Apple I phone, ipod suki sa internet sa Canada

Lumabas sa pagsisiyasat ng Comscore na ang Canada ay isa sa mga bansang maraming tumatangkilik ng internet, ngunit alam nyo ba ang karamihan dito ay galing sa Apple ang kumpanyang naghatid ng Ipod, Ipad at Iphone.

Sa ulat na lumabas sa Canada , mataas ang agwat pagdating sa bansang madami ang taong gumagamit ng I phone at mga adik sa internet pagdating dito.

Halos 33.5% ang gumagamit ng internet na Smartphone sa Canada ay galing sa I phone at 14.9% naman ang galing sa mga gumagamit ng I pod.

Subalit, ang computer at lap top pa rin ang nangunguna at pinamataas na gumagamit ng internet at nakakagulat ang datos na nakalap sa mga gumagamit ng Iphone at I pod internet.

Ayon din sa Comscore, ang paggamit ng Iphone upang mag-internet ang dahilan bakit lumubo ang tumangkilik nito. Mas dumami ang nahilig dahil sa telepono at mag-surf sa internet sa pamamagitan ng paggamit ng Iphone.

Sumusunod naman sa survey ang iba pang smart phone tulad ng Android at Montion Playbook na meron 0.4 at 1.3 porsiyento lamang. #30#

Potato chips sisrain pag nagpapayat

Kung ikaw ay nagbabawas ng timbang, mag-ingat sa pagkain ng potato chips dahil malaki daw ang impluwensya na sisirain ang pagdidiyeta.

Sa pag-aaral na isinagawa ng New England of Medicine, ang potato chips ay hindi naman talaga nakakataba kung kaunti lamang ang kakainin, subalit, magiging masama na kapag marami na ang nakain at may lasang nakaka-adik tulad ng caffeine.

Napakasarap kasi ang potato chips dahil sa mga sangkap inihahalo, at hindi mapipigilan ang pagkain at kapag linantakan, hindi lang isa o dalawang piraso, ngunit umaabot sa isang supot, ani Dr. F Xavier Pi-Sunyer ng St Luke’s – Roosevelt Hospital Center .

Sa pag-aaral na isinagawa sa loob na apat na taon, mahigpit na sinubaybayan ng mga researcher ang mga taong nasa edad 12 at 20 at nahati sa tatlong grupo – 50,422 ang babae, 47,898 babae at 22,557 lalaki at lahat ay malusog ang pangangatawan at maganda ang klase ng pamumuhay.

Dahil lang sa pagkain lang ng potato chips o mga tsitsirya, lahat ng mga kalahok ay karaniwan bumigat na umaabot ng 3.35 libra sa loob ng apat na taon at 16.8 libra sa loob ng 20 taon kung tuloy-tuloy ang pagkain.

Base sa nakalp na mga datos, malaking impluwensya ang potato chips at nangunguna sa ibang mga pagkain, tulad ng tsokolate, karne at iba pang nakakatabang pagkain. #30#

Pangako ng Ama

Noong 1989 sa bansang Armenia , isang napakalakas na lindol (8.2 magnitude ang lakas) ang kumitil ng buhay sa mahigit 30,000 katao sa loob lamang na apat na minuto. Halos hindi kapanipaniwala ang laking pinsala na dulot ng lindol at hirap ng naranasan ng mga tao noon.

Ngunit sa gitna ng dilim na nangyari at mga pagdurusang nararanasan ng mga mamayan doon ay lumitaw na isang kwento tungkol sa isang ama at ang naliwanag na pag-asa.

Nang matapos ang lindol nagmamadaling nagpunta ang isang ama sa paaralan ng kanyang anak. Ngunit nang makita ang gusali ng paaralan, isa na lamang itong malalaking tipak na mga bato.

Dahil sa nangyari, ang ibang mga magulang ay nawalan na ng pag-asa na buhay pa ang kanilang mga anak, ngunit ang amang ito ay dalidaling pumunta sa gumuhong gusali at unti-unting nagtatanggal ng mga bato.

Dahil sa tinuran ng naturang ama, ilang mga taong naroroon ay sinabihang siyang tigilan na ang paghuhukay, dahil sa lagay na gumuhong gusali ay tiyak na wala ng makakaligtas doon.

Ngunit ang ama ay patuloy pa rin sa paghukay at iisa lamang ang nasa isip, ang pangakong binitawan sa anak na hindi ito iiwan. Ang pangakong iyon ay nagmistulang nagbibigay sa kanya ng lakas at pag-asa upang unti-unti tanggalin ang mga malalaking tipak na bato.

Pati ang mga magulang ng mga kaklase ng kanyang anak ay sinabihan rin siyang tigilan na ang paghuhukay dahil sa palagay nila lahat ng mga bata doon ay patay na. Meron pang isang doktor ang nagpayo sa kanyang ikakasama ito ng kanyang katawan.

Pumunta rin ang mga bombero at binalaan siya na maraming pagsabog ang pwedeng mangyari at baka mapahamak siya sa paghuhukay. Meron din pumuntang mga pulis at na pinapauwi siya dahil wala na silang nakikitang pag-asa.

Ngunit ang ama ay tila bingi at hindi pinakinggan ang mga babala sa kanya at sa halip ay laong pang sinipagan ang paghuhukay sa gumuhong gusali.

Sa simulang paghuhukay tumagal ng walong oras naging 12 oras at naging isang araw, hitik na ang araw, malamig na ang gabi, at umuulan pa, ngunit, hindi natinag ang ama at patuloy sa paghuhukay.

Nang umabot na ng 38 oras na paghuhukay. May narinig siyang iyak at pinakinggan ang boses. Sumigaw at tinatawag ang pangalan ng kanyang anak. “Armand, anak ikaw ba yan”. “Itay ako sinabi ko sa mga kaklase ko na pupunta kayo at pumunta nga kayo Itay.”

Dahil sa isang determinadong ama na sinunod ang pangako, nailigtas ang kanyang anak.

Nagpapaalala sa atin na matutupad ang mga pangako ng ating Ama sa langit at hindi tayo pababayaan kung mananalig tayo sa kanya. Kahit gaano kalaking mga bato na nagiging sagabal sa ating buhay ay malultas dahil walang imposible kung may sapat na pananalig at paniniwala tayo sa kanya. #30

Perpektong Puso

Isang araw may isang batang lalaking pinagyayabang ang kanyang puso sa mga tao. Bawat bayan na kanyang pinupuntahan, tinatawag niya ang lahat ng tao at ipinapakita kung gaano kaganda ang kanyang puso. Walang bahid ng dumi at maganda ang hugis ng kanyang puso. Lagi niya itong pinagmamalaki sa bawat lugar na kanyang puntahan.

Sa isang bayan na kanyang napuntahan, habang ipinagyayabang ang kanyang puso sa mga tao, may isang matandang lalaking lumapit sa kanya. “Hindi gaano kaganda ang iyong puso kaibigan kumpara akin.” Tinignan ng mga tao at ang batang lalaki ang puso ng matanda.

Nagtawanan ang lahat na nanduon dahil ang puso ng matanda ay malakas ang tibok, may sugat at napalibutan ng dumi. Sinagot ito ng batang lalaki, “Paano mo nasabing maymaganda ang iyong puso e puno naman ito ng sugat at dumi.” Sumang-ayon naman ang mga taong nanunuod.

“Oo, magandang tignan ang puso mo dahil walang sugat at dumi ngunit ayokong ipagpalit ang puso ko dahil ang bawat sugat at dumi ay nagpapaalala sa akin kung paano angmagmahal. Ang mga bahagi na maganda sa aking puso ay mga taong nagsukli ng pagmamahal na ibinigay ko. Ang mga dumi naman ay mga taong hindi nagbigay ng kaunting pagmamahal at ang sugat ay mga taong nanakit sa akin ngunit ako ay umaasa ang mga sugat at dumi ay maghihilom at malilinis rin dahil sa salitang pagmamahal, e ikaw natuto ka na bang magmahal,” sabi ng matanda.

Napahiya ang batang lalaki at napaluha. Lumapit ito sa matanda at kinuha ang puso nito at ibinigay sa matandang lalaki.

Ibinigay naman ng matanda ang puso niya sa batang lalaki at nang inilagay ng batang lalaki sa kanyang katawan, naramdaman niya ang kung ano ang tunay na pagmamahal.

Ano nga ba ang tunay na pagmamahal? Ito ay kung ibigay ang puso mo na walang patumangi at walang hinihintay na kapalit. #33#

Paper computer

Tila ata hindi na mapigilan ang tao sa pagusbong sa larangan ng teknolohiya ngayon nalikha nbg mga cellphone engineers ang kaunaunahang Paper computer.

Kanipis ng isang papel ang Paper computer, kaliit ng isang iphone ngunit ang processor nito ay tulad ng isang desktop computer, ito na ang papalit sa mga smartphones, computer at cellphone sa darating na panahon, ayon kay Dr. Roel Vertegal, direktor ng Queen University Human Media Lab.

Ang Paper computer ay may nipis na 9.5 cm na gawa sa espesyal na metal, flexible ito, kayang maglagay at mabukas ng mga files tulad ng movies, mp3, at meron internet connection, isang super computer smartphone na pinagsasama sa isang gadget.

Touchscreen din ang Paper computer, gamit ang isang stylus para kang nagsusulat sa papel, napakagaan din dalhin kailangan mong ilagay ito sa isang casing upang hindi ito masira, dagdag ni Dr. Vertegal

Hanggang ngayon sinusubukan parin ng grupo nila Dr.Vertegal ang Paper computer, wala pa kasi itong ganap na mapagkukunan ng enerhiya para tumakbo, ito pa ay nakalagay sa isang espesyal na casing upang mapaandar. Ngunit positibo sina Dr. Vertegal na magiging maganda ang proyekto nila ng Paper Computer sa tao. #33#

Ang Toro at ang Oso

Isang araw may isang Osong nakatira sa isang kuweba sa gitna ng gubat. Katabi nito ang bukid na may tinitirahan naman ng isang malaking Toro. Araw-araw pinagmamasdan ng Oso ang Toro sa kagubatan. Kilala ang Toro dahil napakalakas at nakakatakot sa, kaya, nagdadalawang-isip ang Oso kung hahamunin niya ang Toro.

Isang araw, hindi na mapigilan ang sarili ng Oso, kayat biglang nilapitan ang Toro at hinamon ng duelo. Laking gulat ng Toro, at nagtanong, “Kung bakit gusto niyang makipaglaban sa kanya.”

“Dahil nais kong patunayan sa aking sarili na ako’y mas malakas at mas magaling kaysa sa iyo,” sagot naman ng Oso. “Hindi ka mananalo sa akin dahil mas matalas ang aking sungay at kaya kitang sugatan ng malalim,” ani ng Toro.

“Bakit matalas din naman ang aking pangil at kuko, marami na akong natalong kalaban na gustong saktan ang aking anak at kunin ang aking asawa, ako ang hari ng kagubatan,” sagot ng Oso.

“Kung ikaw ang hari ng gubat bumalik ka sa kuweba mo,” ani ng Toro, “Ano? Bakit?”pagtataka ng Oso.

“Ano ang dahilan bakit tayo maglalaban, bigyan mo ako ng magandang dahilan bakit tayo magtutuos. Sinaktan ko ba ang anak mo at inaagaw ko ba ang inyong asawa?” hamon ng Toro.

“Kung matatalo kita mapapatunayan kong mas malakas ako,” sagot naman ng Oso.

“Sige, Ikaw na ang pinakamalakas ngayon umalis ka na at hayaan mo ako dito sa bukid ng mapayapa,” sagot ng Toro.

“Teka, ang ibig kong sabihin, magduelo tayo at ipaglaban mo ang iyon sarili,” akmang pasugod na ang Oso.

“Ikaw ang bahala, ngunit ayoko pa rin kitang labanan, walang dahilan bakit kita sasaktan, hindi mo naman sinaktan ang mga Bakang binabantayan ko at hindi mo naman hinahabol ang amo ko, kayat walang dahilan bakit tayo maglalaban,” depensa ng Toro.

“Hindi ko kayang labanan ang mga Baka dahil hindi nila kayang makipag-away,” sabi ng Oso.

“Oo yun nga, ngunit kung sasaktan mo ang mga Baka, at ipaglalaban ko sila? Masasaktan ako? Sino na ang magbabantay sa mga Baka laban sa mga asong gubat? At kung ikaw ang masaktan sa ating pagtutuos sino na ang mag-aalaga sa mga anak at asawa mo? Ano mangyayari sa kanila?

Napaisip ang Oso, “Oo nga kung may mangyari sa aking sino na ang magbabantay sa pamilya ko.”

“Kaya’t bumalik ka na sa gubat Oso, at mamuhay ng mapayapa at ako rin masayang mamuhay dito sa bukid, “sabi ng Toro.
Bumalik ang Oso sa kuweba at may natutunan sa usapan nila ng Toro. Sa kapayapaan, walang talunan. #33#

Kaunaunhang solar airplane pinalipad

Matagumpay na pinalipad ang isang solar airplane mula Switzerland hanggang Brussels at 13 oras halos ang itinagal nito sa himpapawid.

Magaan sa pakiramdam at tila isang malaking scooter ang kapag pinalipad ang naturang eroplano, ngunit, may konting kaba dahil sa di malalaman ang klase ng panahon, ayon kay Andre Borchberg, piloto ng solar powered na eroplano.

Sa loob ng 13 oras suwerte si Borchberg dahil hindi dinamutan ng sikat ng araw ang pinalipad na solar airplane, 480 km ang tinakbo nito at lumipad sa himapapawid ng 3,600 metro taas kung kayat malaki itong tagumpay sa mga taong sumusulong na solar-powered aircraft.

Isa itong tagumpay ng tao, dahil kapag isinulong ang solar-powered aircraft, mababawasan ang mga eroplano na maglalabas na mapanganib na polusyon sa kapaligiran, ayon kay Betrand Piccard, founder ng Solar impulse project.

Gamit ni Borchber ang HB-SIA model solar airplane na meron 12,000 solar cells 65 metro sa kanyang papak ang nagsilbing enerhiya at gas ng eroplano na umaabot ang kanyang bilis ng 10 horsepower na may apat na elise.

Sa solar cells na meron ang solar airplane model HB-SIA, kaya nitong magkarga no baterya upang lumipad hanggang gabi.

Kung tatanggapin ang teknolohiyang solar cells, makakatulong ito sa buong mundo dahil hindi lang maganda sa kapaligiran kungdi mas matipid pa kaysa mga hydrolic fuel na ginagamit sa pagpapalipad ng isang pagkaraniwang eroplano. #30

Pag-aayuno mainam sa puso

Nagdudulot daw ng mabuti sa katawan ng tao ang pag-aayuno o pagliban sa pagkain lalo na sa mga may sakit sa puso at bubuti ang kanilang pakiramdam, ayon sa pag-aaral ng mga siyentipiko kamakailan.

Ang pag-aayuno ay nakakabawas ng mga masasamang kolesterol na nagiging sanhi ng sakit sa puso at ang pagkakaroon rin ng sakit na diyabetis, ayon kay Dr. Benjamin D. Home, PhD, MPH, at director ng cardiovascular at genetic epidemiology sa Intermountain Medical Heart Institute.

Kung ang isang tao ay nag-aayuno, ito ay nagugutom at na-iistress dahil ang taong gutom ay mas maraming kolesterol ang nasusunog sapagkat nagsisilbi itong enerhiya ng katawan sa halip na ang glucose.

Dahil dito, nababawasan ang mga masasamang kolesterol at mga matatabang selula kaya bumubuti ang puso kapag ganito ang kalagayan.

Maliban sa nagpapalakas ng puso natuklasan din sa pag-aaral na ang pag-aayuno ng tao tumataas ang human growth hormone (HGH), metabolic protein na nagpapatatag sa mga kalamnam at tumutulong upang maging balanse ang metabolismo ng katawan.

Sa 24 na oras ng pag-aayuno o pagliban sa pagkain, umaabot sa 1,300% ang HGH sa mga babae at sa 2,000% naman sa mga lalaki.

Sa isang eksperimento na isinagawa, sumailalim sa pag-aayuno ang 200 tao. Sa loob ng 24 oras tubig lamang ang kanilang pampuno ng tiyan. Matapos ang 24 oras nagulat ang mga doctor at siyentipiko na lumakas ang puso at mga muscle ng mga ito.

Maaari ang pag-aayuno ay maganda ang naidudulot sa ating buhay, gaganang mabuti ang kondisyon ng pag-iisip at ang ating ispiritwal, dagdag pa ni Dr. Home. #30#

Ang Langgam at ang Tipaklong

Isang ina ng siyam-na-taong gulang na bata, na ang pangalan ay Mark, ang nakatanggap ng tawag sa telepono mula sa guro ng kanyang anak sa pinapasukang paaralan.

“Gng. Smith, may nakakaibang ginawa ng inyong anak sa kanyang klase kayat nais kong ipaalam sa iyo,” sabi ng titser sa ina ni Mark.

Nagulat at nabahala si Gng. Smith dahil tanghaling tapat ay tumawag ang guro ng kanyang anak at baka may masamang nangyari o masamang ginawa ang anak. “Maam, ano po nangyari sa aking anak, may nagawa basiyang kasalanan?

“Wala naman. Matagal na akong natuturo sa paaralan ito ngunit ngayon lang ako nakakita ng ganito. Itong umaga habang nagtuturo ako sa klase nina Mark sa pagsusulat at nang bigyan ko sila ng halimbawa tungkol sa kwento ng Langgam at Tipaklong,” sabi ng guro.

Nagkwento ang guro sa loob ng klase at ganito ang kwento, “Isang araw may isang Langgam na walang ginawa kundi mag-ipon ng pagkain at isa naman tamad na Tipaklong.

Nang dumating ang tag-ulan at mga bagyo, nagumpisang makaramdam ng gutom ang Tipaklong dahil wala ng makain. Lumapit ito sa Langgam upang humingi ng kaunting makakain. Ngayon class, ituloy niyo ang kwento at isulat nyo kung anong susunod na mangyayari, dagdag ng guro.

“Ang iyon anak na si Mark ay itinaas ang kanyang kamay at sinabing Maam, me nais akong iiguhit sa pisara (balck board)? sabi ni Mark.

“Oo Mark pwede, ngunit tapusin mo muna ang kwento,” sagot naman ng guro.

Nang matapos ni Mark ang pagsasalita sa klase upang ibahagi ang karugtong ng kwento tungkol sa Langgam at Tipaklong.

“Kakaiba ang katapusan ni Mark tungkol sa kwento ng Langgam at Tipaklong. Ang ibang mga bata ay sinabing binigyan ng Langgam ng makakain ang Tipaklong at ang iba naman ay hindi binigyan ng Langgam ang Tipaklong.

Subalit, ang isinulat ng inyong anak ay “Ibinigay ng Langgam ang lahat ng kanyang pagkain sa Tipaklong at lumipas ang ilang araw ang Langgam ay namatay.

Sa katapusan ng kwento ni mark, gumuhit ito ng tatlong krus sa black board at nagsalita. “Di ba ang Anak ng Diyos na si Hesukristo ay isinakripisyo ang kanyang buhay para sa atin, upang makamit natin ang buhay na walang hanggang.” #30#