Friday, July 30, 2010

Micro needle – ineksyon walang aray





Natatakot bang maineksyonan ng bakuna? Kung natatakot, tulad sa mga bata. Puwes, ngayon, maging masaya na dahil nakalikha na ng mga siyentipiko nang isang ineksyon na hindi aaray.

Kamakailan sa Emory University Atlanta, Georgia, matagumpay na nakalikha ang mga siyentipiko ng isang ineksyon na walang marararamdamang anumang sakit kung ituturok sa katawan.

Dati rati ang matutulis na dulo ng karayom ng iniksiyon kapag itinurok tuwing magpabakuna ay kagyat na makakaramdam ng sakit. Ngunit, ngayon upang wala ng maramdamang sakit, papalitan na ng microscopic needle ang karayom ng mga iniksyon, ayon kay Sean Sullivan, lead author ng pagaaral.

Paliwanag ni Sullivan, halos kasinlaki lamang ng isang hibla ng buhok ang micro needle na umaabot lamang ng 650 microns o .03 inch ang haba, at halos di na makikita ang karayom.

Sa halip na iniksyunan ng karayom, 100 pirasong micro needles ang pagsasamahin na may hugis “band aid” na ididikit lamang sa katawan ng tao kapag tuturukan ng bakuna.

Gawa ang micro needle sa polymer o poly-vinyl pyrrolidone material, na kapag itinurok sa katawan matutunaw at magiging tubig na lang sa balat ng katawan. Wala ring side effect sa balat at halos walang mararamdaman kapag ginamit.

Dagdag pa ni Sullivan, walang dapat ipag-aalala dahil ligtas gamitin ang micro needle, sapagkat isang beses lang ang gamitan. Ang mga bakuna ay dapat naka freeze-dried at may halong vinyl pyrrolidone monomer, upang maging malinis ito.

Maari nang gamitin ang micro needles sa pagbabakuna, tulad sa sakit na trangkaso, sakit sa ulo, sipon at ubo. Binabalak rin ng mga siyentipiko na lumikha ng isang micro needle sa pangkuha ng dugo. #30#

Goliath ng mga bituin nadiskubre




Atamaca Desert, CHILE – Nadiskubre ng mga astronomer ang isang dambuhalang tala at tinatayang pinakamalaki sa buong kalawakan.

Ang R136a1 ngayon ang may hawak sa titulo na pinakamalaking bituin sa buong sandaigdigan, matapos mahigitan ng 265 beses ang laki sa Araw (Sun), di hamak na mas malaki pa sa planetang Jupiter at ang big brother sa buong Solar System.

Natuklasan ito ng European Space Observatory, sa lupon ng mga bituin at tala, sa may bahagi ng Tarantula Nebula, sa loob ng Large Magellanic Cloud, 165,000 light years ang layo mula sa Daigdig.

Gamit ang Very Large Telescope, (VLT), ang pinamalaking teleskopyo sa Paranal , Chile , walang-hirap na natagpuan ang R136a1 dahil sa kanyang kinang, kulay at nakakamanghang laki.

Ayon kay Dr. Richard Parker, isang English scientist sa Shefield University, ang R136a1 ay isang blue hypergiant star, ang tinatayang sukat ay 320 solar masses, at aabot sa 40,000 degree Celsius ang temperatura at pitong beses mas mainit kaysa sa Araw.

Higit din itong mas nakakasilaw kaysa sa ibang tala, mayroon 10,000,000 beses na kinang kumpara sa Araw at mayroon rin 3.839 x 1026 watts of energy luminosity.

Nasa middle-age na daw ang R136a1, halos lagpas ng 2 milyong taon ang edad, kung ikukumpara sa mga ibang bituin, matanda na ito, dagdag ni Parker.

Ang mga massive star na katulad nito ay mabilis mabuhay at madaling mamatay, dahil sa sobrang liwanag at bigat. Ang bituin rin mismo ang pumapatay sa kanyana sarili, ani pa ni Paul Crowthe, isang Astrophysicist.

Kalimitan, tatlong milyon taon lang ang itinatagal ng mga malalaking bituin, di tulad ng maliliit na bituin na matagal, bilyong taon ang itinatagal. #30#

Friday, July 23, 2010

Video game para sa mga batang bulag





Kadalasan diumano, ang mga batang may kapansanan sa mata ay madaling tumaba at nagkakaroon ng sakit na diabetes, dahil hindi masyadong aktibo ang buhay dahil laging nakakuliong sa kanilang mga tahanan, ayon kay ni Eelke Folmer, research team leader at assistant professor, engineering department ng University of Nevada.

Ngunit, dahil sa tulong ng isang videogame na kung tawagin ay VI fit, magkakaroon na ng impotansya, kasiyahan at ehersisyo ang mga batang may kakulangan sa paningin, upang maiwasan nilang maging obese o di kaya maging masakitin.

Ang VI fit ay isang video sports game, na hango sa larong Nintendo Wii sports, ang pinagkaiba lamang ay napakasensitibo ang tunog at vibration ng controller, na akma sa mga bulag, dahil sa umaasa lamang sa kanilang sentibong pandinig at pakiramdam.

Sa lahat nang parte ng laro, meron tunog at vibration na nakakabit, mula sa paggalaw at kautusan, mayroon rin nakakabit n g mga akmang tunog.

Katulad ito nang Nintendo Wii sports na kailangan ang wii remote at kasama ang mainam na paggalaw, upang masundan at manalo sa laro.

Iba’t-ibang klaseng laro ang napapaloob sa VI fit, ilan dito ang Tennis game, bowling game at maraming pang iba, lahat ng mga laro ay idinesenyo, upang magamit ng mga may kakulangan sa paningin.

Umaasa si Folmer, na makakahikayat sila ng maraming manlalaro, nang dumami ang malusog at masiyahing mga bata na pinagkaitan ng paningin, nang maranasan naman ang pagiging parang normal na bata.

Maari ng idownload ang VI fit sa website na www.vifit.org, kailangan lang gamitan ng Wii remote joystick at PC, upang malaro ito. #30#

Sunday, July 18, 2010

Cell phone Microscope




Nakamamangha ang naimbento ni Aydagan Ozcan, isang researcher ng UCLA California Nano Systems Institute at assistant professor ng electrical engineering sa UCLA School of Engineering, matapos makagawa ng isang cell phone microscope.

Ang naimbentong cvellular phone ay kakayahang maging optical microscope, tulad ng isang medical tool na panuri sa mga maliliit ng cell. Gawa ang cell phone microscope sa isang light emitting diode (LED), na karaniwang parte ng isang mobile phone.

Sa halip na lens, isang detector array material ang ikinabit sa camera ng cell phone at nagmistulang nagsusuri sa mga cell, sa pamamagitan ng ilaw mula sa LED, ayon kay Ozcan.

Nababasa ng cell phone microscope ang kahit anumang sub-cellular elements kaliit isang cell, dahil sa semi-transparent ang mga ito, na mainam sa LED, kung saan pinapakita ang mga bilang ng isang holographic image sa cell phone.

Madaling gamitin ang cell phone microscope, maraming itong gamit, napapanahon at mura. Ito ang makabago at high-tech na cell phone, telemedicine, pwede rin gamitin sa komunikasyon at pang medisina, ayon kay Ozcan.

Paliwanag ni Ozcan, makakatulong ito sa mga mahihirap na bansa, na may kakulangan sa mga gamit sa ospital, dahil maaring ipadala ang mga nakunan na imahe mula sa magandang ospital, sa pamamagitan ng cell phone microscope, upang suriin ito.
Sa taong ito balak gamitin ang cell phone microscope sa Africa , ang bansang may pinakamababang kalidad ng medisana.

Itinanghal na Emerging Explorer si Ozcan, sa National Geographic, binigyan ng award bilang isang Grand Challenges Exploration Grant, at Best Career sa National Science Foundation (NSF). #30#

Infrared camera sa kotse




Mahirap magmaneho kapag zero visibility ang dadaanan, lalo na pag gabi, tuwing umuulan o makapal ang usok, ngunit sa tulong ng infrared camera maaring maging madali ang mga ito at mas ligtas.

Ipinalagay ni Dr. Dirk Weiler, isang German scientist ng Institute for Microelectronic Circuits and System o IMS, na lagyan ng infrared ang isang kotse, upang mapangalagaan ang kaligtasan ng mga driver, upang lalong makita ang dinadaanan, tuwing gabi, umuulan, o makapal ang usok.

Sa ilalim ng infrared camera, kaya niyang makita ang anumang thermal radiation heat source, hindi masyado itong naapektuhan sa usok, ulan at gabi.

Subalit ang teknolohiyang ito ay natatagpuan lamang sa mga Night Vision Goggles (NVG), na gamit ng mga militar, gayunpaman nakaisip ng paraan si Dr. Weiler ng isang alternatibong gamit, ang IRFPA sensor (Infrared Focal Plane Array), isang klase ng temperature sensitive detector.

Mayroon itong microbolometa, na kayang i-absorb ang ilaw mula sa isang hot source, at nairerehistro ito sa camera bilang isang infrared radiation.

Kung papalarin maari ng ipalabas na ito sa mga automobile technology convention, upang maipaliwanag ang kahalagahan ng infrared camera sa mga automobile company.

Ang pangunahing misyon ng infrared camera, ay mabigyan nang mas ligtas ang bawat driver sa pagmamaneho ng kanilang mga sasakyan, dagdag pa ni Dr. Weiler.

Noong 1800, natuklasan ni Sir William Herschel, isang Briton, habang kinukuhanan niya ng temperatura ang mga kulay ng isang visible spectrum. Namangha nang tumaas ang temperatura ng thermometer kapag inilalagay ang red prism at tinawag niyang itong infrared na ibig sabihin below the red. #30#

Pagsakay sa PTS mainam sa pagpapayat




May problema ka ba sa iyong timbang? Ngunit kung araw-araw kang sumasakay sa mga public transit system (PTS), walang dapat ipag-alala, dahil, ayon sa isang pag-aaral, nakapapayat umano ang madalas na pagsakay dito.

Sa mga pag-aaral na isinagawa sa University of Pennyslvania, Drexel University, at ng Research and Development Corp., natuklasan na ang madalas pagsakay sa mga PTS, katulad ng light-railway transit (LRT) o subway train, ay isang uri ehersisyo para sa katawan.

Paliwanag ni John M. MacDonald, isang lead researcher, ang paglalakad upang marating ang istasyon ng isang PTS, pakikipag-unahan sa pagsakay ng tren tuwing rush hour, at ang pagpanhik-panaog sa mga hagdanan ay ilan sa mga mabisang paraan sa pagbabawas ng timbang.

Sa isa rin pag-aaral sa Charlotte, North Carolina, isinailalim sa isang pagsusuri ang mga mananakay sa LRT at may mga sasakyan, sinuri ang kanilang timbang at kalusugan sa loob ng 12-18 months, bago at pagkatapos ng test.

Lumabas sa datus na pumayat ang mga mananakay, bumaba ang kanilang body mass index (BMI) at pumapatak ng 1.18 kg/m2, katumbas nito ng 6.45 lbs na pagkabawas sa kanilang mga timbang.

Napag-alaman pa na mas malusog ang pangangatawan ng mga mananakay ng LRT kaysa sa mga taong may sasakyan, dahil 81% sa kanila ang hindi naging obese.

Sumakatuwid ang pagsakay sa pampublikong sakayan tulad ng LRT, ay nagdudulot ng mabuti sa katawan, ang pagging aktibo sa pagsakay sa mga pampublikong sasakyan ay isang ka-aya-ayang gawain, dagdag pa ni MacDonald. #30#

Tuesday, July 6, 2010

Musika therapy sa stroke





Musika. Ito’y isang artistikong klase ng tunog, na kinahihiligang pakinggan ng mga tao. Saan mang sulok ng mundo, mahalaga ang musika sa lahat, binibigyan tayo nito ng kasiyahan, libangan at inspirasyon. Ngunit, alam niyo bang maari din itong makatulong sa mga biktima ng stroke.

Ayon sa isang research, mabisang therapy ang musika, dahil sa pakikinig ng musika naisasaayos ang brain function ng isang tao, na mainam para sa mga biktima ng stroke, na may kahirapang gumalaw at magsalita.

Ang isang uri ng music therapy ay ang “rhythmic auditory stimulation” (RAS). Sa paraang ito, habang pinapatugtog ang isang musika, sumasailalim ang pasyente sa ritmo at galaw, nang mapabuti ang lagay ng kanyang katawan.

Malaking bahagi ang ginagampanan ng musika sa RAS therapy, dahil ang musika ay may ritmo na nagpapa-indak sa mga tao at nakatulong sa mga stroke patients, na maging aktibo ang kanilang pagiisip, maisaayos ang kanilang paggalaw at pananalita, ani ni Joke Bradt, isang researcher ng Arts and Quality of Life Research Center ng Temple University sa Philadelphia, US.

Sa pitong ulit na pag-aaral na isinagawa, mula sa 184 taong biktima ng stroke na di nakalalakad. Lumalabas na ang mga gumamit ng RAS therapy, ay nagkaroon ng malaking epekto sa kanilang paggalaw, umabot sa 14 metro ang kanilang walking speed improvement, mas mataas sa standard therapy na ginagamit.

Ang isa pang therapy na pinag-aaralan, ay ang paraan ng pagpaparinig sa mga pasyente ng isang live recorded music, na naitutuwid ang pananalita ng isang stroke victim.

Kada taon, 20 milyong katao sa buong mundo ang biktima ng stroke, kung kaya’t mahusay ang music therapy, upang mapabuti ang kanilang kalagayan, dagdag ni Bradt.

Ang Cerebrovascular accident o kilala sa tawag ng stroke, ay sanhi ng pagkabara sa daloy ng dugo, sa utak ng isang tao. Sinisira nito ang abilidad ng utak, kayat paralisado paggalaw at pagsalita ang taong biktima ng stroke.#30#