ng taon 2012, ayon kay Finance Minister Dwight Duncan kamakailan.

Pahayag ng opisyal, kapag natuloy ang gambling online, makalilikom nang humigit-kumulang $100 milyon bawat taon ang lalawigan.

Sa palagay ng Ontario Lottery and Gaming Corp., tinatayang aabot sa $1 billion bawat taon ang nagagastos ng mga Canadian sa mga “unregulated gambling site” at nais bigyan ito ng agarang aksyon.
Samantala, dapat munang pigilan ng Ontario ang online gambling websites at magdaos muna ng referendum na isasama sa halalan ng probinsiya sa 2011, ayon kay Ken Lewenza, presidente ng Canadian Auto Workers. #30#

‘Library vending machine’ sa Toronto pinag-iisipan

TORONTO – Naghahanap ang Toronto Public Library ng mga paraan upang makapaglagay ng mga “automated kiosk” na namamahagi ng mga aklat sa pinaka-abalang transit facility sa Canada .

Sa tantiya ni Anne Bailey, direktor ng mga branch library ng TPL, maaaring magkakaroon na ng “kiosk” sa Union Station pagsapit sa taon 2012. Tinatayang aabot sa 200,000 katao ang tumatangkilik sa istasyon araw-araw.

Magiging parang “vending machine” ang itsura ng “kiosk.” Ang mga hihiram ay gagamit ng “touchscreen” upang pumili ng mga libro, CD o DVD.

Pagkatapos, pwede nang “”i-swipe” ang kanilang library cards sa mga bagay na nais nilang hiramin at isasauli sa “kiosk” bago sumapit sa nakatakdang araw ng sulian. #30#

Bagong ‘curriculum’ ipatutupad sa Ontario

ONTARIO – Magkakaroon ng bagong kurikulum sa mga high school ng Ontario sa darating na Oktubre.

Ang ilang sa mga masinsinang tatalakayin sa bagong kurikulum ay bullying, cyber stalking, drug abuse at defibrillators.

Pinaplantsa na ng mga opisyal sa pamahalaan ang mga pagbabago sa health at physical education curriculum sa probinsiya na walang nabago mula taong 1998.

Ayon sa tagapagsalita ni Education Minister Leona Dombrowsky, humigit-kumulang 90 porsiyento ng health at physical education curriculum ang magiging pabor sa mga estudyante. #30#

Bulk-buy drug program napagkasunduan

Kumikilos ang mga premier at territorial leaders sa Canada upang maitatag ang pan-Canadian purchasing alliance at makabili ng maramihang gamot, medical supply at gamit.

Sa tauhan miting ng Council of the Federation sa Winnipeg , sinabi ni Manitoba premier Greg Selinger, dapat ang mga lalawigan ay humanap ng mga paraan upang mapabuti ang “health-care services” sa kanilang sinasakupan.

Hinimok din ng premier na kausapin ang Federal upang alisin ang mandatory long-form census.

Plano rin ng mga ibang probinsiya na maglagay ng mas maraming leverage sa federal upang makakuha ng mas maraming pondo para sa health care. #30#

29 huli, $5.8-M droga nasamsam sa Toronto

TORONTO – Mahigit $5.8-milyong halaga ng mga ipinagbabawal na droga ang nasamsam ng mga pulis at 29 katao ang arestado dahil sa kasong drug trafficking at operation sa Toronto kamakailan.

Ayon sa pulisya, kabilang sa mga nahuli ay painkiller na ketamine na nagkakahalaga nang $5.2 milyon na pinaniniwalaan kumakalat sa mga lansangan ng Greater Toronto Area.

Ang pagkasamsam ng mga droga at pag-aresto sa mga suspek ay resulta ng tatlong-buwang pagsisiyasat na isinagawa ng mga alagad ng batas sa Peel, Toronto at York , kasama na ang Canada Border Service Agency.

Ilang ding baril, mga bala at ilang paris ng nunchuks (tsako) ang nakumpiska sa operasyon. #30#

McGuinty: LHINs mas maraming magagawa

ONTARIO – Mahalaga ang Local Health Integration Networks (LHINs) sa Ontario upang makakuha ng local input sa mga peligrosong desisyon sa health care at dapat paigtingin ang konsultasyon sa mga komunidad, ayon kay Premier Dalton McGuinty.

Itinatag ng pamahalaan ng Liberal ang 14 na ahensiya noong 2007 upang makapagbigay ng $12.5 bilyon health funds bawat taon sa mga ospital, klinika, community care at long-term homes.

Ani McGuinty, kasalukuyan pang binabalangkas ang mga alituntunin upang mas lalong mapabuti ang LHINs. #30#


Nawawalang files ng mga pasyente tinuligsa

ONTARIO – Nagngingitngit sa galit ang hepe ng Ontario’s privacy watchdog matapos lumabas sa mga ulat na ang files ng ilang daang pasyente sa Toronto na nakaimbak sa computer memory stick ay nawawala.

Kamakailan, sumulat ang University Health Network sa 763 pasyente na sumailalim sa operasyon sa isa sa kanilang tatlong ospital sa pagitan ng Enero at Marso nitong taon at sinasabihan na ang kanilang mga medical information ay nanakaw.

Ang ilan sa kanilang files ay kinopya sa isang unencrypted USB key, na nawala sa pitaka sa isang kawani ng ospital noong Hunyo 18 at hindi pa ito nahahanap hanggang sa kasalukuyan.

Hindi naman nakalagay sa files ang OHIP numbers, addresses at ibang mga contact information ng mga pasyente, kasama ang pangalan, admission at discharge dates, at surgical procedures ng mga pasyente. #30#

23-anyos kinasuhan sa pananakit sa GF at aso

ONTARIO – Nahaharap ngayon ang isang 23-anyos na lalaki ng mga kasong assault at animal cruelty matapos umanong saktan ang kanyang kasintahan at alagang aso.

Ayon sa ulat, rumesponde ang pulisya sa Talbot St. sa Bleheim matapos tumawag ng saklolo ang isang babae nang bigla na lamang pinagpapalo ang alagang aso ng lasing na boyfriend sa labas ng kanilang tahanan.

Sinabi ng babae na pinapasok niya ang aso sa loob ng bahay at sinubukan niyang awatin ang boyfriend sa patuloy na pananakit, ngunit siya ang napagbalingan ng galit at pinagsusuntok nang maraming beses sa mukha.

Habang winawasak ng boyfriend ang kanilang ari-arian sa loob ng bahay ng nakatawag sa pulisya ang babaeng biktima. Nasa kulungan ngayon ang lalalki habang hinihintay ang kanyang bail hearing. #30#

Homeless, mga opisyal naghahanda na sa summer

ONTARIO – Naghahanda na ang mga residente sa Tent City upang dumagsa sa mga local pool at takasan ang tag-init na aabot ang tagal sa halos isang buwan.

Ayon sa ulat, naghahanap ng mga naninirahan sa Temporary Homeless Services ng mga malamig na lugar upang maibsan ang mararamdamang init.

Paliwanag ni Brent Schultz, director sa Housing and Neighborhood Revitalization for Ontario , sinimulan na ng pamahalaan na palitan ang mga tolda tuwing tatlong buwan mula nang kunin ang pamamahala sa Tent City .

Dagdag pa ni Schultz, wala siyang nababalitaan mga nagpupuntang paramedics sa Tent City upang rumesponde sa mga insidente na may kinalaman sa klima dahil malala ang panahon sa tuwing tag-araw dito. #30#

Pagbebenta ng GM stakes wala pang pasiya

TORONTO – Wala pang desisyon ang Ottawa kung sakaling maglalagay ng puhunan sa shares ng initial public offering ng General Motor Corps, ayon kay Jim Flaherty, federal finance minister.

Masaya naman si Flahery sa US $1.33-billion second-quarter profit na natanggap galing sa automaker noong Agosto 12

Sa pagtanggi ng GM, napatunayan na tama ang Ottawa sa paglalagak ng bilyones na pera ng mga mamamayan upang iligtas sa bangkarote ang kumpanya noong kasagsagan ng krisis sa ekonomiya sa taong 2008.

Masusi naman pinag-uusapan nina Flahery at opisyales ng GM ang planong maglagay sa initial public offering. #30#

Halaga ng Port Lands arena aabot sa $88M

TORONTO – Ang makabagong complex na tinatampukan ng four rinks na nakasalansan sa taas ng bawat isa sa east waterfront ay magkakahalaga ng $88 million, halos $54 million higit sa orihinal na pondo na inilaan sa proyekto, ayon sa report.

Inirekomenda ng lungsod na ituloy ang pagpapatayo ng isang complex, kahit na inaasahan na mura lang ang pagpapagawa nito.

Sa kasalukuyan, umaabot lang sa $34 million ang pondong inilaan ng Federal sa pagpapatayo ng gusali sa bahagi ng Commissioner St. malapit sa Don Broadway.

Naniniwala ang lungsod na aabot sa $21-$25 milyon ang malilikom mula sa utang na kanilang babayaran sa loob ng 30 taon. #30#

Mixed martial arts OK na sa Ontario

ONTARIO - Nagbago ang pasya ng pamahalaang Ontario na payagan ang pagdadaos ng mga torneyo sa larong “mixed martial arts (MMA)” umpisa sa taon 2011.

Noon, tutol si Premier Dalton McGuinty sa larong MMA dahil walang puwang daw sa probinsya ang bayolenteng “bare-knuckled cage matches” at hindi ito bagay sa mga mamayan ng Ontario.

Ani Sophia Aggelonitis, consumer services minister, ang pinakamagandang paraan upang mapangalagaan ang mga atleta ng MMA ay laanan sila ng ganap na atensyon lalo na tuwing may laro.

Walang babaguhin sa mga batas at regulasyon ng MMA, ang mangangasiwa lang bawat paligsahan ay ang Ontario Athletic Commission na nagbabantay sa mga larong boksing. #30#

Kaso inilatag sa bumagsak na scaffolding sa Xmas eve

ONTARIO – Samut-saring kaso ang isinampa ng Ontario Ministry of Labor sa dalawang kumpanya dahil sa aksidenteng pagkasawi ng apat na migrant workers noong nakaraang taon bisperas ng Pasko.

Natatandaan limang katao ang nalaglag mula sa ika-13 palapag hanggang sa ground floor, habang kinumkumpuni nila ang isang apartment sa Toronto .

Apat sa kanila ang namatay agad at ang isa naman ay himalang nabuhay na nabalian lamang ng dalawang paa at gulugud (spine).

Matapos ang imbestigasyon ng Ministry of Labor, sinampahan ng 61 kaso ang dalawang kumpanyang naupahan upang ayusin ang gusali.

Meron 30 kaso ang Metro Construction Corp.; 16 dito sa kanilang director at 8 sa tagapangasiwa. Kinasuhan rin ng apat ang Swing ‘N’ Scaff Inc., platform supplier, at ang director na tatlong kaso.#30#

Labor deal OK na sa mga Toronto rail workers

TORONTO – Nagkasundo ang Canadian Auto Workers at Toronto Terminals Railway sa pagtataas ng sahod sa loob ng tatlong taon sa mga manggagawa, matapos ang magbanta na magdaos ng isang malawakang welga.

Usapan ng dawalang hanay ay itataas ang sahod ng mga manggagawa sa loob ng tatlong taon kasama ang ilang benepisyo pangkalusugan katulad ng dental at eye care.


Isa rin sa mga napagkasunduan ay ang mabilis na pagkuha ng mga retirement benefits sa mga retiradong manggagawa.

Ayon sa union nararapat lang na napakinggan ang hinaing ng mga manggawa dahil sa matagal na nilang idinudulog ang omento sa sahod. #30#

‘Exchange scam’ sa mga Tsino sinisiyasat

TORONTO – Masusing iniimbestigahan ng mga Toronto pulis ang dalawang insidente nang pangloloko sa pera at binalaan ang mga Tsino na magingat dahil sila ang puntirya ng mga kawatan.

Base sa rekord ng pulisya, sa magkahiwalay na lugar, nanakawan ang dalawang Tsino ng daang-libong dolyar matapos linlangin ng isang lalaki sa pamamagitan ng bogus currency exchange service.

Ang modus operandi ng kriminal ay manginganyo ng mga dayuhang Tsino na magpapalit ng kanilang Chinese yuan sa Canadian dollar sa mas mataas na palit ngunit hindi naman nasusunod sa halip naitatakbo ang pera.

Tugma ang estilo ng panloloko ayon sa unang biktima na 45-anyos na nawalan ng CAN$200,000 at ang pangalawa naman na 33-anyos na $400,000 ang natangay.

Pinaghahanap naman ng mga alagad ng batas ang suspek na nasa higit 40-anyos, 5’7” at 5’9” ang taas, 180 lbs maiksi at itim ang buhok at marunong ng magsalita ng Cantonese at Mandarin. #30#