Ang negosyante at mga asawa

Noong unang panahon may isang napakayaman na negosyante na meron apat na asawa. Ang kanyang pinakamamahal ay ang pang-apat na asawa dahil lagi niyang hinahandugan ng regalo at kayamanan. Alagang-alaga niya ang pang-apat na asawa at halos lahat na oras ay iginugol dito.

Mahal din ng negosyante ang pangatlong asawa. Dahil sa ganda, lagi niya itong pinagyayabang at pinagmamalaki sa kanyang mga kaibigan at mga kaanak. Ngunit, sa ganda niya pinangangambahan lagi ng mangangalakal na maaagaw at sasama sa ibang lalaki.

Mahal din ng negosyante ang pangalawang asawa, mabait, pasensiyosa at mapagkakatiwalaan. Kung meron problema siya lagi niya itong tinatakbuhan upang humingi ng tulong at ni minsan hindi tumanggi.

Ngunit ang una nitong asawa, kahit na siya ang humahalili sa kanyang mga trabaho, nag-aalaga ng bahay at kanyang mga anak. Hindi gaanong binibigyan ng halaga ng negosyante, kahit tapat ang pagmamahal ito sa kanya.

Dumating ang panahon na nagkasakit at malapit ng mamatay ang negosyante. Dahil alam niyang malapit na niyang kunin ng kamatayan. Ipinatawag nito ang pang-apat niyang asawa.

Suyo niya sa kanyang pang-apat na asawa. “Mahal na mahal kita, binihisan, hinandugan ng mga regalo at inalagaan. Ngunit, ngayon malapit na akong mamatay. Nais ko sana sinta na sumama ka sa akin hanggang kamatayan. Sagot ng pang-apat na asawa.”Hindi maari,” umalis ito at di nagsalita. Nasaktan ang negosyante at nalungkot.

Ipinatawag naman nito ang pangatlong asawa. “Irog, mahal na mahal kita, malapit na akong pumanaw sa mundong ito. Hiling ko sana na samahan mo ako na umalis sa mundong ito. Sinagot ito ng pangatlong asawa, “Ayoko, di ako aalis sa mundong ito, maganda ang buhay ko dito. May magmamahal pa sa akin at mag-aasawa uli ako.” Halos madurog ang puso ng negosyante.

Pinapunta naman ng negosyante ang kanyang pangatlong asawa. “Mahal, malapit na akong mamaalam sa buhay na ito, nais ko sanang kasama kita sa pagpunta ko sa kabilang buhay, lagi kang nandiyan kung may problema ako at nais ko sanang samahan mo ako sa kabilang buhay.” Umiyak at lumuhod ang pangatlong asawa. “Patawarin mo ako mahal ngunit hindi maari, may mga anak tayo na hindi ko puwedeng iwanan, hanggang burol lang kita masasamahan. Nalungkot at umiiyak ang negosyante.

Nang sumapit ang kamatayan ng negosyante. May bumulong sa kanyang tenga. “Hinding-hindi kita iiwan hanggang kamatayan, sasamahan kita hanggang sa kabilang buhay. Nang masilayan niya kung sino ang bumulong. Nagulat siya dahil ang kaharap ay ang kanyang unang asawa.

Ang kanyang unang asawa, payat na payat, naghihingalo na rin dahil matandang-matanda na rin. Niyakap ng negosyante ito at nagsalita, “ Sana inalagaan kita ng mabuti noong una pa.”
Gintong Aral: Lahat tayo ay may apat na asawa sa buhay. Ang pang-apat na asawa ay sumisimbolo ng atin katawan. Kahit anong oras at tiyagang aalagaan ang ating katawan. Mabubulok pa rin pag tayo’y namatay.

Ang pangatlong asawa ay ang ating mga kagamitan, katayuan at kayamanan. Kung tayo masawi, mapapasakamay ito ng iba.

Ang pangalawang asawa ay ang mga kaibigan, kasama at kapamilya. Kahit gaano ka kamahal ng mga ito hindi sila maaring sumama hanggang sa kabilang buhay dahil mayroon din silang sariling buhay.

Ngunit, ang unang asawa ay ang ating kaluluwa, na simula pa ng isilang tayo sa mundong ito nandiyan na at kahit na mamatay tayo hindi aalis sa atin dahil kabahagi na ito ng buhay natin.

Kung kayat dapat palusugin na ang ating kaluluwa dahil ito ang magiging sandigan natin sa ating pupuntahan kung tayo aalis na sa mundong ito. #33#

Kwento ng mga gamit ng karpintero

Isang araw nagpulong ang mga gamit ng karpintero, Si Martilyo (hammer) ang namuno, ang mga kasama niya ay nais siyang paalisin dahil napakaingay daw siya kung magtrabaho.

Dinepensahan ng Martilyo ang kanyang sarili. “Kung aalis ako dapat si Barena (gimlet) din aalis dahil wala naman siyang gaanong pakinabang sapagkat pambutas lang siya ni Amo,” paliwanag ni Martilyo.

Sumagot si Barena, “Tanggap ko aalis ako ngunit kailangan rin umalis ni Birador (screwdriver) dahil kailangan paikutin siya ng paikutin upang mapakinabangan.”

Binalingan naman ni Birador ang ibang mga kasama, “Kung nais niyo akong paalisin, si Katam (plane) ay kailangan din mawala dahil ang trabaho niya maghugis lang ng mga bagay.”

Sagot naman ni Katam, “Kung mawawala ako dapat din mawala si Lagare (Saw) dahil lagi si nakakaputol ng gamit.”

Nagalit si Lagare, “E paano naman si Ruler (reglador) walang ginawa kundi sukatin ang kahit anuman mga bagay.”

Sinilip naman ni Ruler si Papel de Liha (sandpaper), “Ganun ba kailangan din umalis si Papel de Liha dahil wala siyang ginawa kung di lihain ang anumang bagay.”

Naputol ang pagtatalo ng mga gamit ng dumating ang kanilang Amo. Ang Karpintero ay may ginagawang upuan kinuha niya sina Martilyo, Barena at Lagare. Ginamit rin niya sina Katam, Birador, Ruler at Papel de Liha. Lahat sila ay ginamit ng Amo at binigyan ng kahalagahan ang bawat isa upang makabuo ng isang bagay at makapagtrabaho.

Gintong Aral: Lahat tayo ay may kanya-kanyang katangian. Walang sinumang tao ang nabubuhay na walang kwenta. Dahil lahat tayo ay ipinanganak sa may mukha at mula sa Diyos, kayat lahat tayo ay magkakaibang mga katangian na kailangan ipagpasalamat sa Diyos. #33

Spy Bird

Isang robotic na ibon na kargado ng mga makabagong kagamitan pang-ispiya ng tao o isang lugar, ang nagawa ng mga inhinyero sa AeroVironment, isang kumpanya na gumagawa ng mga eroplanong pangespiya sa San Diego California .

Sa unang tingin, tila isang Hummingbird ang lumilipad at humuhuni, ngunit hindi alam na minamatyagan nap ala ang bawat galaw o kilos ng isang tao, ani ni Matt Keennon, senior project engineer ng AeroVironment.

Ang “spy bird” na di pa pinangalan hanggang ngayon ay isang uri ng eroplanong pangespiya na may katangian tulad ng isang ibong, may sukat lang na 6.5 pulgada ang pakpak, kayang lumipad sa bilis na 11 mph, at humuni tulad ng isang hummingbird.

Pinagkaiba lang ng Spy bird sa ibon ay “remote control” ito at meron maliit na camera sa kanyang mata na nakakabit sa laptop ng taong kumokontrol upang irekord ang lahat nn mga nakikita nito.

Malaki ang tulong ng spy bird sa paghahanap ng mga kuta ng kriminal o mga nawawalang tao sa mga gubat kung kayat patuloy na inaayosng mabuti ng AeroVironment ang kanilang imbensyon na ito, dagdag pa ni Keennon. #33

Installing Love On The Human Computer

From a good friend of mine

As I was busy trying to explain what 'limiting beliefs' were to a friend, my phone went dead. Hmmm... stranger things happened to me, I thought. SHE was the one who asked ME the question, so I know she didn’t hang up. As I tried to rationalize, I made myself a tea and went to the phone. It was still dead. Puzzled, I tried the next mode of communication. The computer!

I first had to check my incoming before I could send her an email. I waited. There were 9 emails. This message was contained within the first email. A message part of 'The Belief Buster Mini Course Program'. Coincidence? Nah! I believe things happen for a reason. So I emailed it to her.

This is what I read. I'll share it with you...

Tech Support: Yes, how can I help you?

Customer: Well, after much consideration, I've decided to install Love. Can you guide me through the process?

Tech Support: Yes. I can help you. Are you ready to proceed?

Customer: Well, I'm not very technical, but I think I'm ready. What do I do first?

Tech Support: The first step is to open your Heart. Have you located your Heart?

Customer: Yes, but there are several other programs running now. Is it okay to install Love while they are running?

Tech Support: What programs are running?

Customer: Let's see, I have Past Hurt, Low Self-Esteem, Grudge and Resentment running right now.

Tech Support: No problem, Love will gradually erase Past Hurt from your current operating system. It may remain in your permanent memory but it will no longer disrupt other programs. Love will eventually override Low Self-Esteem with a module of its own called High Self-Esteem. However, you’ll have to completely turn off Grudge and Resentment. Those programs prevent Love from being properly installed. Can you turn those off?

Customer: I don't know how to turn them off. Can you tell me how?

Tech Support: With pleasure. Go to your start menu and invoke Forgiveness. Do this as many times as necessary until Grudge and Resentment have been completely erased.

Customer: Okay, done! Love has started installing itself. Is that normal?

Tech Support: Yes, but remember you have only the base program. You need to begin connecting to other Hearts in order to get the upgrades.

Customer: Oops! I have an error message already. It says, "Error - Program not run on external components." What should I do?

Tech Support: Don't worry. It means the Love program is set up to run on Internal Hearts, but has not yet been run on your Heart. In non-technical terms, it simply means you have to Love yourself before you can Love others.

Customer: So, what should I do?

Tech Support: Pull down Self-Acceptance; then click on the following files: Forgive-Self; Realize Your Worth; and Acknowledge Your Limitations.

Customer: Okay, done.

Tech Support: Now, copy them to the "My Heart" directory. The system will overwrite any conflicting files and begin patching faulty programming. Also, you need to delete Self-Criticism from all directories and empty your Recycle Bin to ensure it’s completely gone and never comes back.

Customer: Got it. Hey! My heart is filling up with new files. Smile is playing on my monitor and Peace and Contentment are copying themselves all over My Heart. Is this normal?

Tech Support: Sometimes. For others it takes awhile, but eventually everything gets it at the proper time. So Love is installed and running. One more thing before we hang up. Love is Freeware. Be sure to give it and its various modules to everyone you meet. They will in turn share it with others and return some cool modules back to you.

Customer: Thank you.

God/Tech Support: You're Most Welcome.
- Anonymous

Funny thing happened. The phone rang almost immediately. It was my friend. She explained she dropped the phone and it went dead. Then she too, went to computer to email me. And got distracted by my email to her.

"Now I understand completely what you meant by 'limiting beliefs,'" she said. "Thank you!"

...I smiled. I knew she NOW knew what I meant. Yes, things DO happen for a reason.

Always Expect Miracles!

Tono ng boses malalaman kung tapat ang minamahal

Sa pamamagitan lang ng tono ng pananalita, malalaman na kung ang inyong asawa, kasintahan o mahal sa buhay ay tapat ang pagmamahal sa iyo, batay sa resulta ng isang pag-aaral ng mga scientist sa Canada..

Sa tono ng pananalita, malalaman na raw kung niloloko ko mo ang isang tao o tapat ang iyong pag-ibig, dahil sadyang mapang-akit na tono ng boses at malaking tsansa na maari mong lokohin, ayon kay Jillian O’ Connor, pangunahin researcher sa pag-aaral at nagtapos ng Nueroscience & Behavior sa McMaster University.

Ang isang tao na balak manloko babae man ito o lalaki, ay babaguhin ang kanyang tono ng pananalita upang makaakit ng mabibiktima.

Nalalaman ito sa boses, tono, arte at sa pananalita ng isang tao, kung ano tamis ng pananalita kasing tulis ring itong makapangloko ng isang tao, base sa pagaaral.

Lumabas sa survey na isanagawa, ang mga taong may magandang pananalita o mapang-akit na boses ay mga sinungaling at manloloko.

Gayunman, hindi pa naman ganap ang pag-aaral at nasa tao pa rin ang pagpili ng kanyang mamahalin dahil nasa pakiramdaman ito. #30#

‘Laser surgery’ gagawin

Balak gawin ng mga researcher sa Fraunhofer Institute for Production Technology (IPT) ang isang laser na pang-oopera at may kakayahang daigin ang mga unang kagamitan sa medisina na ginagamit ng mga doctor sa operasyon



Ang laser na ito ang magtatangal sa kadalasan inooperahan na mga sakit sa katawan na karaniwan ginagamit ay gunting o matalim na rasor o mga makina nang panghiwa o pangbutas, ayon kay Adrian Schitte, pangunahing mananaliksik sa Laser Sugery project ng IPT.



Hinango ang laser na tulad sa welding. Ang laser surgery ay gawa ng isang bagay na tinatawag na Trocar. Kasingliit lamang ng isang karayom, kaya’t kayang kontrolin ang lalabas na laser kung gagamitin.



Pinong-pino ang pagkagawa ng laser, gamit lamang ay “laser beam” na kayang hiwain at butasan ang anumang parte ng katawan ng tao. Hindi lang ibasta hiwa o butas, nababagay rin ang laser beam sa katawan ng tao, ani ni Schitte.



Mura pa ang materyales nito at abot kaya ang mga parte. Ang tanging magagastos lang ng laser beam kung gagamitin.

Kaya ng laser beam ang iksaktong hiwa o butas di-tulad ng mga pangkaraniwan ginagamit ng mga doktor na kailangan pa ang masusing pag-iingat. Sa laser surgery, perpekto ang paggamit at maliit lamang ang tsansang magkamali dahil isang laser beam lang ang kinokontrol.



Sa ngayon, masusi pang pinag-aaralan ang laser surgery sa laboratoryo, kung magagamit na sa mga operating room at sa larangan ng medisina, makakatulong ito sa mga pasyenteng kapos sa salapi, dagdag pa ni Schitte. #30#

Ang Binhi

Sa isang malayong kaharian may isang mayamang hari ang nagpasyang pumili nang papalit sa kanyang trono. Hindi pinili ng hari ang kanyang mga anak na kadugo. Balak kasi ng hari ay maghirang ng isang taong may taglay na kakaibang katangian upang pamunuan ang kanyang kaharian.



Nagdaos ang hari ng isang paligsahan at inanyayahang lahat ng mga mayayaman, mga sikat at mga may gustong mamuno sa kanyang kaharian. Dumalo naman ang mga nais na hawakan ang trono at palasyo ng hari.



Matapos mapuno ang palasyo ng mga dumalo, nagsalita ang hari at inutusan sa kanyang mga kawal. “Bigyan ng tig-iisang BINHI ang mga kasali sa paligsahan.” Lahat ng mga gustong sumali ay nakatanggap ng tig-iisang BINHI. “Itanim nyo ang BINHI at bumalik kayo sa akin makalipas ang isang taon. Huhusgahan ko ang mga halaman na napalaki niyo at saka ako pipili ng karapat-dapat na mamuno sa aking kaharian.



Kabilang dito ay si Juan na isang hamak na karpintero. Matapos matanggap ang BINHI ay nagmamadaling umuwi at nagpatulong sa kanyang asawa na itanim ang BINHI upang ito’y madaling lumaki.



Walang ginawa si Juan kundi diligan at alagaan ang itinanim na BINHI araw-araw. Ngunit makalipas ng anim na buwan laking pagtataka kung bakit walang tumutubong kahit isang hibla ng halaman.



Lalo pang nalungkot si Juan nang makita ang mga tumubong halaman na itinanim na BINHI ng mga kasama sa paligsahan dahil hitik sa bulaklak sa kanilang mga pananim. Lahat ng mga kasali ay nakapagpatubo ng magagandang at naglalakihan mga puno at halaman, maliban lang kay Juan.



Dumating ang araw na kailangan ng ipakita ng mga kalahok ang mga tumubong BINHI upang itoy mahusgahan ng hari. Ang balak ni Juan ay wag na lang magpakita sa hari dahil nahihiya sa kanyang BINHI na hindi tumubo.



Pinayuhan naman si Juan ng kanyang asawa na magpunta at maging tapat sa Hari. Ipakita ang BINHI kahit ito’y patay ang basta tanggapin ang kanyang pagkatalo, maging matapang at maging tapat siya sa hari.



Kahit labag sa kalooban ni Juan ay nagpunta siya sa palasyo. Dala-dala ang walang buhay na BINHI. Inisip na lang niya ang sinabi ng kanyang asawa na maging tapat sa hari.



Sa palasyo tinignan ng Hari ang lahat ng mga halaman na puno ng bulaklak na dinala ng mga kalahok. Masusi nitong tinitignan ang mga resulta ng mga tumubong BINHI.



Nang makita ng hari ang BINHI ni Juan, agad-agad na ipinatawag si Juan upang pumunta sa kanyang harapan. Hindi alam ang gagawin ni Juan dahil siya lang ang may patay na BINHI at ang akala paparusahan siya. Nagpunta si Juan sa harap ng hari na nakayuko.



“Ipinapakilala ko sa inyo ang susunod na hari sa inyong kaharian,” sigaw ng hari. Laking gulat ni Juan at mas lalong nagtaka ang mga kalahok ng paligsahan.



May sumigaw “Bakit si Juan ang nanalo e hindi naman niya napatubo ang kanyang BINHI.”



“Oo nga bakit si Juan ang inyong pinili mahal na hari,” sabi rin ng iba.



Tumayo ang Hari at pinahinto ang ingay. “Nang bigyan ko kayo ng BINHI, sinabi ko sa inyo na diligan ninyo ito, alagaan at ibigay makalipas ang isang taon. Ngunit alam nyo ba ang binigay ko ay mga patay na BINHI. Ang mga pinakita nyo sa akin na halaman, bulaklak at puno ay mga huwad. Pinalitan nyo ang mga ibinigay kong mga BINHI, ngunit si Juan lamang ang naging tapat at naglakas na loob na diligan at alagaan ang tunay kong ibinagay na BINHI. Kung kaya si Juan ang susunod hahalili sa aking puwesto.” #30#



Aral: Kung ang iyong itinanim ay ang pagiging tapat, ang aanihin tiwala. Kung ang iyong itinanim ay kabutihan, ang iyong aanihin kagandahan asal. Kung ano ang iyong itinanim yun rin ang aanihin. #30#