Wednesday, May 30, 2012
Ang Talinghaga ng Lapis
Isang araw isang lalaking dalubhasang gumawa ng lapis ang naisipan lumikha ng limang iba’t ibang klase ng lapis.
Ang Unang lapis niyang ginawa ay napakaganda, pino ang hawakan at tila isang makinang na ginto at napakalinaw ang sulat nito. Ang Pangalawang lapis na kanyang ginawa ay may kakaibang katangian, meron itong pambura sa kabilang dulo.
Ang Pangatlo naman ay pangkaraniwan lang, ngunit maganda rin ang panulat nito, matingkad ang itim at magandang pangmarka kahit anong mga bagay. Ang Pang-apat ay medyo manipis ang panulat at madaling mabali, ngunit, madaling tasahan.
Sa Panglima lapis na ginawa ay medyo hindi kagandahan. Bukod na minadali ito, simpleng kahoy lang ang ginamit sa katawan at hindi pa tasado.
Pagkatapos mayari ang limang lapis agad ibinenta sa tindahan. Ang Unang lapis ang agad na nabili, dahil sa gandang taglay. Ang nakabili nito ay ginawang regalo. Subalit, dahil sa sobrang ganda nanghinayang gamitin nang pinagbigyan hanggang nabulok.
Ang Pangalawang lapis ay napunta sa isang pintor, malaking tulong ang naibigay ng lapis sa pintor dahil tuwing nagkakamali sa pagguhit, nabubura niya ito at nababago hanggang naging mahusay na pintor.
Ang Ikatlong lapis ay napasakamay naman sa isang karpintero, naging matibay lahat ang bahay na kanyang ginawa dahil sa pagmamarka at malaking rin naitulong nito sa pagpaplano nang pagtatayo ng bahay.
Ang Pang-apat na lapis ay napunta sa isang estudyante, sa nipis ng panulat nito lagi itong napuputol o minsan hindi pa malinaw ang marka nito. Ngunit, hindi tumigil ang estudyante at lagi nitong tinatasahan hanggang magkaroon ng magandang panulat.
Ang Panglimang lapis na lang ang hindi nabili dahil hindi kagandahan ito. Itatapon na sana ang lapis nang makita nya ang isang batang pulubi na nakatingin sa kanyang tindahan. Nilapitan ang bata at tinanong bakit nakatingin ito sa tindahan. Sagot ng ng bata, mag-aaral na sana siya sa darating na pasukan ngunit wala siyang panulat. Naantig sa bata at binigay itong ng walang bayad.
Makalipas ng ilang taon may bisita ng gumagawa ng lapis, ang pulubing batang binigyan niya ng lapis. Kwento ng bata bagamat pangit ang lapis na ibinigay niya, ang panulat naman nito ay ubod ng ganda. Tumagal ang lapis sa kanya hanggang siya maging manunulat. Tinanong kung ano ang isinulat niya na gamit ay ang lapis at ang kanyang sagot ay Bibliya.
Aral: Ang limang lapis ay tugma rin sa buhay ng isang tao.
Ang Unang lapis ay sumasalamin, kahit ng anong ganda at galing mo kung wala ka naman pananampalataya sa Diyos, para kang ligaw na bata. Ang ibig sabihin naman ng Pangalawang lapis ay kahit anong pagkakamali na nagawa mo ay kaya mo itong burahin upang mabago.
Ang Pangatlong lapis ay sumalamin sa marka mo sa ibang tao at kung ito nagampanan mo ang tungkulin mo sa iba. Ang Pang-apat na lapis ay tungkol sa buhay ng tao, lahat ng paghihirap ay hangganan, ang mga problema at pagsubok ang tumatasa sa upang maging isang ganap na tao.
Ang Panglima ang pinakamahalaga sa buhay na ito, kung ano ang na sa loob mo ay ito ay nasa puso mo. Ito ay magandang halimbawa ng isang tao na tapat sa kanyang sarili, sa iba at sa Diyos. Walang bahid na dumi at purong puro ang ganda ng kalooban. #30
Saturday, May 19, 2012
CANADA NEWS BITZ
Salpukan 2 eroplano 5 patay
SASKATCHEWAN – Limang katao ang nasawi matapos magbanggaana ng dalawang maliliit na eroplano sa himpapawid sa Saskatchewan kamakailan.
Nakumpirma ng mga imbestigador ang mga biktima ay nasawi sa mismo lugar kung saan bumagsak ang eroplano sa isang tubigan ng naturang probinsiya.
Napag-alaman rin na meron isang eroplano ang bumagsak sa Saskatoon, ngunit, bago pa man mangyari, na-iulat na may dalawang pang eroplano ang nawawala.
Ang isang eroplano ay ang Piper PA-28, at ang ruta nito ay Calgary papuntang St. Brieuz, dalawang lalaki at isang bata ang lulan nito.
Ang pangalawa naman ay isang Lake Buccaneer amphibious plane na may sakay na isang lalaki at babae na may biaheng Regina papuntang La Ronge.
Patuloy parin ang imbestigasyon ang sanhi ng pagbagsak ng dalawang eroplano at hindi pa matukoy kung bakit nagsalpukan ang mga ito sa himpapawid .#30
‘Volunteers’ kailangan sa paglilinis ng mga pampang ng Vancouver
VANCOUVER - Magsasanib ang Vancouver Aquarium at World Wild Life Fund upang kumuha ng mga boluntaryo na tutulong sa paglilinis ng mga kalat na naiwan ng tsunami sa mga pampang ng British Columbia. mula sa bansang Hapon.
Natatandaan noong Marso 2011 nagkaroon ng malakas na lindol sa Hapon at nagdulot ng malakas na tsunami na umabot hanggang Canada, maraming dumi ang nagkalat sa mga pampang ng BC at nais itong linisin ng World Wild Life Fund at Vancouver Aquarium.
Pagtutulungan linisin ng mga volunteers ang mga nagkalat na bote, plastik, sirang mga gamit at dumi na dulot ng tsunami.
Ang mga gustong maging boluntaaryo ay pwedeng bisitahin ang www.shorelinecleanup.ca kung interesadong sumali sa adhikain ng dalawang grupo. #30
‘Video cam’ makakatulong laban sa mga pasaway na drayber
NOVA SCOTIA – May nakakaibang opisyo si Chris Osborne, isang truck driver, na nilagyan ng bidyo kamera ang salamin ng kanyang sasakyan upang makunan ang mga sasakyan na bumubuntot sa kanya.
Naisipan ni Osborne na maglagay ng bidyo kamera sa kanyang sasakyan upang makuhanan ang mga sasakyan na lumalabag sa batas, mga likuan, sobrang bilis o beating the red light at inilalagay sa youtube.
Minsan ay isinusumbong pa sa mga otoridad ang mga sasakyan na lumabag sa batas ng trapiko, at mismo siya ang tatayong testigo ng mga bidyong nakuhanan at lahat ng mga kaso ay naipanalo niya.
Apat na ang naipapakulong ni Osborne dahil sa kanyang bidyo kamera, pinapayuhan niya ang lahat ng mga brayber na maging maingat at sumunod sa batas-trapiko. #30
Bagong balangkas na istraktura ng sandatahan ng Canada inihayag
Malaking pagbabago ang buong istraktura ng buong sandatahan ng Canada upang makatipid sa pondo, ito ang ipinahayag ng pamahalaan kamakailan.
Nais ng pamahalaan na lahat ng hanay ng Hukbong Sandatahan ng Canada ay pagsasamahin na at ilalagay sa iisang pamamahala sa ilalim ng Canadian Joint Operation Command (CJOC).
Inaasahan na malaki ang matitipid na pera kung ilalagay sa CJOC ang buong sandatahan ng Canada upang maalagaan mabuti ang mga pananalapi nito.
Tinatayang aabot ng 25% ang mababawas sa gastusin ng sandatahan ng Canada sakaling ilalagay ito sa ilalim ng CJOC ang command.
Si Peter MacKay, ministro ng Kagawaran ng Taggulan, ang magiging lieutenant-general ng mamumuno ang buong sandatahan ng Canada. #30
Suspek sa ‘moke bomibing’ sa Motreal kinasuhan na
MONTREAL – Isang lalaki at tastlong babae ang sinampahan ng kasong terorismo dahil sa ‘smoke bombing’ ng Montreal Metro kamakailan.
Kinilala ang mga suspek na sina Francois-Vivier Gagnon, Genevieve Valilancourt, Vanessa L’ Ecuyer at Roxanne Belisle, na mismong sumuko sa mga otoridad.
Kamakailan, nagkaroon ng biglaang ebakwasyon sng daan sa ilalim ng lupa ng Montreal (Lionel-Groulx metro station) dahil sa isang mapinsanlang usok na pansamantalang nagpatigil sa mga ng tren at libu-libong pananakay ay apektado.
Bukod sa kasong terorismo, haharapin din nila ang kason consfiracy and mischief.
Nadiskubre rin na si Gagnon ay naharap ng ng kasong possession of prohibited weapon dahil sa nakuhanan siyang may dalang kutsilyo. Pinaghahanp ng pulisya ang apat na suspek dahil nakuhan sila ng bidyo sa aktong magpapasabog ng “smoke bomb.” #30
Sunday, May 13, 2012
Mga benepisyong idudulot ng Facebook
Ang Facebook, ay isang “social networking website” na naimbento noong Peb. 4, 2004. Libreng website sa mga taong naghahanap ng kaibigan, nakikipagtalastasan sa mga kaibigan o mga kaklase, ginagamit na rin sa pakikipagkalakal at maraming pang iba.
Ngayon, nasa ika-walong taon na ang Facebook at ayon sa datos, halos aabot ng 794,564,900 milyon ang mga tumatangkilik nito. Ang kalahati ay aktibong gumgamit ng online. Ating itong bubusisiin ang mga kabutihang maaring idudulot ng Facebook.
Una: Ang Facebook ay isang “social software,” kaya nauso sa mga estudyante at mga bata. Ang mga mag-aaral ay kayang makipag-ugnayan sinuman basta miembro ito sa Facebook. Binansagan itong malayang pagpapahayag, dahil walang itong batas upang kontrolin ipinapahayag, kaya, pwedeng sabihin ang nais na iparating.
Pangalawa: Sa Facebook, malayang makapamili kung ano ang gustong ibahagi sa iba, kung sino ang gustong kaibiganin, kung saan grupo gustong sumali o di kaya umalis.
Pangatlo: Ang mga kliente at gumagamit ng Facebook ay kayang magkaroon ng grupong talakayan. Pwede nilang pag-usapan ang kahit na anong isyu. Ang mga grupong ng talakayan ay nagpapatatag sa isang asosasyon, kumpanya o magkakaiban kinabibilangan.
Pangapat: Sa mga estudyante, ang Facebook ay bahagi na ng kanilang buhay, tulad ng cellphone, na tila hindi matatapos ang araw hanggat di makagamit. Ganito rin ang Facebook, kailangan lang magkaroon ng responsibilidad bago gumamit ng Facebook upang matunghayan ang pinakabagong pinag-uusapan.
Panglima: Sa mga negosyante, sa pamamagitan ng Facebook, pwedeng magbenta ng kahit na anumang bagay na libreng i-anunsiyo. Mga kalakaran ng mga iba’t ibang kumpanya na i-anunsiyo ng kanilang mga produkto, at kung may nagbebenta sigurado meron rin mamimili. Tulad ng mga “online shop” na Bestbuy at EBAY.
Panganim: Bukod sa pakikipagtalastasan, marami rin gamit ang nakukuha sa Facebook, pwedeng rin kumuha ng mga litrato at mga bidyo. Pwede rin gumawa ng blog at ibahagi sa iba. Meron din ibang gamit tulad ng twitter, yahoo at mga online games.
Pangpito: At ang kahanga-hanga ay maaring mag-Facebook sa cellphone, uso ngayon ang mga cellphone ang pwedeng mag-Internet. Tulad ng blackberry, iphone o android cellphone. Lahat ito ay pwede makunekta sa Internet. Sa pamamagitan lang pag-log pwede ng mag-Facebook.
Ngunit, sa bandang huli, maraming magagandang bagay ang naibibigay ng Facebook o kahit anumang “social networking website,” ngunit, ang pinamahalagang tuntunin ay isipin muna bago gumamit o “Think Before You Click” at ang sobrang paggamit dahil anuman sobra ito ay masama. #30
Sunday, April 29, 2012
Pinoy magaling magsalita ng Ingles
Nangunguna ang bansang Pilipinas sa mga pinakamagaling magsalita ng Ingles sa larangan ng negosyo, ayon sa isingawang pag-aaral ng GlobalEnglish Corp. kamakailan.
Base sa pag-aaral, naungusan ng Pilipinas ang India, Norway at Canada, sa larangan ng :business English proficiency,” na kung titignan ang ibang bansa ang wikang Ingles ang pangunahin dyalekto.
Ayon pa sa pag-aaral, ang nakakaibang punto ng pagsasalita ng Ingles ng mga Pinoy, kaya nito gayahin punto ng punto ng mga Amerikano, punto ng mga Ingles at punto ng taga-Europa, kayat, maraming kumpanya ang kinukuhang mga Pinoy bilang “call center agent.”
Batay sa datos ng GlobalEnglish Corp, ang India, na binansagan na sentro ng “call center” sa buong daigdig ay naunahan na ng Pilipinas, pang-walo lang ang India sa “business English proficiency.”
Kasalukuyan, biglang lumobo ang bilang ng mga nagtatrabaho sa mga call center employee sa Pilipinas, at halos umabot na ng 400,000, at 50,000 lamang natin kontra sa India.
Ayon sa GlobalEnglish, ang kaalaman ng wikang Ingles ng mga Pinoy ay nababagay sa buong daigdig at muntikan pa nitong talunin ang Estados Unidos.
Ang nakuhang puntos ng Pilipinas ay nasasalamin sa magandang takbo ng ekonomiya at pakikipagkalakal nito sa buong mundo.
Ang sampung pinakamagaling sa Business English Proficiency ay Pilipinas -- 7.11; Norway -- 6.54; Estonia -- 6.45; Serbia -- 6.38; Slovenia-- 6.19; Australia; Malaysia; India; Lituania at Singapore. #30
Pagmimina sa kalawakan pinag-aaralan
Masusing pinag-aaralan na ngayon ng mga siyentipiko ngayon kung maari magmina sa mga naglalakihang mga asteroid sa kalawakan
Nagpadala ng mga sasakyang robot sa kalawakan upang magmina sa mga asteroid at pagkakitaan ito ang balak ng Planetary Resources Inc, isang bagong tayong kumpanya sa Amerika.
Ayon sa mga dalubhasa, binabalutan ng mga mineral na platinum at ginto ang mga asteroid, nais gamitin ng Planetary Resources Inc. ang minerals nito.
Malaking palaisipan parin sa mga siyentipiko kung paano ma makuha ang mga minerals ng asteroid, mas malaki pa ang pagsubok paano marating ng mga asteroid sa kalawakan dahil sa layo nito sa mundo.
Ngunit, kahit gaano kahirap, desidido ang sina Eric Anderson at Peter Diamandis, mga nagtatag ng Planetray Resources Inc, upang maglagak ng puhunan sa mga asteroid. #30
Sunday, April 15, 2012
Text may magandang idudulot
Mula sa isang pag-aaral ng mga dalubhasa, nakakabobo daw ang pag-tetext dahil sa mga pinaiksing mga salita o maling ispeling, meron din naman daw magandang idudulot ang teksting.
Batay sa masusing pag-aaral na isinagawa ng Simon Fraser University, Universite de Montreal at University of Ottawa, na pinamagatang Text4Science Project, kabilang na sa sining ang pagtetext dahil nagiging malikhain o creative ang isang tao sa paggawa ng text messages.
Sa panahon ito, nais ng karamihan tao ang mabilis, kaya, pati ang pagbibigay mensahe ay pinaiksi na rin upang lalong mas mabilis ang paghahatid.
Kung natatandaan, nauso ang mga palahudyatan o codes noong unang mga panahon, upang mapaikli, mapabilis ang paghahatid o maitago ang isang mensahe, ayon kay Christian Guilbault, propesor ng Simon Frazer Univ.
Ang pinaiksing GTG ( Good to go), LOL (Laughing out loud) o BRB (be right back) ay hindi na bago dahil noon unang panahon, ang salitang “later” na panaikli ng “l8r” o “wait” sa w8 na parang stenography.
Hindi maging madali paikliin ang isang mensahe, dito masusubukan kung gaano malikhain ang isang tao, sa 160 characters ng isang pangkaraniwang cellphone kailangan mapaikli ang paggawa ng mga mensahe dito.
Ngunit lahat ng sobra ay masama at ang paggamit ng “shortcut terms” sa mga lenguahe ay dapat sipatin ng mabuti. Okay lang gamiting ang shortcut term ngunit kung sumobra magiging masama, dagdag ni Guilbault. #30
Saturday, July 16, 2011
Epektibong anti-HIV drugs sinusuri sa Canada
Posible ng magkaroon ng gamot para sa sakit na HIV, dahil sa Anti-HIV drugs na masusi ng pinag-aaralan ng mananaliksik sa British Columbia .
Ang pinag-aaralan ay hindi isang contraceptive kundi kombinasyon ng antiviral drugs na kilala na tinawag na Active Anti-retroviral Therapy (AART) at mabisang panlaban ng HIV upang di mahawaan at nakagagamot din ito, ayon kay Dr. Julio Montaner ng British Columbia Medical Centre.
Bagamat hindi pa nasusubukan, ang plano nila Dr. Montaner na gawin anti-HIV drugs upang makontrol ang lalong pagkalat ng sakit na AIDS.
Imbes na gamot, isang droga ang magpapataas sa resistensya ng tao upang malabanan ang virus ng HIV, kaya’t pursigido ang grupo ni Dr. Montaner na tuklasin ang solusyon bilang isang anti-HIV drugs.
Ngunit, ayon kay Dr. Montainer, prevention is better than cure, kaya kung meron pangontra sa HIV masusugpo ang sakit na AIDS. #30#
Subscribe to:
Posts (Atom)