Murang ‘cancer sensor’ naimbento ng 15-anyos

Isang mumurahin “cancer sensor” ang nalikha ng 15-anyos na estudyante pa lamang ng mataas na paaralan.

Nakuha ni Jack Andraka, isang estudyante ng Maryland, ang unang premyo bilang “grand winner” sa naganap na Intel International Science and Engineering, dahil sa naimbentong “paper sensor” na kayang tuklasin sa ang isang tao kung may sakit itong kanser.

Higit na mas mura at maganda ang kalidad, 90% ang ganap na kawastuhan, simpleng gamitin at mabilis malaman kung may sakit na kanser ang isang pasyente kumpara sa mga ibang uri ng “cancer sensor test.”

Ang “cancer sensor”ay yari sa papel. Isa itong dip-stick sensor at inilalagay sa dugo o ihi ng isang pasyente at ibabad. Ilan sandali puwede ng malaman kung positibo sa sakit na kan ser ang isang tao.

Nakukuha ng pirasong papel ang protina ng dugo at mag-iiba ng kulay at kakalat sa papel. Dito malalaman kung meron sakit na kanser ang isang pasyente

Nabigay inspirasyon kay Andraka ang kapatid ng kanyang mga kaibigan na namatay sa sakit na pancreatic cancer. Iginunugol niya ang maraming oras sa pananaliksik at pag-aaral hanggang makaisip siya ng paraan kung paano makagawa ng isang “dip-stick sensor.”

Mula pa pagkabata, nahilig na si Andraka sa siyensiya, meron din siyang naimbetong “dip stick sensor” na pwedeng tumuklas ng polusyon sa tubig. #30

Pag-Mina sa Kalawakan

Washington, USA - Pinagaaralan ng mga siyentipiko ngayon kung maari minahin ang mga naglalakihang mga asteroid.

Magpadala ng mga robot ships sa kalawakan upang magmina ng mga asteroid at

pagkakitaan, ito ang balak ng Planetary Resources Inc, isang bagong tayong kumpanya sa Amerika.

Ayon sa mga eksperto, binabalutan ng mga mineral na platinum at ginto ang isang asteroid, ito ang nais ng Planetary Resources Inc , ang magamit ang minerals nito.

Malaking palaisipan parin sa mga siyentipiko kung paano ma extract ang mga minerals  ng asteroid, at natinding pagsubok pa ang makakuha ng asteroid sa kalawakan dahil sa layo nito sa mundo.

Ngunit kahit gaano kahirap desidido ang sina Eric Anderson at Peter Diamandis founders ng Planetray Resources Inc, na mag invest sa mga asteroid. #30

Anak pinagkamalan unggoy binaril patay

NEPAL – Isang lalaking magsasaka ang aksidenteng nabaril ang sariling anak matapos pagkamalan unggoy na nagnanakaw sa kanyang mga pananim.

Dahil laging pineperwisyo ng mga unggoy ang mga pananim ni Gupta Bahadur, 55, kaya, napilitan bumili ng baril upang may pantaboy sa mga makukulit na matsing.

Kamakailan, muli na naman sinalakay ng mga unggoy ang mga pananim ng Bahadur. Dahil ayaw na niyang mapinsala pa ang kanyang mga pananim, hinabol niya ang mga ito na dala-dala ang kanyang riple.

Kasama ni Bahadur sa pagtaboy sa mga unggoy ay kanyang anak na si Chitra Bahadur Pulami, 12. Habang hinahabol niya ang mga unggoy ay binabaril niya ang mga ito at dito naisipan naman ng anak na umakyat sa isang puno upang tumulong itaboy ang mga unggoy.

Matapos maitaboy ni Bahadur ang grupo ng mga unggoy, bumalik ito sa kanyang sakahan. Ngunit, meron siyang napansin sa itaas ng puno na gumagalaw na bagay at inasinta niya nito ng kanyang riple sa pag-aakalang matsing at saka pinutukan.

Natuwa naman si Bahadur nang makita niyang nahulog ang binaril niyang bagay at saka nilapitan. Ngunit, laking gulat niya ng malaman anak niya pala ang binaril.

Dahil dito, mabilis na itinakbo ni Bahadur ang anak sa ospital dahil sa tama sa ulo. Ilang raw din nanatiling kritikal ang kundisyon ni Chitra sa pagamutan at sa kalaunan namatay rin ito.

Abot langit ang pagsisi ni Bahadur sa kanyang nagawa at agad na sumuko sa pulis na hanggang ngayon ay nasa kulugan pa rin at di makapaniwala sa nangyari. #30

Mamang kinagat ng ahas, sa kanyang paghiganti kinagat rin

KATHMANDU – Ngipin sa ngipin. Tila ito ang naging panuntunan sa buhya ng isang lalaking naghiganti sa ahas matapos tuklawin siya nito sa pamamagitan ng pagkagat din dito hanggang mamatay kamakailan.

Ito ang naging paliwanag ni Mohamed Salmo Miya, 55, mula sa Kathmandu, Nepal, matapos mapatay nito ang ahas na tumuklaw sa kanya sa kanilang tahanan ng nakaraan buwan.

Halos lagutan ng hininga si Miya matapos tuklawin ng ahas at hindi lang pangkaraniwan ahas ang kumagat sa kanya kundi isang makamandag na ulupong (cobra), ayon kay Niraj Shahi, opisyal ng pulisya sa Kathmandu.

Ang matinding kamandag ng naturang ulupong ang nagdulot kanya nang pagkaparalisa sa loob ng halos dalawang linggo at isang himala dahil nakaligtas.

Dahil sa pangyayari, mula ng gumaling si Miya, matiyaga na niyang hinanap ang ulupong na tumuklaw sa kanya. Ginalugad niya ang lahat na sulok ng kanilang bahay at hindi nagtagal nahanap naman niya.

Bago matuklaw ng ulupong si Miya, nagawa niyang sulyapan ang itsura ng ahas, kaya at nang mahanap niya ito sa likod na kanilang bahay, tugmang-tugma ang laki at kulay ng ahas na kumagat sa kanya.  

Sa galit ni Miya, mabilis na sinunggaban ang ulupong dahil walang makitang pamalo, subalit, nagpupumilit pumiglas ang ahas, at sa takot na tuklawin, napilitan niyang kagatin ang ulo ng ahas hanggang maputol at mamatay.

Sa takot baka malason ng kamandag ng ulupong, pumunta agad si Miya sa ospital upang magpasuri. Sa kabutihan-palad, wala naman nakitang kamandag at hindi naman siya kinasuhan ng mga otoridad sa pagpatay sa ahas dahil ito ay itinutirng itong “endagered species” sa Nepal.#30

Gregory Galgana Villar III:Isang Pinoy ang isa sa likod ng tagumpay ng ‘Curiosity’

Muling inilagay ang pangalan ng Pilipinas sa larangan ng siyensiya matapos magtagumpay ang Curiosity sa paglapag sa planetang Mars dahil may dugong Pinoy ang isa sa mga siyentipiko at inhinyero ng National Aeronautics and Space Administration na nasa likod ng tagumpay na misyon .

Ang tinutukoy ay si Gregory Galgana Villar III, 25, isang inhinyero ng NASA  na taga-California at tubong Baguio, kaisa-isang Pinoy na pinalad makasama sa misyon ng Mars Science Laboratory.

Matapos makumpirma ang paglapag ng Curiosity rover sa kalupaan ng Mars, nabunutan ng tinik ang mga nasa likod ng misyon at napalitan ng pananabik upang ipagpatuloy ang naturang  misyon at agad na umarangkada ang sasakyan sa kanyang pagsasaliksik.

Lumaki si Villar sa Long Beach, California, na pinalaki ng mga Filipinong magulang sa US. Nanirahan muna ng ilang taon sa Pilipinas at nag.aral sa St. Louis University Laboratory Highschool at bumalik sa US upang kumuha ng Physics sa California Polytechnic State University.

Mula sa pagkabata pangarap na ni Villar ang magtrabaho sa NASA, at nang bumalik sa Pilipinas, lalong nagkaroon ng interes na maging isang astronawt, dito nahubog ang pagkahilig niya sa Aerospace.

Si Eng. Gregory Villar III kuha sa NASA: Jet Propulsion Lab

Nagkaroon ng oportunidad si Villar nang mapili siyang maging iskolar ng NASA’s Motivating Undergraduates ng Science and Technology, at noong Hunyo 2010, natanggap siya bilang empleyado ng NASA.

Ang unang trabaho ni Villar ay guguhit ng mga modelo ng rover para sa hinaharap na misyon ng NASA, hanggang napabilang siya ng Science Planner ng Mars Science Laboratory. Ang gawain niya ay magsagawa ng mga pagsasanay ng mga astronawt kahit anuman misyon.

Laking tuwa ni Villar ng matagumpay lumapag ang Curiosity Rover sa Mars. Ipinagmamalaki niyang may dugo siyang Pilipino. Di pa rin niya makalimutan ang naging buhay sa bansang Pilipinas sa kanyang pagkabata.

Ang Nanay ni Villar ay mula Novaliches, Lungsod ng Quezon, samantala, ang kanyang tatay ay lumaki sa Lungsod ng Taguig. #30

US nababahala sa pagpapalakas ng pwersa ng Al-Qaeda

WASHINGTON – Nagpalabas ng babala ang Estados Unidos na muli na naman lumalawak ang galamay ng Al-Qaeda sa buong mundo at ngayon ang bagong target nilang isapi sa kanilang organisasyon ay mga taong mahihirap sa mahihinang  bansa.

Ayon sa US State Department, ang nasa likod diumano nito ay ang bansang Iran at ilang pang natitirang kaanib ng Al-Qaeda. Pinapalaganap nila ang paniniwala at kaisipan ng isang terorista at tinuturuan silang maging marahas at kasuklaman ang mga kumakalaban sa kanila.

Mula nang mapaslang si Osama bin Laden, lider ng Al-Qaeda, ng mga piling-tropa ng US noong Mayo 2011 sa Pakistan, ipinagpatuloy ng mga naiwan kasama ng napaslang na lider ang mga pagpaplano kung paano makaganti sa kanilang mga kaaway.

Ayon kay Daniel Benjamin, ng department of counterterrorism ng US, ang malinaw na halimbawa ay ang Iraq, kung saan, dumami daw ang mga sumapi sa Al-Queda at halos karamihan sa kanila ay mga Arabo at meron rin taga-Yemen na bahagi na ng Africa,.

Sobrang nakakabahala ito dahil tila madadagdagan ang pwersa ng Al-Qaeda at lalong lumalawak pa  ito na umabot na sa Africa at ilan mga bansa sa timog-silangan ng Asya.

Kasama  rin sa ulat ang mga datos noong 2012, matapos magkaroon ng 10,000 pag-atake ng mga terorista sa 70 bansa ng buong mundo at nag-iwan ng 12,500 taong namatay.  Mas mababa ito ng 12% kumpara ng datos ng taon 2010 at  29 % naman ng taon  2007.

Ang ibig sabihin ng Al-Qaeda sa salitang Arabo ay “Ang Pundasyon.” Itinatag ito sa ilalim ng pamunuan ni bin Laden upang labanan ang pananakop ng Sobyet sa Afghanistan ng taon 1988-1989, na binubuo ng mga rebeldeng Sunni-Muslim na gustong lumaya sa poder ng Komunista.  Nakilala rin ang grupo matapos akuin pag-atake sa World Trade Center ng New York noon Set. 11, 2001. #30

Ang Payaso

Minsan sa malayong bayan may napadpad na isang payaso. Sayang-saya ang payaso sa mga bata at araw-araw ay nagtatanghal sa plasa ng bayan.  Iba’t ibang mga kwento, awit, mahika at sayaw ang kanyang pinapalabas.

Nagbigay saya ang payaso ng saya sa mga bata at sa kalaunan, pati na ang mga matatanda. Sa bawat halakhak ng mga mamayan ng naturang bayan ay nagbibigay ng malaking kaginhawaan at kasiyahan sa kanilang puso.

Makalipas ng ilan buwan, nakarating ang balita sa pinuno ng bayan tungkol sa tanyag na payaso. Nakipagkita ito sa kanya at inalok na magtanghal sa kanyang tahanan at may kapalit na malaking halaga.

Tinanggihan ito ng payaso at sa halip niyaya niya ito na manood na lamang sa kanyang mga pagtatanghal sa plasa. Dahil sa tinuran ng payaso, sumama ang loob ng pinuno at binalaan na mag-ingat ang payaso.

Lingid sa kaalaman ng kararamihan, ang pinuno ng bayan ang may-ari ng perya at mga pasugalan sa kanilang lugar at balak sana nitong yayain ang payaso ng magtrabaho sa kanya.

Mula nang dumating ang payaso sa bayan, malaki na ang pinagbago ang mga mamayan dito. Sumigla sila at laging may ngiti sa kanilang mga labi. Gumanda rin ang kanilang pamumuhay at dumami ang kanilang mga ani.

Ang musika, tawanan at halaklakan ang naging dahilan nito. Lalo na sa pagdating ng gabi ng Sabado, lahat say nagtipun-tipon sa plasa upang panoorin ang pagtatanghal ng payaso. Hindi sila nagsasawa sa mga kwento, sayaw at kanta nito.

Dahil sa pagbabago, lalong nagalit ang pinuno, halos wala na kasi siyang parokyano sa kanyang perya. Nalugi ang kita nito at nabaon sa utang. Sa galit, personal niya itong pinuntahan ang payaso upang palayasin.

Hindi naman natakot payaso at nagpatuloy sa kanyang mga gawain. Bumalik muli ang pinuno na may dalang ginto at inalok ito, ngunit bigo parin na paalisin. Sukdulan na ang galit ng pinuno sa payaso, kaya inutusan niya ang mga tauhan na paslangin.

Hating-gabi ng Sabado ng matapos magtanghal ang payaso, pinuntahan siya ng mga tauhan ng pinuno at dinakip. Pinahirapan muna nila ang kawawang payaso at matapos saktan, kinaladkad siya sa isang puno at duon binitin ng patiwarik bago pinaslang.

Kinabukasan nalaman ng mga tao sa bayan ang nangyari sa payaso, kahit alam nila kung sino ang gumawa, nagmistula silang pipi at bingi na tila walang alam sa pangyayari.

Mula noon naging malungkot muli ang bayan, walang siglang magtrabaho ang mga mamayan at malungkot ang kanilang mga mukha. Bumagsak ang pamumuhay ng bayan. Naghirap ang mga tao at tila nawalan na ng pagasa.

Lumipas ang ilang mga araw, nagulat sila ng meron muling isang payaso ang nagtatanghal sa plasa. Bumalik ang payaso. Sigaw ng mga bata at dali-daling silang pumunta sa bayan.

Matapos magtanghal ang payaso, tinanong kung siya ang dating payaso. Laking gulat nila ng malaman ang naturang payaso ay taga-roon din sa kanila. Isang matapang na kababayan na nagbihis-payaso upang magtanghal at maibalik ang dating sigla ng kanilang bayan.

Aral: May kasabihan mas madaling magpaiyak ng isang tao dahil mas mahirap patawanin at pasayahin. Di ba masarap ang pakiramdam kung makapagpasaya ka ng mga tao dahil ang halakhak o tawanan ay mistulang isang awit na nagpapasigla ng buhay. #30

                                                                                                                       

Ang Tunay na Langit

Isang araw may lalaking kasama ang kanyang alagang aso ang naglalakad sa isang maluwag na daan. Namangha siya sa ganda ng tanawin na madadaanan at makalipas ng maraming oras may natanaw siyang malaking kastilyo.

Nakatayo ito sa taas ng burol, ang palasyo ay gawa sa makimtab na marmol, ang mga salamin ay tila mga diyamante, ang pintuan ay ginto, napakaluwag ang bakuran at ang hardin ay puno ng mga palamuti at mga luntiang puno. Isang kastilyo na para lang sa mga mayayaman\.

Dahil pagod sa kakalakad, naisipan ng lalaki na pumasok sa palasyo upang magpahinga, nang makalapit sa pintuan, nakita niya ang isang mamang nakabantay sa pasukan at nilapitan ito.

“Ano pong tawag sa lugar na ito?,” tanong ng lalaki. “Ito ay langit,” sagot ng bantay. “Talaga ho,” sabi ng di makapaniwalang lalaki. “Maari po bang makahingi ng tubig kasi po nauuhaw ako sa mahabang paglalakad,” pakiusap ng lalaki.

Pinaunlakan naman ng bantay, “Tuloy ka sa malaking pintuan at meron kaming tubig na napakasarap at kasing-lamig ng yelo’” Laking tuwa ng lalaki at nagmamadaling pumasok sa pintuan, ngunit napatigil nang maalala ang alagang aso.

Bumalik ang lalaki sa bantay at pinaki-usapan kung maaring isama ang alagang aso dahil pagod  rin ito at nauuhaw. Tumanggi ang bantay at nagpaliwanag na hindi puwede ang mga hayop sa loob. Nakiusap muli ang lalaki na kahit bigyan na lang sila ng tubig.

Sumagot ang bantay na baso lang ang meron, ngunit, walng inuman ng hayop. Laking dismaya ng lalaki at umalis na lang sa lugar, kasama ang kanyang alagang aso.

Muli nilang tinahak ang maluwag na daan na di alam kung saan ang patutunguhan. Makalipas ng ilang oras, ang kalsadang maganda ay unti-unting naging mabato at maputik at ilang sandali pa, may nakita siyang napaka-simpleng bukid na maraming puno, mga hayop at mga ibon.

Pinuntahan niya ang bukid at may nakita siyang malaking puno at sa ilalim nito ay isang matandang lalaki na may hawak na libro. Nilapitan ng lalaki ang matanda tinanong kung ano ang tawag sa lugar.  “Langit,” sagot ng matanda.

Muling nagtaka ang lalaki, ngunit pinabayaan lang niya ito, “ Maari po bang makainom ng tubig sa balon nyo.” Pinaunlakan ng matanda at sinabing pumasok na lang sila pintuan at may makikitang balon at ;pwedeng silang uminom doon.”

Nagpasalamat ang lalaki at tinanong kung pwedeng isama ang alagang aso ko sa loob. Ngumiti lang ang matanda at sinabing maari silang pumasok at pwede  rin uminom sa balon ang aso.

Laking tuwa ng lalaki at nagmamadali pumasok sa maliit na pintuan. Habang umiinom ng tubig, biglang pumasok sa isip ng lalaki na kamamatay lang pala niya sa isang malagim na aksidente at naalala niya kasama pala niya ang kanyang alagang aso na namatay rin.

Matapos silang uminom, nilapitan niya uli ang matandang lalaki, at muling nagtanong. “ Ano po ulit ang tawag nyo sa lugar na ito?” Sinagot uli ng matandang lalaki na ang lugar ay langit.

Naguluhan ang isip ng lalaki at sinabing bago narating nila ang lugar, may nadaanan silang malaking palasyo at sinabi rin sa kanya na langit din yon. Tumawa ang matandang lalaki at sinabing impyerno yun at sinasala ang mga taong papunta sa langit.

Gintong aral: Ang istorya ay sumalamin sa tunay na langit. Ang tunay na langit ay simple at hindi magara tulad ng nakikita sa mundo. Ang aso ay simbolo na kahit sino ay pwedeng makarating sa langit kung karapatdapat. #30

Planetang tulad ng mundo posibleng aabot ng milyon

WASHINGTON – Hindi lang daw ang mundo ang nag-iisang planetang may buhay sa buong sandaigdigan at maaring aabot daw ito ng milyon ang bilang na posibleng may mga nilalang pang nabubuhay, ayon sa pag-aaral ng ilang mga mananaliksik.

Sa lawak ng sangkalupaan at dami ng kalawakan, malaki ang tsansang mayroon din tulad ng Mundo, isang daigdig na hitik ang mga nabubuhay na organismo at ito ang naging palagay ni Professor Chandra Wickramasinghe, direktor ng Buckingham Center for Astrobiology of the University of Buckingham.

Mula sa teoryang Big Bang, maaaring umaabot ng 750 milyon planeta ang namuo ng buong sangkalupaan, kaya, malaki ang paniniwala ng mga dalubhasa na meron ibang mga nabubuhay na nilalang ang naninirahang milyun-milyong milya ang layo sa Mundo.

Ang patunay nilang kalawakan ay tugma sa Milky Way at ang mga planetang halos kasing-laki lamang ng Mundo, ang mga planetang naka-posisyon sa sariling daangtala, ito ang naging batayan ng mga mananaliksik na magpapatunay na meron ngang alyen.

Ayaw ngang gamitin ni Wickramasinghe ang salitang alyen, dahil buhay na organismo naman ang mga ito, bagamat ibang nilalang at nasa ibang kalawakan at may sarili pang buhay tulad ng tao.

Marami pang dapat na pag-aaralan ng mga tao, hindi sapat ang buhay natin upang malaman kung meron iba pang mga nilalang, ngunit, ang kalawakan natin ay di rnag-iisa at maraming katulad nito kayat naniniwala si Wickramasinghe na meron isang planetang milyun milyong milya ang layo sa mundo na meron rin nabubuhay tulad natin. #30

Ang Talinghaga ng Lapis

CANADA NEWS BITZ

Salpukan 2 eroplano 5 patay



SASKATCHEWAN – Limang katao ang nasawi matapos magbanggaana ng dalawang maliliit na eroplano sa himpapawid sa Saskatchewan kamakailan.

Nakumpirma ng mga imbestigador ang mga biktima ay nasawi sa mismo lugar kung saan bumagsak ang eroplano sa isang tubigan ng naturang probinsiya.

Napag-alaman rin na meron isang eroplano ang bumagsak sa Saskatoon, ngunit, bago pa man mangyari, na-iulat na may dalawang pang eroplano ang nawawala.

Ang isang eroplano ay ang Piper PA-28, at ang ruta nito ay Calgary papuntang St. Brieuz, dalawang lalaki at isang bata ang lulan nito.

Ang pangalawa naman ay isang Lake Buccaneer amphibious plane na may sakay na isang lalaki at babae na may biaheng Regina papuntang La Ronge.

Patuloy parin ang imbestigasyon ang sanhi ng pagbagsak ng dalawang eroplano at hindi pa matukoy kung bakit nagsalpukan ang mga ito sa himpapawid .#30




‘Volunteers’ kailangan sa paglilinis ng mga pampang ng Vancouver

VANCOUVER - Magsasanib ang Vancouver Aquarium at World Wild Life Fund upang kumuha ng mga boluntaryo na tutulong sa paglilinis ng mga kalat na naiwan ng tsunami sa mga pampang ng British Columbia. mula sa bansang Hapon.

Natatandaan noong Marso 2011 nagkaroon ng malakas na lindol sa Hapon at nagdulot ng malakas na tsunami na umabot hanggang Canada, maraming dumi ang nagkalat sa mga pampang ng BC at nais itong linisin ng World Wild Life Fund at Vancouver Aquarium.

Pagtutulungan linisin ng mga volunteers ang mga nagkalat na bote, plastik, sirang mga gamit at dumi na dulot ng tsunami.

Ang mga gustong maging boluntaaryo ay pwedeng bisitahin ang www.shorelinecleanup.ca kung interesadong sumali sa adhikain ng dalawang grupo. #30



‘Video cam’ makakatulong laban sa mga pasaway na drayber

NOVA SCOTIA – May nakakaibang opisyo si Chris Osborne, isang truck driver, na nilagyan ng bidyo kamera ang salamin ng kanyang sasakyan upang makunan ang mga sasakyan na bumubuntot sa kanya.

Naisipan ni Osborne na maglagay ng bidyo kamera sa kanyang sasakyan upang makuhanan ang mga sasakyan na lumalabag sa batas, mga likuan, sobrang bilis o beating the red light at inilalagay sa youtube.

Minsan ay isinusumbong pa sa mga otoridad ang mga sasakyan na lumabag sa batas ng trapiko, at mismo siya ang tatayong testigo ng mga bidyong nakuhanan at lahat ng mga kaso ay naipanalo niya.

Apat na ang naipapakulong ni Osborne dahil sa kanyang bidyo kamera, pinapayuhan niya ang lahat ng mga brayber na maging maingat at sumunod sa batas-trapiko. #30

Bagong balangkas na istraktura ng sandatahan ng Canada inihayag

Malaking pagbabago ang buong istraktura ng buong sandatahan ng Canada upang makatipid sa pondo, ito ang ipinahayag ng pamahalaan kamakailan.

Nais ng pamahalaan na lahat ng hanay ng Hukbong Sandatahan ng Canada ay pagsasamahin na at ilalagay sa iisang pamamahala sa ilalim ng Canadian Joint Operation Command (CJOC).

Inaasahan na malaki ang matitipid na pera kung ilalagay sa CJOC ang buong sandatahan ng Canada upang maalagaan mabuti ang mga pananalapi nito.

Tinatayang aabot ng 25% ang mababawas sa gastusin ng sandatahan ng Canada sakaling ilalagay ito sa ilalim ng CJOC ang command.

Si Peter MacKay, ministro ng Kagawaran ng Taggulan, ang magiging lieutenant-general ng mamumuno ang buong sandatahan ng Canada. #30

Suspek sa ‘moke bomibing’ sa Motreal kinasuhan na

MONTREAL – Isang lalaki at tastlong babae ang sinampahan ng kasong terorismo dahil sa ‘smoke bombing’ ng Montreal Metro kamakailan.

Kinilala ang mga suspek na sina Francois-Vivier Gagnon, Genevieve Valilancourt, Vanessa L’ Ecuyer at Roxanne Belisle, na mismong sumuko sa mga otoridad.

Kamakailan, nagkaroon ng biglaang ebakwasyon sng daan sa ilalim ng lupa ng Montreal (Lionel-Groulx metro station) dahil sa isang mapinsanlang usok na pansamantalang nagpatigil sa mga ng tren at libu-libong pananakay ay apektado.

Bukod sa kasong terorismo, haharapin din nila ang kason consfiracy and mischief.

Nadiskubre rin na si Gagnon ay naharap ng ng kasong possession of prohibited weapon dahil sa nakuhanan siyang may dalang kutsilyo. Pinaghahanp ng pulisya ang apat na suspek dahil nakuhan sila ng bidyo sa aktong magpapasabog ng “smoke bomb.” #30

Mga benepisyong idudulot ng Facebook

Ang Facebook, ay isang “social networking website” na naimbento noong Peb. 4, 2004. Libreng website sa mga taong naghahanap ng kaibigan, nakikipagtalastasan sa mga kaibigan o mga kaklase, ginagamit na rin sa pakikipagkalakal at maraming pang iba.

Ngayon, nasa ika-walong taon na ang Facebook at ayon sa datos, halos aabot ng 794,564,900 milyon ang mga tumatangkilik nito. Ang kalahati ay aktibong gumgamit ng online. Ating itong bubusisiin ang mga kabutihang maaring idudulot ng Facebook.

Una: Ang Facebook ay isang “social software,” kaya nauso sa mga estudyante at mga bata. Ang mga mag-aaral ay kayang makipag-ugnayan sinuman basta miembro ito sa Facebook. Binansagan itong malayang pagpapahayag, dahil walang itong batas upang kontrolin ipinapahayag, kaya, pwedeng sabihin ang nais na iparating.

Pangalawa: Sa Facebook, malayang makapamili kung ano ang gustong ibahagi sa iba, kung sino ang gustong kaibiganin, kung saan grupo gustong sumali o di kaya umalis.

Pangatlo: Ang mga kliente at gumagamit ng Facebook ay kayang magkaroon ng grupong talakayan. Pwede nilang pag-usapan ang kahit na anong isyu. Ang mga grupong ng talakayan ay nagpapatatag sa isang asosasyon, kumpanya o magkakaiban kinabibilangan.

Pangapat: Sa mga estudyante, ang Facebook ay bahagi na ng kanilang buhay, tulad ng cellphone, na tila hindi matatapos ang araw hanggat di makagamit. Ganito rin ang Facebook, kailangan lang magkaroon ng responsibilidad bago gumamit ng Facebook upang matunghayan ang pinakabagong pinag-uusapan.

Panglima: Sa mga negosyante, sa pamamagitan ng Facebook, pwedeng magbenta ng kahit na anumang bagay na libreng i-anunsiyo. Mga kalakaran ng mga iba’t ibang kumpanya na i-anunsiyo ng kanilang mga produkto, at kung may nagbebenta sigurado meron rin mamimili. Tulad ng mga “online shop” na Bestbuy at EBAY.

Panganim: Bukod sa pakikipagtalastasan, marami rin gamit ang nakukuha sa Facebook, pwedeng rin kumuha ng mga litrato at mga bidyo. Pwede rin gumawa ng blog at ibahagi sa iba. Meron din ibang gamit tulad ng twitter, yahoo at mga online games.

Pangpito: At ang kahanga-hanga ay maaring mag-Facebook sa cellphone, uso ngayon ang mga cellphone ang pwedeng mag-Internet. Tulad ng blackberry, iphone o android cellphone. Lahat ito ay pwede makunekta sa Internet. Sa pamamagitan lang pag-log pwede ng mag-Facebook.

Ngunit, sa bandang huli, maraming magagandang bagay ang naibibigay ng Facebook o kahit anumang “social networking website,” ngunit, ang pinamahalagang tuntunin ay isipin muna bago gumamit o “Think Before You Click” at ang sobrang paggamit dahil anuman sobra ito ay masama. #30

Pinoy magaling magsalita ng Ingles

Nangunguna ang bansang Pilipinas sa mga pinakamagaling magsalita ng Ingles sa larangan ng negosyo, ayon sa isingawang pag-aaral ng GlobalEnglish Corp. kamakailan.

Base sa pag-aaral, naungusan ng Pilipinas ang India, Norway at Canada, sa larangan ng :business English proficiency,” na kung titignan ang ibang bansa ang wikang Ingles ang pangunahin dyalekto.

Ayon pa sa pag-aaral, ang nakakaibang punto ng pagsasalita ng Ingles ng mga Pinoy, kaya nito gayahin punto ng punto ng mga Amerikano, punto ng mga Ingles at punto ng taga-Europa, kayat, maraming kumpanya ang kinukuhang mga Pinoy bilang “call center agent.”

Batay sa datos ng GlobalEnglish Corp, ang India, na binansagan na sentro ng “call center” sa buong daigdig ay naunahan na ng Pilipinas, pang-walo lang ang India sa “business English proficiency.”

Kasalukuyan, biglang lumobo ang bilang ng mga nagtatrabaho sa mga call center employee sa Pilipinas, at halos umabot na ng 400,000, at 50,000 lamang natin kontra sa India.

Ayon sa GlobalEnglish, ang kaalaman ng wikang Ingles ng mga Pinoy ay nababagay sa buong daigdig at muntikan pa nitong talunin ang Estados Unidos.

Ang nakuhang puntos ng Pilipinas ay nasasalamin sa magandang takbo ng ekonomiya at pakikipagkalakal nito sa buong mundo.

Ang sampung pinakamagaling sa Business English Proficiency ay Pilipinas -- 7.11; Norway -- 6.54; Estonia -- 6.45; Serbia -- 6.38; Slovenia-- 6.19; Australia; Malaysia; India; Lituania at Singapore. #30

Pagmimina sa kalawakan pinag-aaralan

Masusing pinag-aaralan na ngayon ng mga siyentipiko ngayon kung maari magmina sa mga naglalakihang mga asteroid sa kalawakan Nagpadala ng mga sasakyang robot sa kalawakan upang magmina sa mga asteroid at pagkakitaan ito ang balak ng Planetary Resources Inc, isang bagong tayong kumpanya sa Amerika. Ayon sa mga dalubhasa, binabalutan ng mga mineral na platinum at ginto ang mga asteroid, nais gamitin ng Planetary Resources Inc. ang minerals nito. Malaking palaisipan parin sa mga siyentipiko kung paano ma makuha ang mga minerals ng asteroid, mas malaki pa ang pagsubok paano marating ng mga asteroid sa kalawakan dahil sa layo nito sa mundo. Ngunit, kahit gaano kahirap, desidido ang sina Eric Anderson at Peter Diamandis, mga nagtatag ng Planetray Resources Inc, upang maglagak ng puhunan sa mga asteroid. #30

Text may magandang idudulot

Mula sa isang pag-aaral ng mga dalubhasa, nakakabobo daw ang pag-tetext dahil sa mga pinaiksing mga salita o maling ispeling, meron din naman daw magandang idudulot ang teksting.

Batay sa masusing pag-aaral na isinagawa ng Simon Fraser University, Universite de Montreal at University of Ottawa, na pinamagatang Text4Science Project, kabilang na sa sining ang pagtetext dahil nagiging malikhain o creative ang isang tao sa paggawa ng text messages.

Sa panahon ito, nais ng karamihan tao ang mabilis, kaya, pati ang pagbibigay mensahe ay pinaiksi na rin upang lalong mas mabilis ang paghahatid.

Kung natatandaan, nauso ang mga palahudyatan o codes noong unang mga panahon, upang mapaikli, mapabilis ang paghahatid o maitago ang isang mensahe, ayon kay Christian Guilbault, propesor ng Simon Frazer Univ.

Ang pinaiksing GTG ( Good to go), LOL (Laughing out loud) o BRB (be right back) ay hindi na bago dahil noon unang panahon, ang salitang “later” na panaikli ng “l8r” o “wait” sa w8 na parang stenography.

Hindi maging madali paikliin ang isang mensahe, dito masusubukan kung gaano malikhain ang isang tao, sa 160 characters ng isang pangkaraniwang cellphone kailangan mapaikli ang paggawa ng mga mensahe dito.

Ngunit lahat ng sobra ay masama at ang paggamit ng “shortcut terms” sa mga lenguahe ay dapat sipatin ng mabuti. Okay lang gamiting ang shortcut term ngunit kung sumobra magiging masama, dagdag ni Guilbault. #30