Ang Ama at Anak

Meron isang mayaman na matanda na mahilig mangolekta ng mga mamahalin gawa ng mga sikat pintor, tulad ng Picasso, Van Gogh, Monet at Da Vinci. Kasama ng kanyang kaisaisahang anak ay sinusuyod nila ang sulok ng mundo upang makakuha ng mga magagandang obra.

Dumating ang digmaan at ang bansa ng matanda ay  nangailangan ng dagdag na sundalo, napasama ang kanyang anak sa isang hukbo. Lumipas ang mga buwan nabalitaan ng kanyang matanda na nawawala ang kanyang anak. Hanggang sa matangap niya ang telegrama na kumukumpirma na nasawi ang kanyang anak sa paliligtas ng isang kasama. Dinibdib ito ng matanda, nalungkot at halos nawalan na ng pagasa sa kanyang sarili.

Lumipas ang mga araw dumating ang Pasko,  tila buhay na patay ang matanda nagluluksa parin sa pagkawala ng kanyang anak, may di inaasahang bisita ang matanda.  Isang sundalo nagpakilalang  na matalik na kaibigan ng kanyan anak at  isa sa nailigtas ng kanyang anak.

Kinuwento ng sundalo kung paano ito nasagip ng kanyang anak, laking supresa ng matanda ng malaman hindi lang siya ang nailigtas nito , maraming sundalo rin ang humanga sa kagitingan ng kanyang anak.

Napasaya nito ang matanda, ang hagugol ay napalitan ng masasayang mga tawanan dahil naikuwento ng sundalo kung paano nabuhay ang kanyang anak at lahat ng maliligayang araw nito sa kasama ang hukbo.

Nang paalis na ang sundalo nagiwan ito ng isang obra, mahilig palang magpinta ito, at ang iginuhit niya ang kaiisaisahang anak ng matanda. Napaluha sa kasiyahan ang matanda ito ang pinakamagandang regalo na natanggap niya sa Paskong ito.

Lumipas ang ilang  buwan nasawi ang matanda at naiwan ang buntol-buntol na kayamanan, ang huling ng matanda ay ipasubasta ang mga sikat at  mamahaling mga obra.  

Sa subastahan ang unang isinalang ang larawan ng anak ng matanda, sinimulan ito sa $100 na halaga,ngunit walang may gusto ng obrang ito, mas inaabangan nila ang ibang obra, ang mga sikat na gawa ng mga kilalang pintor.

Umalma ang mga tao doon dahil sa wala naman may gustong bumili ng larawan ng anak ng matanda, ang pakay nila ang mga sikat na obra. Meron ng nagaalburuto at meron rin sumisigaw na itapon na lang larawan.

Hindi naman natinag ang mga tagapamahala at sa dahil ito ay isa sa huling kahilingan ng matanda nagpatuloy ang subasta.

Hanggang sa tumayo ang isang lalaki at nagalok ng $10, nagpakilala itong matalik na kaibigan ng matanda at nagtanong kung pede ganon kaliit na halaga ang ibayad, paliwang ng ito lang ang pera niyang dala.

Tinanggap ito ng mga tagapamahala at binigay ito sa lalaki, pagkatapos maibigay ay tinapos na ang subastahan.

Laking gulat ng mga tao na natapos agad ang subastahan kahit marami obra ang hindi nailalabas. Nagalit ang mga taong dumalo, pinahinto naman ito ng tagapamahala ang sinabi niya na ito ang huling habilin ng matanda. Kung sino man ang kumuha ng Anak ay ang makakamit ng lahat ng kayaman niya.

Gintong aral: Ang kuwento nito ay sumasalamin kung gaano kamahal ng isang Magulang ang kanyang anak.  Ang pagmamahal ng Ama sa Anak. Ang Anak ibinagay ang buhay para sa iba. Ang Pagmamahal ng Ama na kung sino man ang tumanggap sa Anak ay makukuha ang lahat. #30

Ang Matandang Karpintero

The House Carpenter by Clarence "Tom" Ashley  

Noong unang panahon, may isang matandang karpintero ang nais ng magretiro sa kanyang trabaho. Ipinarating niya sa kanyang mabait na amo na balak na niyang tumigil sa paggawa ng mga bahay, at nais mamuhay ng tahimik na kasama ang kanyang pamilya.

Labis na nanghinayang ang kanyang amo at nalungkot dahil ang matandang karpintrro ang pinakamagaling na aluwage sa lahat ng kanyang mga tauhan.  Sa huling pagkakataon, nakiusap ito kung maari pa siyang ipagtayo ng isa pang bahay.

Dahil matagal na ngang amo, pumayag naman ang matandang karpintero, ngunit, lingid sa kaalaman ng kanyang amo, may namuong galit sa loob ng karpintero, dahil hindi pa siya pinagbigyang sa kanyang kahilingan.

Nang mag-umpisang magtrabaho ang matandang karpintero, matamlay itong hinarap ang kanyang trabaho at tipong walang ganang gumawa ng bahay.

Kaya, ang mga napiling ng matandang karpinterong mga materyales ay hindi matibay, mahina ang mga pundasyon ang ginawa, manipis na bubong ang inilagay at halatadong minamadali ang paggawa ng bahay.

Maaga naman natapos naman ng matandang karpintero ang bahay. Pinuntahan niya ang kanyang amo upang kunin ang kanyang sahod at makapagpaalam na rin. Ngunit, laking gulat ng karpintero, dahil sa halip na pera, susi ang ibinigay sa kanya ng amo.

Ang bahay pala na ipinatayo ng amo ay regalo sa matandang karpintero. Dahil sa tagal ng serbisyong ibinigay sa amo, ibinigay ito sa kanya bilang pasasalamat dahil sa nakakaibang-talento taglay niya bilang aluwage.

Nagulat at malaking hinayang ng matandang karpintero. Kung alam lang niya na para sa kanya ang ipinatayong bahay, dapat pinag-ibayo niya ang pagtatayo at paggawa at pinatibay ang bahay at hindi binalasubas.

Tulad din natin ang karpintero, sumasalamin sa buhay ng isang tao, bawat-araw, bawat-oras o bawat-minuto, hinuhubog natin ang ating sariling bahay. Pinupukpok ng martilyo, pinapalakas ang pundasyon, pinapatibay ang bubungan dahil tayo ang umuukit sa sarili natin buhay.

Samakatuwid, ang buhay natin ay ang resulta sa mga naging desisyon at kilos natin sa mga nakalipas na panahon. Tayo mismo ang gumagawa ng sarili nating kapalaran. #30#

Ang Patibong

Sa isang malayong bukid, habang gumagawa ang mag-asawang magsasaka ng mga patibong para sa mga daga, di-kalayuan sa maliit na butas may isang bubuwit na tahimik nakamasid sa kanila.

Matagal nang sinisira ng mga daga ang mga pananim ng mag-asawa, halos malugi na ang sakahan nila, kaya, di na sila nakapagtimpi at gumawa ng mga patibong upang puksain ang mga daga.

Walang malay ang mag-asawang magsasaka na nakita pala sila ng bubuwit at mabilis na pumunta ito sa ibang bahagi ng bukid upang ipaalam sa mga ibang hayop na naroroon tungkol sa inilagay na patibong.

Nagsumbong ang bubuwit sa inahing manok, wala naman maibigay na tulong ito dahil ang pagkaalam niya, ito ay ginawa ng kanyang amo upang puksain ang mga daga, kaya, sinabi nito sa bubuwit na hindi niya ito matutulungan.

Sumunod naman na pinuntahan ng bubuwit ang  kulungan ng mga baboy upang humingi ng tulong. Tulad ng manok, wala rin maitutulong ang mga baboy at nangako na lang sila na ipagdarasal na lang nila ang mga daga.

Ang huling pinuntahan ng bubuwit ay ang baka, nagmakaawa itong humingi ng tulong, ngunit, hindi ito pinansin n, bagkus, itinaboy ang bubuwit at ipinagmalaki na hindi siya tatablan ng patibong.

Umuwing malungkot ang bubuwit at binalaan na lang ang mga kasamahan-daga na umiwas sa mga patibong na inilagay ng magsasaka.

Isang gabi, nagising ang asawa ng magsasaka dahil sa isang malakas na ingay na galing sa patibong. Tinignan niya ito at nakitang may nahulog sa patibong. Lumapit upang itapon ang akala niyang daga, ngunit, isa pala itong makamandag na ahas at tinuklaw ang kanyang paa.

Mabilis na isinugod ang asawa ng magsasaka ito sa ospital upang gamutin at hindi nagtagal, gumaling din ito, ngunit, nagkaroon ng isang matinding karamdaman ang babae.

Ang lalaki ay pumunta sa kanyang bukid at kinatay ang manok upang iluto para sa kanyang nanghihinang asawa. Makalipas ang ilang araw lumalala ang kondisyon nito. Dahil sa sobrang lungkot, pinuntahan niya ng kanyang mga matalik na kaibigan.

Kinatay ng magsasaka ang kanyang alagang baboy upang gawin handa sa kanyang mga kaibigan. Hindi nagtagal, nasawi rin ang kanyang asawa at dumagsa ang maraming tao upang makiramay. Kinatay ang kanyang baka upang gawing handa sa mga nakiramay.

Aral: Huwag balewalain ang isang taong humihingi ng tulong at laging tandaan kung may problema sa isang bahay lahat ay damay. #30

Planetang parang Mundo abot-kamay lang

CAPE CANAVERAL, Fla. – Ang mga planetang kahalintulad ng Mundo ay maaring malapit lang sa atin at mas marami ito higit sa ating alam.

Thirteen light-years o katumbas ng 77 trilyon milya ang layo ng isang planetang katulad sa ating Mundo, batay ito sa pag-aaral ng mga astronomo ng Harvard-Smithsonian Center for Astrophysics.

Kung papaliitin ang buong Milky Way Galaxy at gawing kasinglaki lamang ng US, ang magiging distansya lang ng Mundo sa planeta ay halos kasinghaba lang ng New York’s Central Park, ani ni Courtney Dressing, ng Pamantasan ng Harvard.

Napakalapit lang nito sa Mundo at kung tutuusin kaya itong lakbayin ang mga nilalang nakatira duon at maari nila tayong puntahan, dagdag pa ni Dressing.

Ang ating solar system ay 4.5 bilyon taon na ang edad. Samantala ang iba ay may 12 bilyon taon na, kaya, malaki ang posibilidad mayroon planeta katulad sa ating daigdig. #30

ANG ALAMAT NG HAGDAN-HAGDANG PALAYAN -Ang Hagdan ni Bathala

Kuha ni Jonathan Velasco

Noong unang panahon, ang mga naninirahan sa mga bulubundukin ng Pilipinas ay biniyayaan ng masaganang buhay ni Bathala. Ngunit, lumipas ng maraming taon, unti-unting nakalimot ang mga tao at linapastangan ang kanyang mga linikha.

Nagtampo si Bathala sa mga tao, makalipas ng ilang taon di nakatiis at nagalit. Lumapit ito kay Kabunian, isang anitong nakatira sa bulubundukin at inutusan parusahan niya ang mga tao. Ngunit, tumanggi si Kabunian at nagmakaawa siya na bigyan pa ang mga tao ng pagkakataon.

Naawa ang Bathala dahil minamahal ni Kabunian ang mga taga-lupa at sinabihan si Kabunian na maghanap ito na isang tao na may mabuting puso at may takot sa diyos upang di niya lilipulin ang sangkatauhan. Malugod na tinanggap ni Kabunian ang hamon ng Bathala.

Nagtungo si Kabunian sa isang mag-asawang nakatira sa Bundok Pulog, pinakamataas na bundok sa buong lupalop. Si Wigan ay isang mabait na magsasaka, kasama niya ang asawang si  Bugan. Di sila nasisilaw sa kayamanan at piniling mabuhay ng tahimik sa paanan ng bundok.

Kuha ni James Bertuso

Nagpakita si Kabunian kay Wigan, ipinaalam nito na galit si Bathala sa mga tao at sinabihan umakyat sa Bundok Pulog upang mag-alay kay Bathala. Nag-isip si Wigan kung paano niya akyatin ang matarik na bundok dahil wala pang taong nakagawa nito.    

Habang nag-iisip si Wigan, napansin niya ang hagdanan ng kanilang balay patungo sa tuktok ng kanilang bubungan. Gumawa ng plano si Wigan upang makabuo ng pormang hagdanan paakyat ng bundok at linakihan ito para naman kay Kabunian.

Nawawalan na ng pasensiya si Bathala sa mga tao at binalaan niya si Kabunian. Muling nagmakaawa si Kabunian na bigyan pa siya ng kaunting panahon. Makalipas ng ilang taon, habang gumagawa ni Wigan ng hagdan sa bundok, biglang nagkaroon ng digmaan sa lupa.

Nagalit si Bathala at linipol niya ang sangkatauhan sa pamamagitan ng malaking baha.Kahit patuloy ang malakas na buhos na ulan, patuloy pa rin si Wigan na gumawa ng hagdan. Dahil sobrang taas ang bundok, hindi pa inabot ito ng tubig

Sa wakas, inabot ni Wigan ang tuktok ng bundok at agad na nagsindi ng apoy upang mag-alay kay Bathala. Nagmakaawa si Wigan na tigilan na ang baha. Pinakinggan siya ng Bathala at nagpakita siya kay Wigan at sinabing bigyan pa niya ang sangkatauhan ng isa pang tsansa.

Kuha ni Loraine Ricaborda

Dahil dito, katuwang na ni Wigan ang mga nakaligtas na tao upang gumawa pa ng maraming hagdan. Sa tulong na rin ni Kabunian, gumawa sila ng maraming hagdan at pagdaan ng maraming taon, tumubo ng mga palay at iba pang halaman upang may makain ng mga tao.

Dito nabuo ang mga Hagdan-Hagdan Palayan sa Mt Province. Hanggang ngayon, napanatili ng mga tao sa Ifugao ang ganda ng hagdan dahil sa pagmamahal sa Maykapal. Ayon sa iba, ginamit daw ni Bathala ang hagdan-hagdang palayan upang bumaba sa lupa at makihalubilo sa mga tao. #30

Kwento ni Erlinda Bot-og, 69-anyos na lola isang magsasaka at gabay ng mga turista sa Bomod -ok falls, Sagada, Mt Province.

Ang Buhay ay Parang Eko

Isang araw, naisipan ng isang matalinong guro na ipasyal ang kanyang mga estudyante sa bundok upang madagdagan ang kanilang kaalaman sa buhay. Habang paakyat sila sa bundok, isang bata ang aksidenteng natalisod at napahiyaw sa sakit.

Sa kanyang pagbagsak, napahiyaw ng “Aray ang sakit” at laking gulat niya ng may gumaya sa kanya sa direksyon ng bundok.

Palibhasa, makulit at pasaway sa kanilang klase, biglang nag-init ang kanyang ulo at mabilis na tumayo at sumigaw ng “Sino ka?” 

 

Sumagot din ito ng “Sino ka?”

Lalong nagalit ang estudyante at sumigaw ng “Duwag ka!” Tila hindi nagpatalo ang gumagaya kaya sumagot rin ng “Duwag ka.”

Umusok na ang ilong ng estudyante at hinanap ang gumagaya sa kanya at sumigaw uli ng “Masama ka.” Hindi nagpatalo ang kanina pang sumasagot ay sinagot rin ng “Masama ka.”

Pinatigil ng maestro ang estudyante na kanina pa itong minamasdan at sinabihan siyang tumigil. Tinanong naman ng mag-aaral kung sino yun.

Sinabi ng guro na makinig at humarap ito sa bundok at sinabihan na sumigaw ng “Patawad.” Nagulat ang estudyante nang sumigaw rin ang bahaging direksyon ng bundok ng “Patawad.”

Sunod na sinabi ng guro na sumigaw ang estudyante ng “Matapang ka.” “Matapang ka” sagot din ng bundok. Pinasigaw uli siya ng “Mabuti ka” at tulad ng dati ginaya ang sigaw ng pasaway na estudyante. 

Dahil dito, hinarap ng maestro ang kanyang mga estudyante at sinimulan mangaral. Ang tawag dito ay “alingawngaw o eko,” tinatawag rin itong buhay. Ang buhay natin ay sumasalamin anuman binibigay natin sa ating kapwa.

Kung gusto mo mahalin ka ng tao. Mahalin mo rin sila. Kung gusto mong respetuhin at intindihin. Dapat marunong ka rin rumespeto at umintidi sa kapwa.

Simpleng mensahe ang nais iparating ng alingawngaw. Babalik sa iyo anuman ibinato mo sa iyong kapwa. Kung ano ang ginawa mo yan din ang gagawin sa iyo. Ang buhay ay tulad ng eko. #30

Viagra nakapapayat

Kapag narinig ang gamot na viagra ay isa lang ang direksyon ng isip natin. Ito ay ginagamit ng mga may edad na upang gumagana ang kanilang pakikipagtalik.

Ang gamot na viagra ay para sa “erectile dystunction,” nagbibigay daw ito ng mabuting puting selula ng taba na pipigil sa mga masasamang selula ng taba na nagdudulot sa mga tao sobra ang taba.

Natuklasan ng mga mananaliksik ng University of Bonn, ang viagra ay may halong kimikal na pumupuksa ng mga selula ng taba na masama ating katawan.

Sa pag-aaral na ginawa ng mga dalubhasa sa isang daga, tumaas daw ang bilang ng puting selula ng taba nang painumin ng viagra at nakitaan ng unti-unting pagbawas ng timbang.

Hindi inaasahan ang epekto ng viagra na maglabas ng puting selula ng taba at ang mga selulang ito ay magiging “beige \fat cells,” sumusunog sa mga masamang selula ng taba na nagdudulot ng sobrang katabaan, ayon kay Dr. Alexander Pfeifer, direktor ng UB.

Wala pang ganap na pag-aaral ang mga mananaliksik tungkol sa “beige fat cells” na mula sa viagra, kaya, hindi pa sigurado kung epektibo nito.

Ang sildenafil citrate o viagra ay gamot laban sa erectile dysfunction at pulmonary arterial hypertension. Nagmula ito sa Britanya na pinasikat ng US noon 1998. #30

Kaunaunahan astronawtang Pinoy?

Matagal ng pangarap ng mga Pinoy na magkaroon na isang kalahing astronawta na  makarating sa labas ng kalawakan at mukhang matutupad na ito dahil sa isang American Space Travel Angency.

Ang Axe, kumpanyang gumagawa ng personal na pag-aalaga ng mga kalalakihan, katuwang ng Space XC, isang ahensiya para sa kalawakan na nakabase sa US ay balak na magpadala ng isang Filipino sa kalawakan.

Tinawag itong “Axe Apollo Space Academy” o AASA, na pipili ng isang Pinoy sa mga libu-libong kalahok,  subalit, kailangan dumaan ang sinuman nang iba’t ibang mga pagsubok at matitira ang matibay upang mapanalunan ang libreng sakay papuntang kalawakan.

Inaasahan tatagal ang pagsubok hanggang taon 2014, kailangan pa din magsanay at mapakondisyon ng sarili ang sinuman manalo dahil hindi biro ang maging isang astronawta.

Bukas sa mga lalaking ang edad ay 18 anyos ang AASA, bukod sa Pilipinas, 21 bansa ang maghahanap rin ng sarili nilang Axe astronaut. #30

Ang Dasal ng Kabayo

Sa malayong gubat, meron isang puting Kabayo na ubod ng ganda, araw-araw pinagmamasdan ang kanyang sarili sa malinaw na tubig. Hangang-hanga siya sa kanyang sarili dahil sa gandang na kanyang taglay.

Perpekto ang pagkalikha ng Diyos sa Kabayo, makintab na balahibo, kulay-bughaw ang mga mata at may napakaamong mukha. Ngunit, hindi pa rin siya kuntento sa kanyang angkin na ganda.

Minsan naisipan nitong kausapin ang Diyos,  “Ama na nasa Langit. Ang ibinagay mo sa akin na kagandahan ay lubos kong pinasasalamatan, ngunit, gusto ko sanang mas lalong gumanda pa na pinakamaganda sa lahat ng inyong nilikha.”

Pumayag naman ang Diyos, “ Ano ba gusto mong baguhin ko sa katawan mo upang lalong gumanda ka pa?”, tanong ng Panginoon

Laking tuwa ng kabayo dahil dininig ng Diyos ang kanyang panalangin, at agad itong humiling. “Gusto ko po sanang humaba ang leeg ko dahil maikli ito, ang katawan ko naman lalong gaganda kung papahabain mo pa ang mga paa ko at papayatin.”

Wala patumangging ipinagkaloob ng Diyos ang hiling ng Kabayo. Pinahaba nito ang kanyang leeg, kasama na ang kanyang paa na humaba at pumayat din.

Laking galak ng Kabayo, dali-dali itong pumunta sa lawa upang tignan ang sarili, subalit, halos hindi siya maniwala sa nakita niya .

Naging kamelyo na ang anyo ng Kabayo at nagsusumigaw ang Kabayo sa Diyos, bakit binago ang kanyang hugis. “O Diyos ko paumanhin, bakit pumangit ang itsura ko?”

Tinanong naman siya ng Diyos. “Di ba ito ang gusto mong mangyari maging isang kamelyo?”

 “D i ko po gustong maging kamelyo, gusto ko ang dati kong anyo na isang kabayo, walang magkakagusto sa aking kapag ako’y isang kamelyo, wala na akong silbi,” sagot ng kabayo.

Nagalit ang Diyos sa Kabayo, “ Lahat ng aking nilikha ay meron silbi, Di ba ito ang nais mo.  Huwag kang maghangad ng sobra dahil di ka nakuntento sa dati mong itsura. Oo nga’t mas maganda ka sa kamelyo, ngunit mas mabigat ang responsibilidad nito kaysa sa iyo na isang kabayo.” #30

Murang ‘cancer sensor’ naimbento ng 15-anyos

Isang mumurahin “cancer sensor” ang nalikha ng 15-anyos na estudyante pa lamang ng mataas na paaralan.

Nakuha ni Jack Andraka, isang estudyante ng Maryland, ang unang premyo bilang “grand winner” sa naganap na Intel International Science and Engineering, dahil sa naimbentong “paper sensor” na kayang tuklasin sa ang isang tao kung may sakit itong kanser.

Higit na mas mura at maganda ang kalidad, 90% ang ganap na kawastuhan, simpleng gamitin at mabilis malaman kung may sakit na kanser ang isang pasyente kumpara sa mga ibang uri ng “cancer sensor test.”

Ang “cancer sensor”ay yari sa papel. Isa itong dip-stick sensor at inilalagay sa dugo o ihi ng isang pasyente at ibabad. Ilan sandali puwede ng malaman kung positibo sa sakit na kan ser ang isang tao.

Nakukuha ng pirasong papel ang protina ng dugo at mag-iiba ng kulay at kakalat sa papel. Dito malalaman kung meron sakit na kanser ang isang pasyente

Nabigay inspirasyon kay Andraka ang kapatid ng kanyang mga kaibigan na namatay sa sakit na pancreatic cancer. Iginunugol niya ang maraming oras sa pananaliksik at pag-aaral hanggang makaisip siya ng paraan kung paano makagawa ng isang “dip-stick sensor.”

Mula pa pagkabata, nahilig na si Andraka sa siyensiya, meron din siyang naimbetong “dip stick sensor” na pwedeng tumuklas ng polusyon sa tubig. #30

Pag-Mina sa Kalawakan

Washington, USA - Pinagaaralan ng mga siyentipiko ngayon kung maari minahin ang mga naglalakihang mga asteroid.

Magpadala ng mga robot ships sa kalawakan upang magmina ng mga asteroid at

pagkakitaan, ito ang balak ng Planetary Resources Inc, isang bagong tayong kumpanya sa Amerika.

Ayon sa mga eksperto, binabalutan ng mga mineral na platinum at ginto ang isang asteroid, ito ang nais ng Planetary Resources Inc , ang magamit ang minerals nito.

Malaking palaisipan parin sa mga siyentipiko kung paano ma extract ang mga minerals  ng asteroid, at natinding pagsubok pa ang makakuha ng asteroid sa kalawakan dahil sa layo nito sa mundo.

Ngunit kahit gaano kahirap desidido ang sina Eric Anderson at Peter Diamandis founders ng Planetray Resources Inc, na mag invest sa mga asteroid. #30

Anak pinagkamalan unggoy binaril patay

NEPAL – Isang lalaking magsasaka ang aksidenteng nabaril ang sariling anak matapos pagkamalan unggoy na nagnanakaw sa kanyang mga pananim.

Dahil laging pineperwisyo ng mga unggoy ang mga pananim ni Gupta Bahadur, 55, kaya, napilitan bumili ng baril upang may pantaboy sa mga makukulit na matsing.

Kamakailan, muli na naman sinalakay ng mga unggoy ang mga pananim ng Bahadur. Dahil ayaw na niyang mapinsala pa ang kanyang mga pananim, hinabol niya ang mga ito na dala-dala ang kanyang riple.

Kasama ni Bahadur sa pagtaboy sa mga unggoy ay kanyang anak na si Chitra Bahadur Pulami, 12. Habang hinahabol niya ang mga unggoy ay binabaril niya ang mga ito at dito naisipan naman ng anak na umakyat sa isang puno upang tumulong itaboy ang mga unggoy.

Matapos maitaboy ni Bahadur ang grupo ng mga unggoy, bumalik ito sa kanyang sakahan. Ngunit, meron siyang napansin sa itaas ng puno na gumagalaw na bagay at inasinta niya nito ng kanyang riple sa pag-aakalang matsing at saka pinutukan.

Natuwa naman si Bahadur nang makita niyang nahulog ang binaril niyang bagay at saka nilapitan. Ngunit, laking gulat niya ng malaman anak niya pala ang binaril.

Dahil dito, mabilis na itinakbo ni Bahadur ang anak sa ospital dahil sa tama sa ulo. Ilang raw din nanatiling kritikal ang kundisyon ni Chitra sa pagamutan at sa kalaunan namatay rin ito.

Abot langit ang pagsisi ni Bahadur sa kanyang nagawa at agad na sumuko sa pulis na hanggang ngayon ay nasa kulugan pa rin at di makapaniwala sa nangyari. #30

Mamang kinagat ng ahas, sa kanyang paghiganti kinagat rin

KATHMANDU – Ngipin sa ngipin. Tila ito ang naging panuntunan sa buhya ng isang lalaking naghiganti sa ahas matapos tuklawin siya nito sa pamamagitan ng pagkagat din dito hanggang mamatay kamakailan.

Ito ang naging paliwanag ni Mohamed Salmo Miya, 55, mula sa Kathmandu, Nepal, matapos mapatay nito ang ahas na tumuklaw sa kanya sa kanilang tahanan ng nakaraan buwan.

Halos lagutan ng hininga si Miya matapos tuklawin ng ahas at hindi lang pangkaraniwan ahas ang kumagat sa kanya kundi isang makamandag na ulupong (cobra), ayon kay Niraj Shahi, opisyal ng pulisya sa Kathmandu.

Ang matinding kamandag ng naturang ulupong ang nagdulot kanya nang pagkaparalisa sa loob ng halos dalawang linggo at isang himala dahil nakaligtas.

Dahil sa pangyayari, mula ng gumaling si Miya, matiyaga na niyang hinanap ang ulupong na tumuklaw sa kanya. Ginalugad niya ang lahat na sulok ng kanilang bahay at hindi nagtagal nahanap naman niya.

Bago matuklaw ng ulupong si Miya, nagawa niyang sulyapan ang itsura ng ahas, kaya at nang mahanap niya ito sa likod na kanilang bahay, tugmang-tugma ang laki at kulay ng ahas na kumagat sa kanya.  

Sa galit ni Miya, mabilis na sinunggaban ang ulupong dahil walang makitang pamalo, subalit, nagpupumilit pumiglas ang ahas, at sa takot na tuklawin, napilitan niyang kagatin ang ulo ng ahas hanggang maputol at mamatay.

Sa takot baka malason ng kamandag ng ulupong, pumunta agad si Miya sa ospital upang magpasuri. Sa kabutihan-palad, wala naman nakitang kamandag at hindi naman siya kinasuhan ng mga otoridad sa pagpatay sa ahas dahil ito ay itinutirng itong “endagered species” sa Nepal.#30

Gregory Galgana Villar III:Isang Pinoy ang isa sa likod ng tagumpay ng ‘Curiosity’

Muling inilagay ang pangalan ng Pilipinas sa larangan ng siyensiya matapos magtagumpay ang Curiosity sa paglapag sa planetang Mars dahil may dugong Pinoy ang isa sa mga siyentipiko at inhinyero ng National Aeronautics and Space Administration na nasa likod ng tagumpay na misyon .

Ang tinutukoy ay si Gregory Galgana Villar III, 25, isang inhinyero ng NASA  na taga-California at tubong Baguio, kaisa-isang Pinoy na pinalad makasama sa misyon ng Mars Science Laboratory.

Matapos makumpirma ang paglapag ng Curiosity rover sa kalupaan ng Mars, nabunutan ng tinik ang mga nasa likod ng misyon at napalitan ng pananabik upang ipagpatuloy ang naturang  misyon at agad na umarangkada ang sasakyan sa kanyang pagsasaliksik.

Lumaki si Villar sa Long Beach, California, na pinalaki ng mga Filipinong magulang sa US. Nanirahan muna ng ilang taon sa Pilipinas at nag.aral sa St. Louis University Laboratory Highschool at bumalik sa US upang kumuha ng Physics sa California Polytechnic State University.

Mula sa pagkabata pangarap na ni Villar ang magtrabaho sa NASA, at nang bumalik sa Pilipinas, lalong nagkaroon ng interes na maging isang astronawt, dito nahubog ang pagkahilig niya sa Aerospace.

Si Eng. Gregory Villar III kuha sa NASA: Jet Propulsion Lab

Nagkaroon ng oportunidad si Villar nang mapili siyang maging iskolar ng NASA’s Motivating Undergraduates ng Science and Technology, at noong Hunyo 2010, natanggap siya bilang empleyado ng NASA.

Ang unang trabaho ni Villar ay guguhit ng mga modelo ng rover para sa hinaharap na misyon ng NASA, hanggang napabilang siya ng Science Planner ng Mars Science Laboratory. Ang gawain niya ay magsagawa ng mga pagsasanay ng mga astronawt kahit anuman misyon.

Laking tuwa ni Villar ng matagumpay lumapag ang Curiosity Rover sa Mars. Ipinagmamalaki niyang may dugo siyang Pilipino. Di pa rin niya makalimutan ang naging buhay sa bansang Pilipinas sa kanyang pagkabata.

Ang Nanay ni Villar ay mula Novaliches, Lungsod ng Quezon, samantala, ang kanyang tatay ay lumaki sa Lungsod ng Taguig. #30

US nababahala sa pagpapalakas ng pwersa ng Al-Qaeda

WASHINGTON – Nagpalabas ng babala ang Estados Unidos na muli na naman lumalawak ang galamay ng Al-Qaeda sa buong mundo at ngayon ang bagong target nilang isapi sa kanilang organisasyon ay mga taong mahihirap sa mahihinang  bansa.

Ayon sa US State Department, ang nasa likod diumano nito ay ang bansang Iran at ilang pang natitirang kaanib ng Al-Qaeda. Pinapalaganap nila ang paniniwala at kaisipan ng isang terorista at tinuturuan silang maging marahas at kasuklaman ang mga kumakalaban sa kanila.

Mula nang mapaslang si Osama bin Laden, lider ng Al-Qaeda, ng mga piling-tropa ng US noong Mayo 2011 sa Pakistan, ipinagpatuloy ng mga naiwan kasama ng napaslang na lider ang mga pagpaplano kung paano makaganti sa kanilang mga kaaway.

Ayon kay Daniel Benjamin, ng department of counterterrorism ng US, ang malinaw na halimbawa ay ang Iraq, kung saan, dumami daw ang mga sumapi sa Al-Queda at halos karamihan sa kanila ay mga Arabo at meron rin taga-Yemen na bahagi na ng Africa,.

Sobrang nakakabahala ito dahil tila madadagdagan ang pwersa ng Al-Qaeda at lalong lumalawak pa  ito na umabot na sa Africa at ilan mga bansa sa timog-silangan ng Asya.

Kasama  rin sa ulat ang mga datos noong 2012, matapos magkaroon ng 10,000 pag-atake ng mga terorista sa 70 bansa ng buong mundo at nag-iwan ng 12,500 taong namatay.  Mas mababa ito ng 12% kumpara ng datos ng taon 2010 at  29 % naman ng taon  2007.

Ang ibig sabihin ng Al-Qaeda sa salitang Arabo ay “Ang Pundasyon.” Itinatag ito sa ilalim ng pamunuan ni bin Laden upang labanan ang pananakop ng Sobyet sa Afghanistan ng taon 1988-1989, na binubuo ng mga rebeldeng Sunni-Muslim na gustong lumaya sa poder ng Komunista.  Nakilala rin ang grupo matapos akuin pag-atake sa World Trade Center ng New York noon Set. 11, 2001. #30

Ang Payaso

Minsan sa malayong bayan may napadpad na isang payaso. Sayang-saya ang payaso sa mga bata at araw-araw ay nagtatanghal sa plasa ng bayan.  Iba’t ibang mga kwento, awit, mahika at sayaw ang kanyang pinapalabas.

Nagbigay saya ang payaso ng saya sa mga bata at sa kalaunan, pati na ang mga matatanda. Sa bawat halakhak ng mga mamayan ng naturang bayan ay nagbibigay ng malaking kaginhawaan at kasiyahan sa kanilang puso.

Makalipas ng ilan buwan, nakarating ang balita sa pinuno ng bayan tungkol sa tanyag na payaso. Nakipagkita ito sa kanya at inalok na magtanghal sa kanyang tahanan at may kapalit na malaking halaga.

Tinanggihan ito ng payaso at sa halip niyaya niya ito na manood na lamang sa kanyang mga pagtatanghal sa plasa. Dahil sa tinuran ng payaso, sumama ang loob ng pinuno at binalaan na mag-ingat ang payaso.

Lingid sa kaalaman ng kararamihan, ang pinuno ng bayan ang may-ari ng perya at mga pasugalan sa kanilang lugar at balak sana nitong yayain ang payaso ng magtrabaho sa kanya.

Mula nang dumating ang payaso sa bayan, malaki na ang pinagbago ang mga mamayan dito. Sumigla sila at laging may ngiti sa kanilang mga labi. Gumanda rin ang kanilang pamumuhay at dumami ang kanilang mga ani.

Ang musika, tawanan at halaklakan ang naging dahilan nito. Lalo na sa pagdating ng gabi ng Sabado, lahat say nagtipun-tipon sa plasa upang panoorin ang pagtatanghal ng payaso. Hindi sila nagsasawa sa mga kwento, sayaw at kanta nito.

Dahil sa pagbabago, lalong nagalit ang pinuno, halos wala na kasi siyang parokyano sa kanyang perya. Nalugi ang kita nito at nabaon sa utang. Sa galit, personal niya itong pinuntahan ang payaso upang palayasin.

Hindi naman natakot payaso at nagpatuloy sa kanyang mga gawain. Bumalik muli ang pinuno na may dalang ginto at inalok ito, ngunit bigo parin na paalisin. Sukdulan na ang galit ng pinuno sa payaso, kaya inutusan niya ang mga tauhan na paslangin.

Hating-gabi ng Sabado ng matapos magtanghal ang payaso, pinuntahan siya ng mga tauhan ng pinuno at dinakip. Pinahirapan muna nila ang kawawang payaso at matapos saktan, kinaladkad siya sa isang puno at duon binitin ng patiwarik bago pinaslang.

Kinabukasan nalaman ng mga tao sa bayan ang nangyari sa payaso, kahit alam nila kung sino ang gumawa, nagmistula silang pipi at bingi na tila walang alam sa pangyayari.

Mula noon naging malungkot muli ang bayan, walang siglang magtrabaho ang mga mamayan at malungkot ang kanilang mga mukha. Bumagsak ang pamumuhay ng bayan. Naghirap ang mga tao at tila nawalan na ng pagasa.

Lumipas ang ilang mga araw, nagulat sila ng meron muling isang payaso ang nagtatanghal sa plasa. Bumalik ang payaso. Sigaw ng mga bata at dali-daling silang pumunta sa bayan.

Matapos magtanghal ang payaso, tinanong kung siya ang dating payaso. Laking gulat nila ng malaman ang naturang payaso ay taga-roon din sa kanila. Isang matapang na kababayan na nagbihis-payaso upang magtanghal at maibalik ang dating sigla ng kanilang bayan.

Aral: May kasabihan mas madaling magpaiyak ng isang tao dahil mas mahirap patawanin at pasayahin. Di ba masarap ang pakiramdam kung makapagpasaya ka ng mga tao dahil ang halakhak o tawanan ay mistulang isang awit na nagpapasigla ng buhay. #30

                                                                                                                       

Ang Tunay na Langit

Isang araw may lalaking kasama ang kanyang alagang aso ang naglalakad sa isang maluwag na daan. Namangha siya sa ganda ng tanawin na madadaanan at makalipas ng maraming oras may natanaw siyang malaking kastilyo.

Nakatayo ito sa taas ng burol, ang palasyo ay gawa sa makimtab na marmol, ang mga salamin ay tila mga diyamante, ang pintuan ay ginto, napakaluwag ang bakuran at ang hardin ay puno ng mga palamuti at mga luntiang puno. Isang kastilyo na para lang sa mga mayayaman\.

Dahil pagod sa kakalakad, naisipan ng lalaki na pumasok sa palasyo upang magpahinga, nang makalapit sa pintuan, nakita niya ang isang mamang nakabantay sa pasukan at nilapitan ito.

“Ano pong tawag sa lugar na ito?,” tanong ng lalaki. “Ito ay langit,” sagot ng bantay. “Talaga ho,” sabi ng di makapaniwalang lalaki. “Maari po bang makahingi ng tubig kasi po nauuhaw ako sa mahabang paglalakad,” pakiusap ng lalaki.

Pinaunlakan naman ng bantay, “Tuloy ka sa malaking pintuan at meron kaming tubig na napakasarap at kasing-lamig ng yelo’” Laking tuwa ng lalaki at nagmamadaling pumasok sa pintuan, ngunit napatigil nang maalala ang alagang aso.

Bumalik ang lalaki sa bantay at pinaki-usapan kung maaring isama ang alagang aso dahil pagod  rin ito at nauuhaw. Tumanggi ang bantay at nagpaliwanag na hindi puwede ang mga hayop sa loob. Nakiusap muli ang lalaki na kahit bigyan na lang sila ng tubig.

Sumagot ang bantay na baso lang ang meron, ngunit, walng inuman ng hayop. Laking dismaya ng lalaki at umalis na lang sa lugar, kasama ang kanyang alagang aso.

Muli nilang tinahak ang maluwag na daan na di alam kung saan ang patutunguhan. Makalipas ng ilang oras, ang kalsadang maganda ay unti-unting naging mabato at maputik at ilang sandali pa, may nakita siyang napaka-simpleng bukid na maraming puno, mga hayop at mga ibon.

Pinuntahan niya ang bukid at may nakita siyang malaking puno at sa ilalim nito ay isang matandang lalaki na may hawak na libro. Nilapitan ng lalaki ang matanda tinanong kung ano ang tawag sa lugar.  “Langit,” sagot ng matanda.

Muling nagtaka ang lalaki, ngunit pinabayaan lang niya ito, “ Maari po bang makainom ng tubig sa balon nyo.” Pinaunlakan ng matanda at sinabing pumasok na lang sila pintuan at may makikitang balon at ;pwedeng silang uminom doon.”

Nagpasalamat ang lalaki at tinanong kung pwedeng isama ang alagang aso ko sa loob. Ngumiti lang ang matanda at sinabing maari silang pumasok at pwede  rin uminom sa balon ang aso.

Laking tuwa ng lalaki at nagmamadali pumasok sa maliit na pintuan. Habang umiinom ng tubig, biglang pumasok sa isip ng lalaki na kamamatay lang pala niya sa isang malagim na aksidente at naalala niya kasama pala niya ang kanyang alagang aso na namatay rin.

Matapos silang uminom, nilapitan niya uli ang matandang lalaki, at muling nagtanong. “ Ano po ulit ang tawag nyo sa lugar na ito?” Sinagot uli ng matandang lalaki na ang lugar ay langit.

Naguluhan ang isip ng lalaki at sinabing bago narating nila ang lugar, may nadaanan silang malaking palasyo at sinabi rin sa kanya na langit din yon. Tumawa ang matandang lalaki at sinabing impyerno yun at sinasala ang mga taong papunta sa langit.

Gintong aral: Ang istorya ay sumalamin sa tunay na langit. Ang tunay na langit ay simple at hindi magara tulad ng nakikita sa mundo. Ang aso ay simbolo na kahit sino ay pwedeng makarating sa langit kung karapatdapat. #30

Planetang tulad ng mundo posibleng aabot ng milyon

WASHINGTON – Hindi lang daw ang mundo ang nag-iisang planetang may buhay sa buong sandaigdigan at maaring aabot daw ito ng milyon ang bilang na posibleng may mga nilalang pang nabubuhay, ayon sa pag-aaral ng ilang mga mananaliksik.

Sa lawak ng sangkalupaan at dami ng kalawakan, malaki ang tsansang mayroon din tulad ng Mundo, isang daigdig na hitik ang mga nabubuhay na organismo at ito ang naging palagay ni Professor Chandra Wickramasinghe, direktor ng Buckingham Center for Astrobiology of the University of Buckingham.

Mula sa teoryang Big Bang, maaaring umaabot ng 750 milyon planeta ang namuo ng buong sangkalupaan, kaya, malaki ang paniniwala ng mga dalubhasa na meron ibang mga nabubuhay na nilalang ang naninirahang milyun-milyong milya ang layo sa Mundo.

Ang patunay nilang kalawakan ay tugma sa Milky Way at ang mga planetang halos kasing-laki lamang ng Mundo, ang mga planetang naka-posisyon sa sariling daangtala, ito ang naging batayan ng mga mananaliksik na magpapatunay na meron ngang alyen.

Ayaw ngang gamitin ni Wickramasinghe ang salitang alyen, dahil buhay na organismo naman ang mga ito, bagamat ibang nilalang at nasa ibang kalawakan at may sarili pang buhay tulad ng tao.

Marami pang dapat na pag-aaralan ng mga tao, hindi sapat ang buhay natin upang malaman kung meron iba pang mga nilalang, ngunit, ang kalawakan natin ay di rnag-iisa at maraming katulad nito kayat naniniwala si Wickramasinghe na meron isang planetang milyun milyong milya ang layo sa mundo na meron rin nabubuhay tulad natin. #30

Ang Talinghaga ng Lapis

CANADA NEWS BITZ

Salpukan 2 eroplano 5 patay



SASKATCHEWAN – Limang katao ang nasawi matapos magbanggaana ng dalawang maliliit na eroplano sa himpapawid sa Saskatchewan kamakailan.

Nakumpirma ng mga imbestigador ang mga biktima ay nasawi sa mismo lugar kung saan bumagsak ang eroplano sa isang tubigan ng naturang probinsiya.

Napag-alaman rin na meron isang eroplano ang bumagsak sa Saskatoon, ngunit, bago pa man mangyari, na-iulat na may dalawang pang eroplano ang nawawala.

Ang isang eroplano ay ang Piper PA-28, at ang ruta nito ay Calgary papuntang St. Brieuz, dalawang lalaki at isang bata ang lulan nito.

Ang pangalawa naman ay isang Lake Buccaneer amphibious plane na may sakay na isang lalaki at babae na may biaheng Regina papuntang La Ronge.

Patuloy parin ang imbestigasyon ang sanhi ng pagbagsak ng dalawang eroplano at hindi pa matukoy kung bakit nagsalpukan ang mga ito sa himpapawid .#30




‘Volunteers’ kailangan sa paglilinis ng mga pampang ng Vancouver

VANCOUVER - Magsasanib ang Vancouver Aquarium at World Wild Life Fund upang kumuha ng mga boluntaryo na tutulong sa paglilinis ng mga kalat na naiwan ng tsunami sa mga pampang ng British Columbia. mula sa bansang Hapon.

Natatandaan noong Marso 2011 nagkaroon ng malakas na lindol sa Hapon at nagdulot ng malakas na tsunami na umabot hanggang Canada, maraming dumi ang nagkalat sa mga pampang ng BC at nais itong linisin ng World Wild Life Fund at Vancouver Aquarium.

Pagtutulungan linisin ng mga volunteers ang mga nagkalat na bote, plastik, sirang mga gamit at dumi na dulot ng tsunami.

Ang mga gustong maging boluntaaryo ay pwedeng bisitahin ang www.shorelinecleanup.ca kung interesadong sumali sa adhikain ng dalawang grupo. #30



‘Video cam’ makakatulong laban sa mga pasaway na drayber

NOVA SCOTIA – May nakakaibang opisyo si Chris Osborne, isang truck driver, na nilagyan ng bidyo kamera ang salamin ng kanyang sasakyan upang makunan ang mga sasakyan na bumubuntot sa kanya.

Naisipan ni Osborne na maglagay ng bidyo kamera sa kanyang sasakyan upang makuhanan ang mga sasakyan na lumalabag sa batas, mga likuan, sobrang bilis o beating the red light at inilalagay sa youtube.

Minsan ay isinusumbong pa sa mga otoridad ang mga sasakyan na lumabag sa batas ng trapiko, at mismo siya ang tatayong testigo ng mga bidyong nakuhanan at lahat ng mga kaso ay naipanalo niya.

Apat na ang naipapakulong ni Osborne dahil sa kanyang bidyo kamera, pinapayuhan niya ang lahat ng mga brayber na maging maingat at sumunod sa batas-trapiko. #30

Bagong balangkas na istraktura ng sandatahan ng Canada inihayag

Malaking pagbabago ang buong istraktura ng buong sandatahan ng Canada upang makatipid sa pondo, ito ang ipinahayag ng pamahalaan kamakailan.

Nais ng pamahalaan na lahat ng hanay ng Hukbong Sandatahan ng Canada ay pagsasamahin na at ilalagay sa iisang pamamahala sa ilalim ng Canadian Joint Operation Command (CJOC).

Inaasahan na malaki ang matitipid na pera kung ilalagay sa CJOC ang buong sandatahan ng Canada upang maalagaan mabuti ang mga pananalapi nito.

Tinatayang aabot ng 25% ang mababawas sa gastusin ng sandatahan ng Canada sakaling ilalagay ito sa ilalim ng CJOC ang command.

Si Peter MacKay, ministro ng Kagawaran ng Taggulan, ang magiging lieutenant-general ng mamumuno ang buong sandatahan ng Canada. #30

Suspek sa ‘moke bomibing’ sa Motreal kinasuhan na

MONTREAL – Isang lalaki at tastlong babae ang sinampahan ng kasong terorismo dahil sa ‘smoke bombing’ ng Montreal Metro kamakailan.

Kinilala ang mga suspek na sina Francois-Vivier Gagnon, Genevieve Valilancourt, Vanessa L’ Ecuyer at Roxanne Belisle, na mismong sumuko sa mga otoridad.

Kamakailan, nagkaroon ng biglaang ebakwasyon sng daan sa ilalim ng lupa ng Montreal (Lionel-Groulx metro station) dahil sa isang mapinsanlang usok na pansamantalang nagpatigil sa mga ng tren at libu-libong pananakay ay apektado.

Bukod sa kasong terorismo, haharapin din nila ang kason consfiracy and mischief.

Nadiskubre rin na si Gagnon ay naharap ng ng kasong possession of prohibited weapon dahil sa nakuhanan siyang may dalang kutsilyo. Pinaghahanp ng pulisya ang apat na suspek dahil nakuhan sila ng bidyo sa aktong magpapasabog ng “smoke bomb.” #30